<p><span style="color: #000000;">បច្ចុប្បន្នមានមតិចចាមអារ៉ាមជាច្រើន ស្តីពីមូលហេតុដែល Apple ចាំបាច់ត្រូវបោះបង់ចោល នូវរន្ធដោតកាសស្តាប់តន្រ្តី នៅលើបណ្តាគំរូ iPhone ក្នុងពេលអនាគតរបស់ខ្លួន។ នោះអាចជាវិធីដើម្បីឲ្យApple បង្កើននូវគុណភាពសម្លេង ឬបង្កើនបរិមាណលក់កាសស្តាប់តន្រ្តី Beats របស់ក្រុមហ៊ុនកូនរបស់ខ្លួន។ មនុស្សជាច្រើននៅថែមទាំងប៉ាន់ស្មានថា Apple ចង់ឲ្យផលិតផលអនាគតរបស់ខ្លួនស្តើងជាងមុន។</span></p>
<p style="text-align: center;"><span style="color: #000000;"><a class="thickbox" title="" href="/FileManager/Commons/2016/6/26/iphone7plus-a-26-06-2016--11-29-43.jpg"><img src="/FileManager/Articles/mce/2016/6/26/iphone7plus-a-26-06-2016--11-29-43.jpg" alt="" /></a></span></p>
<p style="text-align: center;"><em>រូបតំណាង (រូបភាព៖ Conceptphone)</em><span style="color: #000000;"><br /></span></p>
<p dir="ltr"><span style="color: #000000;">ប៉ុន្តែតាម BusinessInsider បានឲ្យដឹងពីមូលហេតុពាក់ព័ន្ធដល់គំរូ iPhone សម្រាប់ឆ្នាំ ២០១៧ យ៉ាង សមហេតុផលមួយផ្សេងទៀត។ អ្នករចនាម៉ូតយូរឆ្នាំរបស់ Apple គឺលោក Jony Ive ចង់ឲ្យផលិតផលiPhone 8 មានតួខ្លួន ដោយផ្ទៃទាំងខាងមុខ និងខាងក្រោយធ្វើពីកញ្ចក់ និងមិនអាចដោះថ្មបាន។ Apple នឹងបំពាក់សេនស័រស្គែនក្រយៅដៃ នៅក្នុងផ្ទៃអេក្រង់ផ្នែកខាងក្រោម ដូច្នេះប៊ូតុង Home នឹងត្រូវបានលុបបំបាត់ចោល។</span></p>
<p dir="ltr"><span style="color: #000000;">ពេលនោះ បើសិនជា Apple ចង់បង្កើនក្រឡាផ្ទៃអេក្រង់ និងកាត់បន្ថយទំហំផ្នែកខាងក្រោមរបស់ iPhone ឲ្យនៅសល់តិចបំផុតនោះ ពួកគេចាំបាច់ត្រូវធ្វើការផ្លាស់ប្តូរផ្នែករឹង នៅខាងក្នុង ដើម្បីឲ្យសមទៅនឹងការរចនាម៉ូត។ រន្ធដោតកាសស្តាប់តន្រ្តី គឺជាផ្នែករឹងមួយ ក្នុងចំណោមផ្នែករឹងមួយចំនួនទៀតដែលចាំបាច់ត្រូវមានការផ្លាស់ប្តូរ (លុបបំបាត់ចោល)។ ទន្ទឹមនឹងនោះ រន្ធសាកថ្ម Lightning ក៏ត្រូវផ្លាស់ប្តូរផងដែរ ដោយនឹងត្រូវបានក្រុមហ៊ុន រចនាម៉ូតតូចខ្លីជាងមុន។</span></p>
<p dir="ltr"><span style="color: #000000;">ជាមួយនឹងផលិតផលដែលទាមទារឲ្យមានការគិតគូរយ៉ាងល្អិតល្អន់ ហ្មត់ចត់ ស្តីពីការរចនាម៉ូតដូច ជា iPhone នេះ បណ្តាការផ្លាស់ប្តូរដ៏តូច កំរិតប៉ុន្មានមីលីម៉ែត្រក៏ដោយ ក៏វាផ្តល់មកវិញនូវភាពខុសគ្នា យ៉ាងខ្លាំងផងដែរ ហើយវាក៏ធំល្មមគ្រាប់គ្រាន់ សម្រាប់បង្កើនផ្ទៃក្រឡាអេក្រង់ ឬកម្លាំងដំណើរការនៃផ្នែករឹងថាមពលថ្មកាន់តែខ្លាំង.......ជាដើម៕</span></p>
<p dir="ltr"><span style="color: #000000;"><span style="color: #0000ff;"><em><a href="/News/Detail/46763/is-this-samsung-galaxy-note-6"><span style="color: #0000ff;"><em>- អានអត្ថបទ៖ នេះគឺជា Samsung Galaxy Note 6 (ឬ Galaxy Note 7) មែនទេ?</em></span></a></em></span><a href="/News/Detail/12242/samsung-ace-lg-think-to-leave-london"><span style="color: #0000ff;"><em><br />- អានអត្ថបទ៖ Samsung, LG, Acer គិតចង់ដកខ្លួនចេញពី ទីក្រុងឡុងដ៍ បន្ទាប់ពីអង់គ្លេស ចាកចេញពី EU</em></span></a><br /><br /></span></p>
<p dir="ltr"> </p>
<p style="text-align: right;" dir="ltr"><em>ប្រែសម្រួល៖ មង្គល</em></p>