<p><span style="color: #000000;"><strong>(ភ្នំពេញ)៖</strong> សម្តេចតេជោ ហ៊ុន សែន នាយករដ្ឋមន្រ្តី នៃកម្ពុជា បានថ្លែងថា រាល់ការកាប់បំផ្លាញព្រៃឈើ ត្រូវតែផន្ទាទោស និងបង្រ្កាប ហើយសម្តេចបានចេញបញ្ជាឲ្យនាយឧត្តមសេនីយ៍ សៅ សុខា ប្រធានគណៈកម្មការជាតិ ដើម្បីទប់ស្កាត់ និង បង្ក្រាបបទល្មើសព្រៃឈើ បាញ់បង្រ្កាបរាល់សកម្មភាពកាប់បំផ្លាញព្រៃឈើ។</span></p>
<p><span style="color: #000000;">ក្នុងឱកាសអញ្ជើញជាអធិបតីបើកសម្ពោធដាក់ឲ្យប្រើប្រាស់ «អគារមរតកតេជោ» របស់ក្រសួងបរិស្ថាន នាព្រឹកថ្ងៃទី២៥ ខែកុម្ភៈ ឆ្នាំ២០១៦នេះ សម្តេចតេជោ ហ៊ុន សែន បានថ្លែងថា <strong>«យើងទទួលនូវការឈឺចាប់ណាស់ នៅពេលគេស្រែកអំពីបញ្ហាកាប់បំផ្លាញព្រៃឈើ កាប់បំផ្លាញព្រៃឈើ ត្រូវតែមានទោសទណ្ឌ ហើយត្រូវតែបង្រ្កាប។ ខ្ញុំឲ្យឧទ្ធម្ភាគចក្រពីរគ្រឿង សៅ សុខា ដូចអត់ទាន់បាញ់មួយគ្រាប់ផងទេអី។ ខ្ញុំឲ្យបាញ់ បើថាវាព្រហើន រ៉ូកែតដាក់ពីលើតែម្តងអត់មានរញ៉េរញ៉ៃ»</strong>។</span></p>
<p><span style="color: #000000;">សម្តេចតេជោ ហ៊ុន សែន ក៏បានស្តីបន្ទោសទៅដល់មន្រ្តីពាក់ព័ន្ធ នៅតាមមូលដ្ឋានផងដែរ ដែលមិនបានបង្រ្កាបបទល្មើសព្រៃឈើ។ សម្តេច បានលើកឡើងថា បទល្មើសព្រៃឈើ វាមិនពិបាកដូចបទល្មើសគ្រឿងញៀនទេ តែហេតុអ្វីមន្រ្តីនៅតាមមូលដ្ឋានមិនបង្រ្កាប។</span></p>
<p><span style="color: #000000;">សម្តេចបានថ្លែងបញ្ជាក់យ៉ាងដូច្នេះ <strong>«បើថា លួចគ្រឿងញៀន លួចរត់ពន្ធគ្រឿងញៀនវាពិបាក។ ប៉ុន្តែរឿងដឹកឈើនេះ អាហ្នឹងវាដឹកនឹងឡាន ហើយធំៗណាស់ ចុះគ្រប់ផ្នែកទៅណាអស់ ទាំងភ្នែកទាហាន ភ្នែកប៉ូលិស ភ្នែកផ្នែកបេអឹម ទាំងភ្នែករដ្ឋបាល ទាំងភ្នែកព្រៃឈើ និងភ្នែកបរិស្ថាន ទៅណាអស់ទៅ ឬក៏អាហ្នឹង នឹងគេដែរ»</strong>។</span></p>
<p><span style="color: #000000;">សូមបញ្ជាក់ថា ដើម្បីបង្រ្កាបការកាប់បំផ្លាញព្រៃឈើនៅកម្ពុជា សម្តេចតេជោ ហ៊ុន សែន កាលពីថ្ងៃទី១៥ ខែមករា ឆ្នាំ២០១៦កន្លងទៅនេះ បានសម្រេចបង្កើតគណៈកម្មការជាតិ ដើម្បីទប់ស្កាត់ និងបង្ក្រាបបទល្មើសព្រៃឈើ ដោយមាននាយឧត្តសមេនីយ៍ សៅ សុខា អគ្គមេបញ្ជាការរង នៃកងយោធពលខេមរភូមិន្ទ និងជាមេបញ្ជាការកងរាជអាវុធហត្ថលើផ្ទៃប្រទេស ជាប្រធាន។</span></p>
<p><span style="color: #000000;">ក្នុងប្រតិបត្តិការស្វែងរកបទល្មើសព្រៃឈើ អស់រយៈពេលជាង ១ខែកន្លងមកនេះ សំណុំរឿងព្រៃឈើចំនួន ២៦ករណី ត្រូវបានបញ្ជូនទៅកាន់តុលាការ តែសំណុំរឿងទាំង ២៦ករណីនេះ គ្រាន់តែជាបទល្មើសតូចតាចប៉ុណ្ណោះ។ នេះបើតាមការបញ្ជាក់ របស់លោក អេង ហ៊ី អ្នកនាំពាក្យរបស់កងរាជអាវុធហត្ថលើផ្ទៃប្រទេស។</span></p>
<p><span style="color: #000000;">លោក អេង ហ៊ី ធ្លាប់បានប្រាប់ Fresh News ថា ការបង្រ្កាបបទល្មើសព្រៃឈើកន្លងមកនេះ សមត្ថកិច្ចបានរកឃើញវត្ថុតាង នៃបទល្មើសមួយចំនួនដូចជា នៅខេត្តស្ទឹងត្រែងរកឃើញឈើ ៣,២៨៣ដុំ ស្មើ២៥០.១៩៤ម៉ែត្រគូប គោយន្តកន្ត្រៃយ៍ ៤គ្រឿង និងរណាយន្តចំនួន ៤គ្រឿង។</span></p>
<p><span style="color: #000000;">នៅខេត្តមណ្ឌលគីរី ចាប់រថយន្តបានចំនួន ៨គ្រឿង ទោចក្រយានយន្ត ២គ្រឿង ម៉ាស៊ីនអាឈើចំនួន ១គ្រឿង ម៉ាស៊ីនជ្រៀកឈើចំនួន ១គ្រឿង រណាយន្ត ២គ្រឿង ម៉ាស៊ីនគោយន្ត១គ្រឿង។</span></p>
<p><span style="color: #000000;">ខេត្តរតនៈគិរី ចាប់ឈើបាន ៥៦៥ដុំ ស្មើ ១៧៦,៤០៩ម៉ែត្រគូប និង ខេត្តក្រចេះ ចាប់ឈើបានចំនួន ៣,០៩៤កំណាត់ ស្មើ ៦៦៧,៥០៦ម៉ែត្រគូប ជន្លង់ម្រេចចំនួន២៤៦ រណាយន្តចំនួន១គ្រឿង។</span></p>
<p><span style="color: #000000;">ចំពោះក្រុមហ៊ុនដែលមានការពាក់ព័ន្ធនឹងព្រៃឈើធំៗក្នុងខេត្តរតនៈគិរីវិញ រួមមាន៖ ក្រុមហ៊ុនដូនពេញមានឈើ ៨,៨៣៣កំណាត់ ស្មើ ១៨៥ម៉ែត្រគូប, ក្រុមហ៊ុន ទ្រីភាព មានឈើ ៨១៥៧ដុំ ស្មើ ២៧៥,៤៦០ម៉ែត្រគូប, ក្រុមហ៊ុនចែងប៉ូលីន មានឈើ ១,៣១២,៩១៥ម៉ែត្រគូប៕</span></p>
<div class="fb-video fb_iframe_widget fb_iframe_widget_fluid_desktop" style="width: 100%;" data-allowfullscreen="1" data-href="/freshnewsasia/videos/vb.199402103564922/518028178368978/?type=3"></div>
<div class="addtoany_container"><span class="a2a_kit a2a_kit_size_32 addtoany_list" style="line-height: 32px; color: #000000;" data-a2a-url="http://www.freshnewsasia.com/index.php/en/18692-2016-02-25-05-45-10.html" data-a2a-title="សម្តេចតេជោ ហ៊ុន សែន បញ្ជាលោក សៅ សុខា ឲ្យបាញ់បង្រ្កាបក្រុមកាប់បំផ្លាញព្រៃឈើ (Video inside)"> <a class="a2a_button_facebook" rel="nofollow" href="http://www.freshnewsasia.com/#facebook" target="_blank"></a><a class="a2a_dd" href="https://www.addtoany.com/share#url=http%3A%2F%2Fwww.freshnewsasia.com%2Findex.php%2Fen%2F18692-2016-02-25-05-45-10.html&title=%E1%9E%9F%E1%9E%98%E1%9F%92%E1%9E%8F%E1%9F%81%E1%9E%85%E1%9E%8F%E1%9F%81%E1%9E%87%E1%9F%84%20%E1%9E%A0%E1%9F%8A%E1%9E%BB%E1%9E%93%20%E1%9E%9F%E1%9F%82%E1%9E%93%20%E1%9E%94%E1%9E%89%E1%9F%92%E1%9E%87%E1%9E%B6%E1%9E%9B%E1%9F%84%E1%9E%80%20%E1%9E%9F%E1%9F%85%20%E1%9E%9F%E1%9E%BB%E1%9E%81%E1%9E%B6%20%E1%9E%B2%E1%9F%92%E1%9E%99%E1%9E%94%E1%9E%B6%E1%9E%89%E1%9F%8B%E1%9E%94%E1%9E%84%E1%9F%92%E1%9E%9A%E1%9F%92%E1%9E%80%E1%9E%B6%E1%9E%94%E1%9E%80%E1%9F%92%E1%9E%9A%E1%9E%BB%E1%9E%98%E1%9E%80%E1%9E%B6%E1%9E%94%E1%9F%8B%E1%9E%94%E1%9F%86%E1%9E%95%E1%9F%92%E1%9E%9B%E1%9E%B6%E1%9E%89%E1%9E%96%E1%9F%92%E1%9E%9A%E1%9F%83%E1%9E%88%E1%9E%BE%20%28Video%20inside%29&description=FRESH%20NEWS%20to%20your%20Mobile%20%26%20Desktop"><span class="a2a_label" style="color: #000000;"><br class="a2a_label" /></span></a> </span></div>
<div id="system-message-container">
<div id="system-message"></div>
</div>
<div class="span9"></div>
<div class="span9"></div>
<div class="span9">
<p style="text-align: right;"><span style="color: #000000;">ផ្តល់សិទ្ធដោយ ៖ ហ្វ្រេសញូវអាស៊ី</span></p>
</div>