<p><span style="color: #000000;"><strong>ភ្នំពេញ៖</strong> មនុស្សម្នាទូទៅ បានគិតថា អ្នកសិល្បៈ ប្រាកដជា មានឱកាសខ្ពស់ ក្នុងការរកស៊ីជាងអ្នកធម្មតា ព្រោះពួកគេមានកេរ្តិ៍ឈ្មោះល្បីល្បាញ អ្នកណាក៏ចង់ទិញ និងប្រើប្រាស់សេវាកម្ម របស់តារាល្បីៗដែរ ។ តែផ្ទុយស្រឡះ ការដាក់ទុនរកស៊ីរបស់ តារាល្បីទាំងនោះ ត្រូវបានគេសង្កេតឃើញថា បិទមុខជំនួញរបស់ខ្លួនជាបន្តបន្ទាប់ តារាខ្លះក៏សេងហាងបណ្តើរ ព្រោះតែពួកគេ ហាក់មិនមានពេលគ្រប់គ្រាន់ ក្នុងការគ្រប់គ្រងហាង រីឯអ្នកសិល្បៈខ្លះបើកហាង ដើម្បីកំដរភាពអផ្សុករបស់ខ្លួនប៉ុណ្ណោះ ។ ហេតុផលមួយទៀតអ្នកសិល្បៈខ្លះ គ្មានបទពិសោធន៍ខាងរកស៊ី ចេះតែបើកតាមគ្នា ទីបំផុតខាតឡុងចុង អស់ទាំងចុងទាំងដើម ក៏បង្ខំចិត្តបិទទាំងពាក់កណ្ដាលទី។</span></p>
<p><span style="color: #000000;">តើតារាសិល្បៈណាខ្លះ ដែលរកស៊ីមិនសូវកាក់កប?</span><br /> <br /><span style="color: #000000;"><strong>១.លោក ព្រាប សុវត្ថិ</strong></span><br /><span style="color: #000000;">តារាចម្រៀងលំដាប់កំពូលរបស់កម្ពុជា លោក ព្រាប សុវត្ថិ លោកធ្លាប់មានអាជីវកម្មជាច្រើន ដូចជា សំអាងការ និង កាត់សក់ ហើយសំអាងការលោកកាលនោះ ល្បីល្បាញណាស់ ។ ក្រោយមកសំអាងការ ព្រាប សុវត្ថិ ក៏បាត់មុខពីពិភពតុបតែងកាយ ក្នុងថ្ងៃមង្គលឈឹងតែម្ដង ដោយគ្មានដំណឹងថា លោកនឹងបើកវាជាថ្មីនៅពេលណាឡើយ ។</span></p>
<p style="text-align: center;"><span style="color: #000000;"><a class="thickbox" title="" href="/FileManager/Commons/2015/7/20/16-20-07-2015--16-49-40.jpg"><img src="/FileManager/Articles/mce/2015/7/20/16-20-07-2015--16-49-40.jpg" alt="" /></a><br /></span></p>
<p><span style="color: #000000;"><strong>២. អ្នកនាង ពេជ្រ សោភា</strong></span><br /><span style="color: #000000;">តារាចម្រៀង អ្នកនាង ពេជ្រ សោភា ក៏ធ្លាប់ជាថៅកែហាង កាត់សក់បុរស ដ៏ល្បីល្បាញ កាលនៅជាកំពូលតារាចម្រៀងល្បីខ្លាំង ។ តែក្រោយមក ពេជ្រ សោភា ក៏សេងហាងឲ្យប្អូនប្រុស តារារ៉េប លោក ធីអូ ហើយក៏បិទហាងចោលតែម្ដង ។ គេចាំបានថា ហាងកាត់សក់ ពេជ្រ សោភា មានភ្ញៀវចេញចូលមិនដាច់ទេ តែនាងក៏បិទទ្វារទាំងមិនដឹងមូលហេតុ ហើយផ្ទះ នៅម្ដុំបឹងកេងកង បច្ចុប្បន្នក៏ចាក់សោរចោលទៀត។</span></p>
<p style="text-align: center;"><span style="color: #000000;"><a class="thickbox" title="" href="/FileManager/Commons/2015/7/20/15-20-07-2015--16-49-31.jpg"><img src="/FileManager/Articles/mce/2015/7/20/15-20-07-2015--16-49-31.jpg" alt="" /></a><br /></span></p>
<p><span style="color: #000000;"><strong>៣. កញ្ញា ទេព បូព្រឹក្ស</strong></span><br /><span style="color: #000000;">កញ្ញា ទេព បូព្រឹក្ស ថ្វីត្បិតថា នាងមិនបានចេញមុខចេញមាត់ថា ហាងនាំចូលថ្នាំលាបសក់ពីប្រទេសអូស្ត្រាលី តែមហាជនដឹងថា ហាងនោះជាហាង ដែលមានចំណែក ទេព បូព្រឹក្ស ក្នុងនោះដែរ តែហាងនាំចូលថ្នាំលាបសក់នោះ បានបិទបានសម្រេច តាំងពីដើមឆ្នាំពី២០១៥ មកម្ល៉េះ ក្រោមហេតុផលរត់មិនរួច ។</span></p>
<p style="text-align: center;"><span style="color: #000000;"><a class="thickbox" title="" href="/FileManager/Commons/2015/7/20/14-20-07-2015--16-49-23.jpg"><img src="/FileManager/Articles/mce/2015/7/20/14-20-07-2015--16-49-23.jpg" alt="" /></a><br /></span></p>
<p><span style="color: #000000;"><strong>៤.កញ្ញា ដួង ហ្សូរីដា</strong></span><br /><span style="color: #000000;">កញ្ញា ដួង ហ្សូរីដា ជាម្ចាស់ហាង «ដាមាណា កាត់ដេរ» ដែលមានទីតាំងដ៏ធំ នៅជិតស្ពានអាកាស៧មករា ។ តារារូបនេះ ធ្លាប់មានហាងជាច្រើនកន្លែង ពិសេសហាង «ហ្សូហ្វេសសិន» ដែលលក់តែរ៉ូបសម័យថ្មី សម្រាប់នារីស៊ីវិល័យ ។ ប៉ុន្តែបានបិទទ្វារជាបន្តបន្ទាប់ ព្រោះនាងគ្មានពេលគ្រប់គ្រង ចុងក្រោយនាងសល់តែហាងមួយជិតស្ពានអាកាសនេះឯង ។</span></p>
<p style="text-align: center;"><span style="color: #000000;"><a class="thickbox" title="" href="/FileManager/Commons/2015/7/20/13-20-07-2015--16-49-15.jpg"><img src="/FileManager/Articles/mce/2015/7/20/13-20-07-2015--16-49-15.jpg" alt="" /></a><br /></span></p>
<p><span style="color: #000000;"><strong>៥. កញ្ញា ញឹម ចាន់ថន</strong></span><br /><span style="color: #000000;">កញ្ញា ញឹម ចាន់ថន ធ្លាប់ជាម្ចាស់ហាងលក់សម្លៀកបំពាក់មួយនៅជិត រោងកុនលុច្ស កាលពីប៉ុន្មានឆ្នាំមុន តែនាងបិទហាងដោយប្រាប់មហាជនថា គ្មានពេលវេលា នៅមើលហាង ។ តែមហាជនដែលនៅជិតហាងនាង ថានាងលក់មិនដាច់ទើបបិទទ្វារ ។</span></p>
<p style="text-align: center;"><span style="color: #000000;"><a class="thickbox" title="" href="/FileManager/Commons/2015/7/20/12-20-07-2015--16-49-07.jpg"><img src="/FileManager/Articles/mce/2015/7/20/12-20-07-2015--16-49-07.jpg" alt="" /></a><br /></span></p>
<p><span style="color: #000000;"><strong>៦. កញ្ញា សុខ ពិសី</strong></span><br /><span style="color: #000000;">តារាចម្រៀងស្រីដ៏ល្បីល្បាញរបស់ផលិតកម្ម សាន់ដេ កញ្ញា សុខ ពិសី ធ្លាប់ជាម្ចាស់ហាងលក់សម្លៀកបំពាក់ ដែលសាង ពីញឹម ចាន់ថន តែនាងក៏សាងបន្តទៀត ដូច នាង ញឹម ចាន់ថនដែរ ក្រោមហេតុផលដូចគ្នា គឺគ្មានពេលមើលការខុសត្រូវគ្រប់គ្រាន់ ។ តែថ្មីៗនេះ កញ្ញា សុខ ពិសី ក៏បានបើកហាងលក់សុម្លៀកបំពាក់នេះ ជាថ្មីដែលចំណាយលុយច្រើនជាងមុន ដល់ទៅរាប់ម៉ឺនដុល្លារ តែត្រូវបានប្រភពទម្លាយថា ហាងនាងឥលូវដំណើរការ មិនសូវស្រួលទៀតហើយ ។</span></p>
<p style="text-align: center;"><span style="color: #000000;"><a class="thickbox" title="" href="/FileManager/Commons/2015/7/20/11-20-07-2015--16-48-59.jpg"><img src="/FileManager/Articles/mce/2015/7/20/11-20-07-2015--16-48-59.jpg" alt="" /></a><br /></span></p>
<p><span style="color: #000000;"><strong>៧. លោក អេឡិច ចិន្ត្រា</strong></span><br /><span style="color: #000000;">លោក អេឡិច ចិន្ត្រា តារាសិល្បៈសម្បូរកម្មវិធី ជាងគេ ក្នុងពិភពសិល្បៈ បានបើកហាងនាំចូលគ្រឿង ក្រអូបពីប្រទេសតៃវ៉ាន់។ តារារូបនេះ បានបិទហាងរបស់ខ្លួនជាស្ថាពរហើយ ក្រោយបើកបានប្រមាណជាងមួយឆ្នាំ ។ គេនៅចាំបានថា គ្រាន់តែលោក ធ្វើពិធីសម្ពោធបើកហាងលក់នោះ ស្ទះផ្លូវអស់មួយចំហៀង រាជធានីឯណោះ ព្រោះកម្មវិធីលោក ធ្វើនៅកណ្ដាលក្រុង ប៉ុន្តែវាមិនសំខាន់ លើការសម្ពោធទេ សំខាន់លើដំណើរការ ។</span></p>
<p style="text-align: center;"><span style="color: #000000;"><a class="thickbox" title="" href="/FileManager/Commons/2015/7/20/10-20-07-2015--16-48-51.jpg"><img src="/FileManager/Articles/mce/2015/7/20/10-20-07-2015--16-48-51.jpg" alt="" /></a><br /></span></p>
<p><span style="color: #000000;">ក្រៅពីតារាសិល្បៈទាំងនេះ គេក៏ឃើញមានតារាសិល្បៈផ្សេងៗទៀត ក៏បរាជ័យក្នុងមុខជំនួញរកស៊ី បែបនេះដូចគ្នា តែតារាសិល្បៈខ្លះ ព្យាយាមបិទបាំងខ្លាចខ្មាសគេ និងខ្លាចគេសើចចំអកថា ខ្លួនរកស៊ីមិនកើត ។ ប៉ុន្តែអ្នកសិល្បៈ ភាគច្រើនចូលចិត្តយកលេសថា គ្មានពេលមើលការខុសត្រូវណាស់ ដើម្បីលុបលាង ភាពអាម៉ាសរបស់ខ្លួន ៕</span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ដើមអម្ពិល</span></p>