<p><strong>ភ្នំពេញ ៖</strong> ស្រ្តីម្នាក់ ដែលស្លាប់ បាត់បង់ជីវិត ខណៈកំពុងជិះ ឧបករណ៍ លេងកំសាន្ត ហៅថា <br />Twin Twister ស្ថិតនៅក្នុង សួនកំសាន្ត ឌ្រីមលែន មានទីតាំង ស្ថិតខាងមុខ ណាហ្គាវើល សង្កាត់<br />ចតុមុខ ខណ្ឌដូនពេញ កាលពីល្ងាចថ្ងៃទី២១ ខែឧសភា ឆ្នាំ២០១៣ នោះ គឺបណ្តាលមកពីកំហុស<br /> ខ្លួនឯងតែម្តង មិនបណ្តាលមកពី បច្ចេកទេស និងការដាច់ធ្លាក់ ឧបករណ៍ដូចសេចក្តីរាយការណ៍<br /> មួយចំនួន និងពីដំបូងឡើយ។</p>
<p>អ្នកចាត់ការទូទៅ នៃសួនកំសាន្ត ឌ្រីមលែន បានឲ្យដឹងថា តាមពិត ស្រ្តីរងគ្រោះ ដែលស្លាប់ពេល<br />កំពុង ឧបករណ៍ជិះកំសាន្តនោះ បានកើតឡើង ដោយសារតែ ជនរងគ្រោះ បានលូនចេញពីខ្សែ<br />ក្រវ៉ាត់ ដោយខ្លួនឯង ខណៈមិត្តភក្រ័ជនរងគ្រោះ ជួយចាប់តែ ប៉ុន្តែមិនទាន់។</p>
<p>អ្នកចាត់ការទូទៅរូបនេះ បានឲ្យដឹងថា ឧបករណ៍ខាងលើនេះ មានតម្លៃជាង១លាន ដុល្លារឯណោះ<br /> ដូច្នេះការរៀបចំ បច្ចេកទេស នៅពេលជិះលេងកំសាន្ត មានការប្រុងប្រយ័ត្ន ខ្លាំងណាស់ ហើយ<br />ម្យ៉ាងទៀត អ្នកកាន់បច្ចេសទេស នៅប្រចាំកន្លែងលេងនោះ បានប្រកាសថា បើសិនអ្នកដែលមាន<br />ជំងឺ ខ្សោយបេះដូង ឫអារម្មណ៍ខ្សោយ សូមកុំចូលលេង ពីព្រោះអាចបណ្តាលឲ្យ ប៉ះពាល់ជីវិត<br />ដោយ ប្រការណាមួយ។</p>
<p>ជាមួយនឹងគ្រោះថ្នាក់ រហូតបាត់បង់ ជីវិតរបស់ស្រ្តី ខាងលើនេះ បានកើតឡើង ដោយមុនពេល<br /> កើតហេតុ ស្រ្តីរងគ្រោះ និងមិត្តភ័ក្រផ្សេងទៀត ក្នុងនោះ មានទាំងជនជាតិបរទេសមួយរូប ផងដែរ<br /> ដែលជាបុគ្គលិក នៅអង្គការ បាននាំគ្នាជួល ជិះឧបករណ៍ខាងលើនេះ ដែលមានតម្លៃចំនួន ៨០០០<br />រៀល សម្រាប់ការជិះលេងកំសាន្តមួយដង ។ ខណៈដែលស្រ្តីរងគ្រោះ កំពុងជិះ និងឧបករណ៍ កំ-<br />ពុងធ្វើចលនាខ្លាំងៗ ស្រាប់តែស្រ្តីរងគ្រោះ បានលូនចេញពីខ្សែក្រវ៉ាត់ការពារដោយខ្លួនឯង ហើយ<br />ធ្លាក់ រងរបួសធ្ងន់តែម្តង និងក្រោយមកបានស្លាប់ ពេលបញ្ជូនទៅកាន់មន្ទីរពេទ្យ កាល់ម៉ែត។</p>
<p>អ្នកចាត់ការទូទៅរូបនេះ បានបន្តថា សម្រាប់ខ្សែក្រវ៉ាត់ ការពារសុវត្ថិភាពនៅពេលជិះម្តងៗ គឺមាន<br />ភាពរឹងមាំណាស់ ពោលមិនងាយ ដាច់នោះឡើយ ហើយនៅពេល ឧបករណ៍ឈប់ ប្រហែល៣០<br />វិនាទី ទើបអាចដោះចេញបាន ដូច្នេះជាការការពារ សុវត្ថិភាពខ្ពស់ណាស់ សម្រាប់ភ្ញៀវដែលចូល<br />ទៅជិះកំសាន្តនោះ។</p>
<p>ស្រ្តីរងគ្រោះរូបនេះមានឈ្មោះ គីម គង្គា ភេទស្រី អាយុ៣៣ឆ្នាំ មានស្រុកកំណើតនៅ ស្រុកស្វាយ<br />ទាប ខេត្តស្វាយរៀង និងបច្ចុប្បន្នជា បុគ្គលិកនៅអង្គការមួយ មានទីតាំងស្ថិតនៅស្រុកកៀនស្វាយ<br /> ខេត្តកណ្តាល។ ជាមួយគ្នានេះ អ្នកចាត់ការទូទៅ នៃសួនកំសាន្ត ឌ្រីមលែន សូមធ្វើការអំពាវនាវ <br />ដល់ប្រជាពលរដ្ឋ គ្រប់រូប កុំឲ្យមានការភ័នច្រឡំ ចំពោះព័ត៌មានទាំងនេះ តាមពិតស្រ្តីរងគ្រោះ <br />បានស្លាប់ដោយសារតែ ខ្លួនឯងនោះទេ ពោលមិនបណ្តាលមកពីបច្ចេកទេស ឫការដាច់ធ្លាក់ឧប<br />ករណ៍នេះឡើយ៕</p>
<p style="text-align: center;"><img src="http://111.92.240.170:81//dap-news/dap-images/2013/May/id-007/Pheak-0207.jpg" alt="Photo by DAP-NEWS" width="500" /></p>
<p style="text-align: center;"><img src="http://111.92.240.170:81//dap-news/dap-images/2013/May/id-007/Pheak-0208.jpg" alt="Photo by DAP-NEWS" width="500" /></p>
<p style="text-align: center;"><img src="http://111.92.240.170:81//dap-news/dap-images/2013/May/id-007/Pheak-0209.jpg" alt="Photo by DAP-NEWS" width="500" /></p>
<p style="text-align: center;"><img src="http://111.92.240.170:81//dap-news/dap-images/2013/May/id-007/Pheak-0210.jpg" alt="Photo by DAP-NEWS" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/May/id-067/CH-0668.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/May/id-067/CH-0667.jpg" alt="" width="500" /></p>
<p style="text-align: right;">ផ្តល់សិទ្ធិដោយ៖ ដើមអំពិល</p>