<p style="text-align: left;">ទណ្ឌិតម្នាក់ដែលបានទទួលទោសប្រហារជីវិតនៅអ៊ីរ៉ង់ នឹងត្រូវបានដោះលែងឱ្យមានសេរីភាព ដោយសារតែ នៅមានជីវិត បន្ទាប់ពីត្រូវយកទៅប្រហារជីវិតដោយព្យួរ.ក រយៈពេល ១២នាទី។</p>
<p style="text-align: center;"><a class="thickbox" title="" href="/FileManager/Commons/2013/10/24/dgdgggdoooooooooooo-24-10-2013--20-20-03.jpg"><img src="/FileManager/Articles/mce/2013/10/24/dgdgggdoooooooooooo-24-10-2013--20-20-03.jpg" alt="" /></a></p>
<p style="text-align: center;"><em>ទណ្ឌិតម្នាក់ កំពុងត្រៀមខ្លួន ទទួលទោសប្រហារជីវិត ដោយព្យួរ.ក នៅអ៊ីរ៉ង់ (រូបថតរបស់ AP)<br /></em></p>
<p style="text-align: left;">ទីភ្នាក់ងារសារព័ត៌មានអ៊ីរ៉ង់ ISNA កាលពីម្សិលមិញ បានដកស្រង់សំដីរបស់រដ្ឋមន្ដ្រីក្រសួងយុត្តិធម៌ Mostafa Pourmohammadi ឱ្យដឹងថា ៖ “មិនចាំបាច់ដាក់ទោសប្រហារជីវិតម្ដងទៀត ចំពោះអ្នកទោសដែលបានទទួលទោសប្រហារជីវិត អាយុ ៣៧ ត្រកូល Alireza ។ ការកាត់ដាក់ទោសសាជាថ្មីនឹងបង្កឱ្យមានផលអាក្រក់ដល់កិត្តិយសប្រទេសអ៊ីរ៉ង” ។<br /><br />ជនល្មើស Alireza ត្រូវបានតុលាការកាត់ឱ្យទទួលទោសប្រហារជីវិត ដោយសារតែរត់ពន្ធគ្រឿងញៀន។ ជននេះ ត្រូវបានយកទៅប្រហារជីវិត ដោយការព្យួរ.ក ក្នុងរយៈពេល ១២នាទី កាលពីដើមខែតុលា ហើយត្រូវបានគេប្រកាសថា បានស្លាប់។ មួយថ្ងៃក្រោយមក នៅពេលមកទទួលសាកសព ពីពន្ធនាគារ ក្នុងក្រុង Bojnourd សមាជិកគ្រួសាររបស់សពទណ្ឌិតនេះ បានឃើញថា ជននេះនៅមានដង្ហើម ។<br /><br />Alireza ត្រូវបានបញ្ជូនទៅកាន់មន្ទីរពេទ្យដើម្បីពិនិត្យឡើងវិញ ដោយមានការឃ្លាំមើលពីក្រុមនគរបាល។ បន្ទាប់ពីបានពិនិត្យ ក្រុមវេជ្ជបណ្ឌិត អះអាងថា អ្នកទោសនេះ នៅមានជីវិត នៅឡើយ ដោយគ្រាន់តែស្ថិតក្នុងស្ថានភាពសន្លប់នៅពេលត្រូវព្យួរ.ក។<br /><br />ករណីរបស់ Alireza បានធ្វើឱ្យមានការជជែកវែកញែកជាខ្លាំងពីសាធារណជន ក្នុងនោះ ក្រុមអ្នកជំនាញផ្នែកច្បាប់យល់ថា ជននេះគួរតែត្រូវព្យួរ.ក សាជាថ្មី។ ចំណែក កាលពីសប្ដាហ៍មុន អង្ការលើកលែងទោសអន្ដរជាតិ បានអំពាវនាវឱ្យអ៊ីរ៉ង់ លើកលែងទោសដល់ Alireza ។</p>
<p style="text-align: left;"> </p>
<p style="text-align: left;"><strong>អត្ថបទសំខាន់ៗគួរចាប់អារម្មណ៍ ៖</strong></p>
<p style="text-align: left;"><span style="color: #3366ff;"><a href="/News/Detail/13254/art-thief-says-robbery-was-too-easy-threatens-to-sue-museum"><span style="color: #3366ff;">ចោរទារប្ដឹងសារមន្ទីរ បន្ទាប់ពីលួចរូបគំនូរ ដោយសារសន្ដិសុខអន់</span></a></span></p>
<p style="text-align: left;"><span style="color: #3366ff;"><a href="/News/Detail/49653/camnews-funny-video-ghost-prank"><span style="color: #3366ff;">វីដេអូកំប្លែង ល្បីអស់ទាស់ ពេញហ្វេសប៊ុក លេងភ្លេងហៅខ្មោច</span></a></span></p>
<p style="text-align: left;"><span style="color: #3366ff;"><a href="/News/Detail/87914/12-year-old-malerkotla-boy-burnt-alive-after-argument"><span style="color: #3366ff;">ហ៊ានដុតកុមារអាយុ ១២ឆ្នាំ ទាំងរស់ ដោយសារតែ រឿងខ្សែខ្លែង</span></a></span></p>
<p style="text-align: right;"><br /><br />ប្រែសម្រួលដោយ ៖ តារា<br />ប្រភព ៖ aljazeera<br /><br /></p>