<p><span style="color: #000000;"><strong>(ភ្នំពេញ)៖</strong> មន្ត្រីជាន់ខ្ពស់អាកាសចរណ៍ស៊ីវិលកម្ពុជា បានឲ្យដឹងថា រាជរដ្ឋាភិបាលគ្រោងសាងសង់ អាកាសយានដ្ឋានអន្តរជាតិថ្មីមួយ ដែលអាចនឹងមានចម្ងាយ៥០គីឡូម៉ែត្រ ពីរាជធានីភ្នំពេញ បន្ទាប់ពីអាកាសយានដ្ឋានអន្តរជាតិភ្នំពេញ មិនអាចពង្រីកសមត្ថភាព របស់ខ្លួនបានថែមទៀតនោះ។</span></p>
<p><span style="color: #000000;">លោក ស៊ីន ចាន់សិរីវុត្ថា អ្នកនាំពាក្យរដ្ឋលេខាធិការ អាកាសចរណ៍ស៉ីវិល បានថ្លែងប្រាប់អង្គភាព Fresh News ថា ដោយសារតែកំណើននៃការធ្វើដំណើរតាមផ្លូវអាកាស បានបន្តកើនឡើងពីមួយឆ្នាំទៅមួយឆ្នាំ ហើយនៅឆ្នាំ២០២៥ អាកាសយានដ្ឋានអន្តរជាតិភ្នំពេញ មិនអាចពង្រីកសមត្ថភាពរបស់ខ្លួនទៀតបាន ជាមួយកត្តាចង្អៀតនៃការស្ទះចរាចរណ៍ ក៏ដែលបានរាំងស្ទះដល់វិស័យអាកាសចរណ៍ផងដែរនោះ ទើបរាជរដ្ឋាភិបាលកម្ពុជា មានទស្សនវិស័យថានឹងសាងសង់ នូវព្រលានយន្តហោះអន្តរជាតិថ្មីមួយទៀត។</span></p>
<p><span style="color: #000000;">យ៉ាងណាក៏ដោយអ្នកនាំពាក្យរូបនេះ មិនអាចបញ្ជាក់ពីទីតាំង និងក្រុមហ៊ុនដែលនឹងត្រូវទទួលបានសិទ្ធិសាងសង់ ព្រលានយន្តហោះថ្មីនេះ នៅឡើយទេ ដោយលោកលើកឡើងថា វាស្ថិតនៅក្នុង គោលនយោបាយ របស់រាជរដ្ឋាភិបាល។</span></p>
<p><span style="color: #000000;">លោកបានឲ្យដឹងទៀតថា បន្ទាប់ពីទទួលបានព័ត៌មានថា រាជរដ្ឋាភិបាលកម្ពុជា ចង់សាងសង់អាកាសយានដ្ឋានថ្មី ក្រុមហ៊ុនអាកាសយានដ្ឋានកម្ពុជា ដែលជាក្រុមហ៊ុនបារាំង ទទួលបានសិទ្ធិវិនិយោគ លើព្រលានយន្តហោះនៅកម្ពុជាបច្ចុប្បន្ន បានជួលអ្នកជំនាញការមកពីបារាំង ដើម្បីឲ្យសិក្សាលើគម្រោងការសាងសង់ ថាគួរធ្វើនៅម្តុំណា? ដើម្បីឲ្យប៉ះពាល់ដល់បរិស្ថាន និងសង្គមតិចបំផុត ហើយងាយស្រួល ក្នុងធ្វើដំណើរទៅកាន់ព្រលានយន្តហោះនោះ។</span></p>
<p><span style="color: #000000;">ពាក់ព័ន្ធនឹងព្រលានយន្តហោះខេត្តកំពង់ឆ្នាំង លោក ស៊ីន ចាន់សិរីវុត្ថា បានលើកឡើងថា ក៏ស្ថិតក្នុងការសិក្សាសាងសង់ព្រលានយន្តថ្មីនេះផងដែរ ប៉ុន្តែជាទីស្តីព្រលានយន្តហោះ អាចឆ្ងាយពីរាជធានីភ្នំពេញតែ៥០គីឡូម៉ែត្រប៉ុណ្ណោះ ចំណែកឯព្រលានយន្តហោះកំពង់ឆ្នាំង មានចម្ងាយប្រមាណ៨០គីឡូម៉ែត្រពីភ្នំពេញ ហេតុនេះប្រសិនបើសាងសង់នៅកំពង់ឆ្នាំង គឺត្រូវចំណាយនូវការសាងសង់ ហេដ្ឋាចរនាសម្ព័ន្ធអស់ទឹកប្រាក់ច្រើន។</span></p>
<p><span style="color: #000000;">កម្ពុជាមានព្រលានយន្តហោះអន្តរជាតិ គឺព្រលានយន្តហោះអន្តរជាតិភ្នំពេញ ព្រលានយន្តហោះអន្តរជាតិសៀមរាប និងព្រលានយន្តហោះអន្តរជាតិខេត្តព្រះសីហនុ។ នៅឆ្នាំ២០១៦នេះ ព្រលានយន្តហោះអន្តរជាតិភ្នំពេញ ទើបតែសម្ពោធដាក់ឲ្យដំណើរការ ស្ថានីយអ្នកដំណើរដោយសមត្ថភាព ទទួលអ្នកដំណើរ៥លាននាក់។</span></p>
<p><span style="color: #000000;">ក្រសួងទេសចរណ៍ បានឲ្យដឹងថា ភ្ញៀវទេសចរអន្តរជាតិ ដែលធ្វើដំណើរមកកម្ពុជាតាមផ្លូវអាកាស មានចំនួន១,១៣៣,៩៤០នាក់ នៅរយៈពេល៥ខែដើមឆ្នាំនេះ៕</span></p>
<p> </p>
<p><span style="color: #000000;"><img src="https://fbcdn-sphotos-e-a.akamaihd.net/hphotos-ak-xpf1/v/t1.0-9/13061952_1166860943345965_5604137354457607322_n.jpg?oh=892092703809e94c99982cdb032c47d5&oe=582F9E92&__gda__=1479588013_65b6e960b9ae818b370ef45196895506" alt="" width="730" /></span></p>
<p><span style="color: #000000;"><img src="https://scontent-kul1-1.xx.fbcdn.net/v/t1.0-9/12494919_1144894028875990_276730669833840628_n.jpg?oh=f6ec3282e3a924c588a6d5361779a602&oe=5833A14C" alt="" width="730" /></span></p>
<p><span style="color: #000000;"><img src="https://scontent-kul1-1.xx.fbcdn.net/v/l/t1.0-9/12494932_1143143009051092_769041320965696004_n.jpg?oh=b27134c45d4ecb9d9b582ae418f11e71&oe=58236797" alt="" width="730" /></span></p>
<p style="text-align: right;"><br /><span style="color: #000000;">ផ្តល់សិទ្ធិដោយ ៖ ហ្រ្វេសញ៉ូវអាសុី</span></p>