<p><span style="color: #000000;"><strong>ភ្នំពេញ៖</strong> ក្រសួងព័ត៌មាន បានព្រមានផ្អាកការផ្សាយ និង ដកអាជ្ញាប័ណ្ណស្ថានីយទូរទស្សន៍ណា បន្តផ្សព្វផ្សាយ គ្រឿងស្រវឹង មិនព្រមគោរពតាមសារាចរណែនាំរបស់ក្រសួង ដែលបានដាក់ចេញឲ្យអនុវត្តកាលពីថ្ងៃទី០១ ខែ តុលា ឆ្នាំ២០១៤។</span></p>
<p><span style="color: #000000;">ក្រសួងព័ត៌មាននៅថ្ងៃទី១១ ខែមករា ឆ្នាំ២០១៥នេះ បានចេញសេចក្តីជូនដំណឹងមួយច្បាប់ដោយបញ្ជាក់ថា បច្ចុ ប្បន្នមានបណ្តាស្ថានីយទូរទស្សន៍មួយចំនួន ពុំបានអនុវត្តតាមសារាចរណែនាំស្តីពីការ «ផ្សាយពាណិជ្ជកម្មគ្រឿង ស្រវឹង»នោះទេ នៅតែបន្តការផ្សាយពាណិជ្ជកម្មគ្រឿងស្រវឹងនៅចន្លោះពីម៉ោង៦ ដល់ម៉ោង ៨ល្ងាចដដែល។</span></p>
<p><span style="color: #000000;">តាមរយៈលិខិតដដែលនេះ ក្រសួងព័ត៌មានបានក្រើរំលឹកដល់ម្ចាស់ស្ថានីយទូរទស្សន៍មិនគោរពសារាចរនោះថា «ក្រសួងព័ត៌មាន សូមធ្វើការក្រើនរំលឹកដល់ស្ថានីយទូរទស្សន៍ទាំងអស់ជាថ្មីម្តងទៀត សូមធ្វើការអនុវត្តន៍ ឲ្យបាន ម៉ឹងម៉ាត់ តាមចំណុចដូចដែលមានចែងក្នុងសារាចរនេះ ឲ្យមានប្រសិទ្ធិភាពខ្ពស់បំផុត។ បើស្ថានីយទូរទស្សន៍ណា មួយ នៅតែបន្តផ្សាយពាណិជ្ជកម្មគ្រឿងស្រវឹង ល្មើសនឹងខ្លឹមសារ ក្នុងសារាចរនេះជាបន្តទៀត ក្រសួងព័ត៌មាននឹង ផ្អាកការផ្សាយរបស់ស្ថានីយនោះ ជាបណ្តោះអាសន្នចាប់ពី២សប្តាហ៍ ដល់១ខែ ហើយឈានដល់ការដកហូត អាជ្ញាប័ណ្ណទាំងស្រុងពីស្ថានីយនោះ ប្រសិនបើនៅតែពុំរាងចាល»។</span></p>
<p><span style="color: #000000;">សូមបញ្ជាក់ថា ដោយពិនិត្យឃើញថា គ្រឿងស្រវឹង បានបង្កផលប៉ះពាល់អវិជ្ជមាន និងទុក្ខទោសជាច្រើនដល់បញ្ហា សុខភាព ការ បង្ករបួសស្នាម គ្រោះថ្នាក់ចរាចរ អំពើហិង្សាក្នុងគ្រួសារ និងភាពក្រីក្រជាដើមនោះ កាលពីថ្ងៃទី០១ ខែតុលា ឆ្នាំ ២០១៤កន្លងទៅនេះ ក្រសួងព័ត៌មានបានចេញសារាចរមួយស្តីពីការផ្សព្វផ្សាយគ្រឿងស្រវឹងនៅតាម ទូរទស្សន៍ និងវិទ្យុ ដោយរំពឹងថា នឹងចូលរួមកាត់បន្ថយការសេពគ្រឿងស្រវឹង។ សារាចរណែនាំ ដែលចេញដោយ ក្រសួងព័ត៌មាននេះ បានដាក់ចេញនូវក្រិត្យក្រមចំនួន ៤ចំណុច ឲ្យស្ថានីយទូរទស្សន៍ និងវិទ្យុទាំងអស់អនុវត្ត ដើម្បីកាត់បន្ថយការបំផុសស្មារតីពលរដ្ឋខ្មែរឲ្យសេពគ្រឿងស្រវឹង។</span></p>
<p><span style="color: #000000;">សូមអានសេចក្តីជូនដំណឹង និងសារាចរណែនាំរបស់ក្រសួងព័ត៌មាននៅខាងក្រោម។</span></p>
<p><span style="color: #000000;"><a class="thickbox" title="" href="/FileManager/Commons/2015/1/12/chanroth015-jan-49-12-01-2015--10-51-36.jpg"><img src="/FileManager/Articles/mce/2015/1/12/chanroth015-jan-49-12-01-2015--10-51-36.jpg" alt="" /></a></span></p>
<p><a class="thickbox" title="" href="/FileManager/Commons/2015/1/12/chanroth015-jan-50-12-01-2015--10-51-47.jpg"><img src="/FileManager/Articles/mce/2015/1/12/chanroth015-jan-50-12-01-2015--10-51-47.jpg" alt="" /></a><span style="color: #000000;"><br /></span></p>
<p style="text-align: right;"><span style="color: #000000;"><br /><span>ផ្ដល់សិទ្ធដោយ៖ ដើមអម្ពិល</span><br /></span></p>