<p><span style="color: #000000;"><strong style="font-size: 12px;">ទីក្រុងហាណូយ</strong><span style="font-size: 12px;">៖ ចំនួនអ្នកស្លាប់ដោយសារទឹកជំនន់ និងការរអិលបាក់ដី នៅក្នុងប្រទេសវៀតណាម បានធ្វើឱ្យមនុស្សស្លាប់កើនឡើងដល់ ១៥ នាក់កាលពីថ្ងៃអង្គារ ដោយអាជ្ញាធរបានព្រមានថា ចំនួនអ្នកស្លាប់នឹងកើនឡើងខ្ពស់ជាងនេះ ដោយសារតែមានភ្លៀងធ្លាក់ខ្លាំងបន្ថែមទៀតនៅក្នុងខេត្ត ដែលរងការវាយប្រហារយ៉ាងធ្ងន់ធ្ងរ នៅភាគខាងជើងភ្នំ។</span></span></p>
<p><span style="color: #000000;"> លោក Le Trong Quang អនុប្រធានគណៈកម្មាធិការប្រជាជនខេត្ត បានឱ្យដឹងថា ខេត្ត Lai Chau ដែលមានចម្ងាយ ៤៧០ គីឡូម៉ែត្រ នៅភាគពាយព្យនៃទីក្រុងហាណូយ បានកើតគ្រោះយ៉ាងអាក្រក់ ដែលបណ្ដាលឱ្យមនុស្សយ៉ាងតិច ១២ នាក់ ស្លាប់បាត់បង់ជីវិត ដោយរួមទាំងកុមារ ២ នាក់ផងដែរ។</span></p>
<p class="pre-ads"><span style="color: #000000;">ជនរងគ្រោះភាគច្រើន បានលង់ទឹក ឬកប់នៅក្នុងគំនរដីបាក់ ដែលបង្កឡើងដោយទឹកភ្លៀងធំ ចាប់តាំងពីថ្ងៃសៅរ៍។</span></p>
<p class="pre-ads"><a class="thickbox" title="" href="/FileManager/Commons/2018/6/27/25-27-06-2018--16-11-32.PNG"><img src="/FileManager/Articles/mce/2018/6/27/25-27-06-2018--16-11-32.PNG" alt="" /></a><br /> <br /><span style="color: #000000;"> លោក Quang បាននិយាយថា៖ "យើងកំពុងព្យាយាមទប់ទល់នឹងទឹកភ្លៀង នៅថ្ងៃខាងមុខ ហើយខ្ញុំបារម្ភថា ចំនួនអ្នកស្លាប់នៅតាមខេត្ត នឹងបន្តកើនឡើង ខណៈដែលមនុស្ស ១១ នាក់នៅតែបន្ដបាត់ខ្លួន" ។</span></p>
<p><span style="color: #000000;">ប្រទេសវៀតណាម ងាយរងគ្រោះ ដោយគ្រោះមហន្តរាយធម្មជាតិណាស់ ដោយទឹកជំនន់ និងព្យុះទីហ្វុងបានសម្លាប់មនុស្សរាប់រយនាក់ ជារៀងរាល់ឆ្នាំ។ យោងតាមរដ្ឋាភិបាលបានឱ្យដឹងថា គ្រោះមហន្តរាយធម្មជាតិ បានសម្លាប់មនុស្ស ៣៨៩ នាក់ និងរបួស ៦៦៨ នាក់នៅក្នុងប្រទេស កាលពីឆ្នាំមុន។</span><br /> <br /><span style="color: #000000;"> អាជ្ញាធរគ្រប់គ្រងគ្រោះមហន្តរាយរបស់រដ្ឋាភិបាលបាននិយាយថា នៅខេត្ត Ha Giang ជិតខាង ទឹកជំនន់ បានសម្លាប់មនុស្សចំនួន ៣ នាក់។</span></p>
<p><span style="color: #000000;">យោងតាមអាជ្ញាធរគ្រប់គ្រងគ្រោះមហន្ដរាយបានឱ្យដឹងថា ទឹកជំនន់ និងការរអិលបាក់ដី ក៏បានបណ្តាលឱ្យមានការខូចខាតទ្រព្យសម្បត្ដិដូចជាផ្ទះសម្បែង ផ្លូវថ្នល់ និងដំណាំ ក្នុងតម្លៃជាង ១៤១ ពាន់លានដុង ស្មើនឹង ៦,១៥ លានដុល្លារអាមេរិកផងដែរ ៕</span></p>
<p><span style="color: #000000;"><a class="c_tab" href="http://mekongnet.com.kh/pages/SpecialOfferCamnews.aspx" target="_blank"><img src="/FileManager/Articles/mce/2018/6/27/mekongnet-27-06-2018--16-11-45.PNG" alt="" /></a><br /></span></p>
<p style="text-align: right;"><span style="color: #000000;">ប្រែសម្រួល៖ សារ៉ាត</span></p>
<p style="text-align: right;"><span style="color: #000000;">ប្រភព៖ ប៊ីប៊ីសុី </span></p>