<p><span style="color: #000000;"><strong>(ភ្នំពេញ)៖</strong> នៅព្រឹកថ្ងៃទី០៤ ខែកុម្ភៈ ឆ្នាំ២០១៧នេះ លោក អ៉ឹង សុងលាភ អ្នកគ្រប់គ្រងផលិតកម្មហង្សមាស បានចេញមុខបដិសេធ និងច្រានចោលទាំងស្រុង ចំពោះការចោទប្រកាន់ខុសការពិត របស់កញ្ញា ឈិត សុវណ្ណបញ្ញា ដែលបានរិះគន់ធ្ងន់ៗចំពោះក្រុមហ៊ុន និងបានលើកឡើងថា ការចាកចេញរបស់នាង នាពេលនេះគឺដោយសារ ក្រុមហ៊ុនមិនបានចេញ Solo អាល់ប៊ុមឲ្យរូបនាង។</span></p>
<p><span style="color: #000000;">ឆ្លើយតបនឹងការលើកឡើងរបស់កញ្ញា ឈិត សុវណ្ណបញ្ញា ថាអស់រយៈពេលជាង១១ឆ្នាំ ផលិតកម្មមិនបានធ្វើអ្វីល្អចំពោះរូបនាង, ត្រូវបានលោក អ៉ឹង សុងលាភ ប្រតិកម្មទៅវិញយ៉ាងដូច្នេះថា <strong>«តើតារាចម្រៀង ឈិត សុវណ្ណបញ្ញា មានកេរ្តិ៍សព្វថ្ងៃនេះដោយសារអ្នកណា, តើ១១ឆ្នាំមុន នាងនៅឯណា ហេតុអ្វីចាំបាច់រិះគន់ និងប្រមាថកន្លែង ដែលធ្លាប់ផ្តល់ការភាពល្បីល្បាញ និងកេរ្តិ៍ដល់នាងទៅវិញ»</strong>។</span></p>
<p><span style="color: #000000;">លោក អ៉ឹង សុងលាភ បានបន្តថ្លែងប្រាប់យ៉ាងដូច្នេះថា៖ «ពេលដែលគាត់មិនទាន់ចូលហង្សមាស ដើរច្រៀងតាមកន្លែងផ្សេងៗ គឺប្រៀបដូចជាក្មេងកំព្រា ម្នាក់ដែលគ្មានទីពឹង បន្ទាប់ពីយើងយកគាត់មកកាន់ផលិតកម្ម យើងបានចិញ្ចឹមបីបាច់ថែរក្សា បានធ្វើឲ្យជីវិតគាត់ផ្លាស់ប្តូរពីអ្វីដែល គេមិនដែលស្គាល់ និងមិនមានទ្រព្យធន ធ្វើឲ្យមានកេរ្តិ៍ឈ្មោះល្បីទូទាំងប្រទេស។ យើងបានចិញ្ចឹមបីបាច់រយៈពេល១១ឆ្នាំ តើការចំណាយទាំងថវិកា និងសម្ភារៈយ៉ាងណា។ ហេតុអ្វីនៅពេលគាត់ចាកចេញពីកន្លែង ដែលធ្លាប់ចិញ្ចឹមបីបាច់គាត់ បែរជាគាត់មករិះគន់វាយប្រហារ តើគុណសម្បត្តិអស់ រយៈពេល១១ឆ្នាំកន្លងមកនេះ បែរជាទទួលបានពាក្យវាយប្រហារប្រមាថ យកទោសសងគុណយ៉ាងដូច្នេះទៅវិញ តើគាត់គិតយ៉ាងមិចដែរ?។</span></p>
<p><span style="color: #000000;"><strong>«ពិសេសជាងនោះទៅទៀត នៅពេលដែលគាត់ចាកចេញពីទ្រនំ ទីដែលបង្ហាត់បង្រៀនដល់រូបគាត់ បែរជាមិនបានមកជួបដើម្បីលា និងមិនបានប្រាប់អំពី បញ្ហាអ្វីដែរ, គ្រាន់តែសរសេរសំបុត្រមួយច្បាប់សុំឈប់ចប់តែម្តង។ ទោះបីយ៉ាងណាយើងគោរពតាមការសម្រេចចិត្តរបស់គាត់ ហើយជូនពរគាត់ទទួលបាន ជោគជ័យបន្ថែមទៀត»</strong> នេះបើតាមសម្តីលោក អ៉ឹង សុងលាភ បន្ថែមប្រាប់យ៉ាងដូច្នេះ។ លោកបានអះអាងទៀតថា រាល់ការលើកឡើងរបស់នាង គឺជាការមួលបង្កាច់យ៉ាងធ្ងន់ធ្ងរ។</span></p>
<p><span style="color: #000000;">ឆ្លើយតបនឹងបញ្ហាចេញអាល់ប៊ុមថ្មី លោកបានបន្ថែមថា ក្រុមហ៊ុនមិនបាននិយាយថា មិនចេញ Solo អាល់ប៊ុមឲ្យទេ គ្រាន់តែក្រុមហ៊ុនត្រូវចំណាយ ពេលក្នុងការផលិត ហើយត្រូវសិក្សាឲ្យបានច្រើន និងសិក្សាលើទីផ្សារផងដែរ តើគួរធ្វើបែបណា ព្រោះចំនូន១០បទ មិនមែនធ្វើក្នុងរយៈពេល ក្នុងមួយថ្ងៃអោយហើយទេ សំរាប់បទនិពន្ធភ្លេងថ្មី។</span></p>
<p><span style="color: #000000;">ទោះបីយ៉ាងណាអ្នកដឹកនាំផលិតកម្មហង្សមាសរូបនោះបានព្រលយនូវសុភាសិកមួយឃ្លាថា <strong>«ផឹកទឹកត្រូវនឹកដល់ប្រភពដើមផង»</strong>។</span></p>
<p><span style="color: #000000;">សូមជំរាបថា ការប្រតិកម្មខ្លាំងៗពីសំណាក់ផលិតកម្មហង្សមាស នៅពេលនេះធ្វើឡើងបន្ទាប់ពីមានអ្នកគាំទ្រកញ្ញា ឈិត សុវណ្ណបញ្ញា បានរិះគន់ធ្ងន់ៗដល់ផលិតកម្ម ហង្សមាស ស្របពេលដែលតារាចម្រៀងរូបនោះ ប្រកាសផ្តាច់ខ្លួនចេញពីផលិតកម្មនេះជាផ្លូវការ ក្រោយពីជ្រកក្រោមដំបូលផលិតកម្មអស់រយៈពេល ជាង១១ឆ្នាំមកនោះ៕</span></p>
<p><span style="color: #000000;"><br /><a class="thickbox" title="" href="/FileManager/Commons/2017/2/6/17-06-02-2017--11-12-32.jpg"><img src="/FileManager/Articles/mce/2017/2/6/17-06-02-2017--11-12-32.jpg" alt="" /></a><br /></span></p>
<p><span style="color: #000000;"><img src="http://image.freshnewsasia.com/2017/112/fn-2017-02-04-09-51-09-0.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2017/112/fn-2017-02-04-09-51-09-1.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2017/112/fn-2017-02-04-09-51-09-2.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2017/112/fn-2017-02-04-09-51-09-3.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2017/112/fn-2017-02-04-09-51-09-4.jpg" alt="" width="730" /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ហ្វ្រេសញូវអាស៊ី</span></p>