<p><span style="color: #000000;"><strong>(ក្រុងម៉ូនិច)៖</strong> ១ប្រកួតបើកឆាកដំបូងក្នុងក្របខណ្ឌកំពូល Bundesliga របស់អាល្លឺម៉ង់ ក្រុមការពារតំណែងជើងឯក Bayern Munich បានបំបាក់ក្រុមភ្ញៀវ Werder Bremen ៦-០ ដើម្បីបញ្ជាក់ថា ក្រុមមួយនេះនៅតែខ្លាំង ទោះអត់មានគ្រូបង្វឹកឆ្នើម Pep Guardiola នៅទឹកនាំក៏ដោយ។</span></p>
<p><span style="color: #000000;">សារព័ត៌មាន Dailymail បានចេញផ្សាយនៅព្រឹកថ្ងៃសៅរ៍ ទី២៧ ខែសីហា ឆ្នាំ២០១៦ នេះថា អតីតកីឡាករខ្សែបម្រើប្រយុទ្ធក្លឹប Xabi Alonso របស់ក្លឹប Real Madrid បានស៊ុតគ្រាប់នាំមុខយ៉ាងស្អាតចូលទី នៅពេលដែលបាល់ មិនទាន់ធ្លាក់ដល់ដីផងនោះ នៅ៩នាទីដំបូងនៅពហុកីឡដ្ឋាន Allianz Arena ស្ថិតក្នុងទីក្រុង Munich ប្រចាំសប្តាហ៍ទី ១ នៃ Bundesliga រដូវកាលថ្មីឆ្នាំ២០១៦-២០១៧។</span></p>
<p><span style="color: #000000;">ភ្លាមៗនោះដែរ ក្រុមដែលកំពុងដឹកនាំដោយគ្រូបង្វឹកថ្មី Carlo Ancelotti ដែលចូលតំណែងធំជំនួសកៅអីគ្រូបង្វឹក Pep Guardiola ដែលលាឈប់ទៅដឹកនាំក្លឹប Manchester City របស់អង់គ្លេសនោះ បន្តដាក់សម្ពាធទៅលើក្រុម Bremen ដដែល ដោយបន្តរកបានគ្រាប់ទី២ នៅនាទីទី១៣ ពីការធ្វើបានសម្រេចដោយកីឡាករប៉ូឡូញ Robert Lewandowski មុនបន្ថែម២គ្រាប់ទៀត ធ្វើបានហែកទ្រីកនៅនាទីទី៤៦ និងប៉េណាល់ទីនៅនាទីទី៧៧ ជាមួយនឹងមិត្តរួមក្រុម Philipp Lahm និង Franck Ribery រកបានម្នាក់១គ្រាប់ដូចគ្នានៅនាទីទី៦៦ និង ៧៣។</span></p>
<p><span style="color: #000000;">នេះជាការធ្វើបានល្អមែនទែន សម្រាប់អតីតគ្រូបង្វឹកក្លឹប Real Madrid, Carlo Ancelotti ពី១ប្រកួតបើកឆាកក្នុងលីគកំពូលអាល្លឺម៉ង់ នៅពីមុខអ្នកទស្សនាផ្ទាល់ប្រមាណ ៧៦០០០នាក់៕</span></p>
<p><span style="color: #000000;"><img src="http://i.dailymail.co.uk/i/pix/2016/08/26/21/379C896A00000578-3760647-image-a-17_1472242952425.jpg" alt="" width="730" /></span></p>
<p><span style="color: #000000;"><img src="http://i.dailymail.co.uk/i/pix/2016/08/26/22/379C8D1400000578-3760647-image-a-1_1472245733134.jpg" alt="" width="730" /></span></p>
<p><span style="color: #000000;"><img src="http://i.dailymail.co.uk/i/pix/2016/08/26/21/379C510E00000578-3760647-image-a-16_1472242820330.jpg" alt="" width="730" /></span></p>
<p><span style="color: #000000;"><img src="http://i.dailymail.co.uk/i/pix/2016/08/26/22/379C1E6000000578-3760647-image-a-3_1472245749661.jpg" alt="" width="730" /></span></p>
<p><span style="color: #000000;"><img src="http://i.dailymail.co.uk/i/pix/2016/08/26/22/379C604200000578-3760647-image-a-5_1472245777871.jpg" alt="" width="730" /></span></p>
<p><br /><br /></p>
<p><span style="color: #000000;"><iframe src="https://www.youtube.com/embed/ythAPIQZMbo" frameborder="0" width="500" height="410"></iframe></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ខ្មែរថកឃីង</span></p>