<p><span style="color: #000000;"><strong>(ញូយ៉ក)៖</strong> កំពូលមហាសេដ្ឋីអាមេរិកដ៏ល្បីល្បាញគឺលោក Bill Gates បានប្រកាសថានឹងចេញ យុទ្ធនាការបរិច្ចាគកូនមាន់ ១០០,០០០ក្បាល ទៅកាន់បណ្តាប្រទេសក្រីក្រនានា ដើម្បីស្របតាម កិច្ចខិតខំប្រឹងប្រែងកាត់បន្ថយភាពក្រីក្រ ឲ្យបានប្រសើរបំផុត។ នេះបើតាមការចេញផ្សាយមុននេះ បន្តិចដោយ Channel News Asia នារសៀលថ្ងៃព្រហស្បតិ៍ ទី០៩ ខែមិថុនា ឆ្នាំ២០១៦។</span></p>
<p><span style="color: #000000;">កូនមាន់ទាំងអស់នឹងត្រូវបញ្ជូនទៅកាន់ប្រទេសជាង ១០ ដែលមានប្រជាជនរស់នៅក្នុងភាពក្រីក្រខ្លាំង ដូចជា បួគីណា ហ្វាសូ នៅតំបន់អាហ្វ្រិក និង បូលីវា នៅអាមេរិកឡាទីនជាដើម។ មូលនិធិ Bill Gates ដែលចាត់ចែងកម្មវិធីនេះបានអះអាងថា មានតែការចិញ្ចឹមនិងលក់សត្វមាត់ទេ ដែលអាចឲ្យពួកគេ គេចចេញពីភាពក្រីក្របាន ដូចជាកន្លងមកនេះ មានរបាយការណ៍មកថា កសិករចិញ្ចឹមមាន់បាន ២៥០ក្បាលក្នុងមួយឆ្នាំ អាចរកចំណូលបាន ១,២៥០ ដុល្លារសហរដ្ឋអាមេរិក។</span></p>
<p><span style="color: #000000;">គួរបញ្ជាក់ថា លោក Bill Gates បានលើកទឹកចិត្តឲ្យគ្រួសារដែលមានជីវភាពក្រីក្រ ត្រូវងាកមកធ្វើ ការចិញ្ចឹមសត្វជាពិសេសមាន់ ព្រោះមាន់ជាចំណីអាហារដ៏ចាំបាច់ និងពេញនិយមសម្រាប់មនុស្ស គ្រប់ស្រទាប់វណ្ណៈ។ ស្ថាបនិកក្រុមហ៊ុនយក្ស Microsoft រូបនេះក៏បានអំពាវនាវឲ្យសប្បុរសជននានា ធ្វើការបរិច្ចាគសត្វមាន់ ដល់ជនក្រីក្រផងដែរ តាមរយៈមូលនិធិ Heifer សហការជាមួយមូលនិធិ Bill Gates របស់លោកផ្ទាល់៕</span></p>
<p><span style="color: #000000;"><a class="thickbox" title="" href="/FileManager/Commons/2016/6/9/14a-09-06-2016--16-10-41.jpg"><img src="/FileManager/Articles/mce/2016/6/9/14a-09-06-2016--16-10-41.jpg" alt="" /></a><br /><br /></span></p>
<p style="text-align: right;"><span style="color: #000000;">ប្រភព ៖ CNA</span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ខ្មែរថកឃីង</span></p>