<p><span style="color: #000000;"><strong>(ភ្នំពេញ)៖</strong> សម្តេចតេជោ ហ៊ុន សែន នាយករដ្ឋមន្រ្តីនៃកម្ពុជា បានស្នើឱ្យយុវជន យុវនារីខ្មែរ ជៀសវាងនូវការលេងល្បែង «គប់ទឹក» និង «ប៉ាតម្សៅ» នៅក្នុងអំឡុងបុណ្យចូលឆ្នាំថ្មី ប្រពៃណីខ្មែរ រយៈពេល៣ថ្ងៃ ខាងមុខនេះ ដើម្បីបង្កានូវគ្រោះថ្នាក់ទាំងឡាយដែលធ្លាប់មានកន្លងមក។</span></p>
<p><span style="color: #000000;">សម្តេចតេជោ ហ៊ុន សែន បានថ្លែងបែបនេះ ខណៈដែលសម្តេច និងសម្តេចកិត្តិព្រឹទ្ធបណ្ឌិត អញ្ជើញជាអធិបតីភាព ក្នុងពិធីសម្ពោធមហាកុដិតេជោរ៉ានីរតនៈ ក្នុងបរិវេណវត្តប្រជុំនទី (ហៅវត្តក្រពើហារ) ស្ថិតនៅក្រុងតាខ្មៅ ខេត្តកណ្តាល នាព្រឹកថ្ងៃទី០៧ ខែមេសា ឆ្នាំ២០១៦នេះ។</span></p>
<p><span style="color: #000000;">សម្តេចបានលើកឡើងថា ល្បែងនេះមិនមែនជាប្រពៃណីរបស់ខ្មែរនោះទេ ហើយបានបង្កឱ្យគ្រោះថ្នាក់ ដល់អ្នកដទៃ។ សម្តេចថា គប់ទឹកអាចបង្ករបួស ឬគ្រោះថ្នាក់ចរាចរណ៍ ដោយឡែក ប៉ាតម្សៅ អាចធ្វើឱ្យប៉ះពាល់ដល់កូនក្រមុំ-ប្រពន្ធគេ ឬបាត់បង់ក្រវិល ខ្សែករបស់គេ។</span></p>
<p><span style="color: #000000;">សម្តេចតេជោបានថ្លែងយ៉ាងដូច្នេះថា<strong> «ខ្ញុំសូមអំពាវនាវដល់យុវជន យុវនារី មេត្តាលេងកម្សាន្ត ដោយភាពថ្លៃថ្នូរ ចៀសវាងនូវការលេងល្បែងណា ដែលមិនមែនជាប្រពៃណី ហើយនាំទៅដល់គ្រោះថ្នាក់ ដូចជាការគប់ទឹកនៅពេលគេកំពុងជិះឡាន ជិះម៉ូតូ អាគប់ទឹកនេះគ្រោះថ្នាក់ខ្លាំងណាស់។ អាលេងចាក់ទឹកនេះ មិនមែនជាប្រពៃណីខ្មែរយើងទេ អាហ្នឹងគេធ្វើនៅក្នុងទីអារ៉ាម នៅពេលគេស្រង់ព្រះម៉ាភ្លែតហ្នឹងទេ អាហ្នឹងគេប្រើ ប៉ុន្តែគេមិនដែលប្រើតាមផ្លូវថ្នល់ទេ»។ «អាប៉ាតម្សៅ លាបធ្យូងនេះ ក៏គប្បីចៀសវាងផងដែរ ព្រោះជួនកាលទៅប៉ាតគេ ទៅប៉ាតយកទាំងក្រវឹលគេ»</strong>៕</span></p>
<p><span style="color: #000000;"><a class="thickbox" title="" href="/FileManager/Commons/2016/4/7/10h-07-04-2016--09-53-13.jpg"><img src="/FileManager/Articles/mce/2016/4/7/10h-07-04-2016--09-53-13.jpg" alt="" /></a><br /><br /></span></p>
<p> </p>
<p style="text-align: right;"><span style="color: #000000;">ផ្តល់សិទ្ធដោយ ៖ ហ្វ្រេសញូវអាស៊ី</span></p>
<div><span><br /></span></div>