<p>ព័ត៌មានអន្តរជាតិ ៖ យ៉ាងហោចណាស់ មនុស្ស ៥០ នាក់ បានរងរបួស បន្ទាប់ពីរថភ្លើងដឹក<br />អ្នកដំណើរពីរគ្រឿង បានបើកបុកប្រជល់សាកកម្លាំងគ្នា នៅឯរដ្ឋ Connecticut សហរដ្ឋអា<br />មេរិក នេះបើយោងតាមសេចក្តីរាយការណ៍ព័ត៌មាន ដែលបានចេញផ្សាយដោយគេហទំព័រ<br />បរទេស ស្កាយ កាលពីប៉ុន្មានម៉ោងមុននេះបន្តិច។</p>
<p><a class="thickbox" title="" href="/FileManager/Commons/2013/5/18/conn-train-collision-jpg-18-05-2013--08-36-56.jpg"><img src="/FileManager/Articles/mce/2013/5/18/conn-train-collision-jpg-18-05-2013--08-36-56.jpg" alt="" width="440" height="293" /></a></p>
<p>លើសពីនេះ ប្រភពសារព័ត៌មានដដែល បានគូសបញ្ជាក់បន្ថែមអោយដឹងផងដែរថា មិន<br />មានសោកនាដកម្ម មនុស្សបាត់បង់ជីវិតអ្វីនោះទេ គ្រាន់តែមានអ្នករងរបួស តែប៉ុណ្ណោះ <br />បន្ទាប់ពីរថភ្លើងមួយខ្សែ បានបើកធ្លាក់ផ្លូវ និងបុកជាមួយនឹងរថភ្លើងដឹកអ្នកដំណើរមួយ<br />ផ្សេងទៀតតែម្តង។</p>
<p><a class="thickbox" title="" href="/FileManager/Commons/2013/5/18/bskybimage238391v1trains1400x240-18-05-2013--08-38-28.jpg"><img src="/FileManager/Articles/mce/2013/5/18/bskybimage238391v1trains1400x240-18-05-2013--08-38-28.jpg" alt="" width="437" height="262" /></a></p>
<p>ដោយឡែក បើយោងតាមសម្តីមន្រ្តីប៉ូលីស ផ្លូវការបន្ថែមថា រថភ្លើងដឹកអ្នកដំណើរមួយ<br />គ្រឿងធ្វើដំណើរឆ្ពោះទៅ ទីក្រុងញ៉ូវយ៉ក ដោយចាកចេញពីរដ្ឋ New Haven លុះមកដល់<br />កន្លែងកើតហេតុ រថភ្លើងមួយនេះ ក៏បានបើកធ្លាក់ផ្លូវ និង បានបុកជាមួយនឹងរថភ្លើងមួយ<br />ផ្សេងទៀត នៅក្នុងរដ្ឋ Connecticut នេះតែម្តង។</p>
<p><a class="thickbox" title="" href="/FileManager/Commons/2013/5/18/180513-connecticut-map-1-522x293-18-05-2013--08-37-59.jpg"><img src="/FileManager/Articles/mce/2013/5/18/180513-connecticut-map-1-522x293-18-05-2013--08-37-59.jpg" alt="" width="439" height="245" /></a></p>
<p>យ៉ាងណាមិញ បើយោងតាមអ្នកនាំពាក្យ របស់ក្រុមមន្រ្តីប៉ូលីស លោក Lt. James Perez<br />បានអះអាងថា ក្នុងករណីគ្រោះថ្នាក់លើកនេះ ពួកយើងមិនទាន់ជាក់ច្បាស់នោះទេ ថាតើ<br />វាបណ្តាលមកពីបញ្ហាបច្ចេកទេស ឬក៏ជាគ្រោះថ្នាក់ចៃដន្យ ឬក៏ជាការគ្រោងទុកមុន នោះ<br />ទេ ស្របពេលដែលស្ថិតនៅក្រោមការតាមដានស៊ើបអង្កេតនៅឡើយ៕</p>
<p style="text-align: right;">ដោយ ៖ រិទ្ធី<br />ប្រភព ៖ ស្កាយ</p>