<div class="item-page">
<p><span style="color: #000000;"><strong>(ឧត្តរមានជ័យ)៖</strong> បើយោងតាមសេចក្តីរាយការណ៍ ពីមន្រ្តីនគបាលខេត្តឧត្តរមានជ័យ ប្រាប់ភ្នាក់ងារ Fresh News នៅព្រឹកថ្ងៃទី០៧ ខែកញ្ញា ឆ្នាំ២០១៦ នេះថា ទាហានថៃបានបាញ់សម្លាប់ប្រជាពលរដ្ឋ ដែលឡើងទៅកាប់ឈើក្រញូង នៅចន្លោះភូមិសាស្ដ្រ បង្គោលព្រំដែនលេខ៥-៤ ចំងាយពីតំបន់ព្រំដែនប្រហែលជា ៣គីឡូម៉ែត្រ ចូលទៅក្នុងទឹកដីថៃបណ្តាលឲ្យ ស្លាប់មនុស្សម្នាក់ និងរងរបួសម្នាក់ ក្នុងចំណោមប្រជាពលរដ្ឋ៦នាក់ នៅថ្ងៃមិ្សលមិញនេះ។</span></p>
<p><span style="color: #000000;">មន្ដ្រីដដែល បានបញ្ជាក់ថា ពលរដ្ឋខ្មែរទាំង៦នាក់ នោះទី១-ឈ្មោះ អៀត អូន អាយុ៣១ឆ្នាំ ស្លាប់នៅកន្លែងកើតហេតុ មានទីលំនៅភូមិសាមគ្គី ឃុត្រពាំងប្រិយ៍ ស្រុកអន្លង់វែង ទី២-ឈ្មោះ អុល យ៉េត អាយុ៤៩ឆ្នាំ (របួស) ទី៣-ឈ្មោះ យ៉េត កែវ អាយុ២៧ឆ្នាំ ទី៤-ឈ្មោះ ហ៊ាន ប៊ុល អាយុ២៦ឆ្នាំ មានទីលំនៅភូមិដងទង់ សង្កាត់កូនក្រៀល ក្រុងសំរោង (របួសធ្ងន់) ទី៥-ឈ្មោះ ឈឹម សាវី អាយុ៣៣ឆ្នាំ មានទីលំនៅភូមិទួលស្វាយ ឃុំត្រពាំងតាវ ស្រុកអន្លងវែង និងទី៦-ឈ្មោះ ប៊ុត សួស អាយុ៤២ឆ្នាំ មានទីលំនៅភូមិទួលស្វាយ ឃុំត្រពាំងតាវ ស្រុកអន្លង់វែង។</span></p>
<p><span style="color: #000000;">បច្ចុប្បន្នមន្ដ្រីជំនាញកម្ពុជា កំពុងធ្វើការចរចារជាមួយភាគីថៃដើម្បីយកសាកសពប្រគល់ឲ្យក្រុមគ្រួសារ និងយកជនរងគ្រោះទៅសង្គ្រោះ ព្រោះថាពេលនេះជនរងគ្រោះនៅលើភ្នំនៅឡើយទេ រីពលរដ្ឋ៤នាក់ទៀត ដែលមិនមានរងរបួស ពួកគាត់បានទៅដល់ផ្ទះរៀងៗខ្លួនហើយ៕</span></p>
<p><span style="color: #000000;"><br /><a class="thickbox" title="" href="/FileManager/Commons/2016/9/7/40-2-07-09-2016--11-24-34.png"><img src="/FileManager/Articles/mce/2016/9/7/40-2-07-09-2016--11-24-34.png" alt="" /></a><br /></span></p>
<p style="text-align: right;"><br /><span style="color: #000000;">ផ្តល់សិទ្ធិដោយ ៖ ហ្រ្វេសញ៉ូវអាសុី </span></p>
</div>