<p><span style="color: #000000;"><strong>(ភ្នំពេញ)៖</strong> នៅក្នុងថ្ងៃចុងក្រោយ នៃដំណើរទស្សនកិច្ចនៅកម្ពុជានាព្រឹកថ្ងៃទី២៨ ខែមិថុនា ឆ្នាំ២០១៦នេះ លោក ថោងលូន ស៊ីស៊ូលីដ នាយករដ្ឋមន្រ្តីឡាវ ត្រូវបានព្រះករុណា ព្រះបាទសម្ដេច ព្រះបរមនាថ នរោត្ដម សីហមុនី ព្រះមហាក្សត្រខ្មែរ រាជានុញ្ញាតឲ្យចូលក្រាបបង្គំគាល់ និង ព្រះរាជសវនាការលើការងារមួយចំនួន នៅព្រះបរមរាជវាំង។</span></p>
<p><span style="color: #000000;">សូមបញ្ជាក់ថា លោក ថោងលូន ស៊ីស៊ូលីដ បានចាប់ផ្តើមដំណើរទស្សនកិច្ចនៅកម្ពុជា នៅថ្ងៃទី២៧ ខែមិថុនា ឆ្នាំ២០១៦ ម្សិលមិញនេះ តបតាមការអញ្ជើញរបស់សម្តេចតេជោ ហ៊ុន សែន នាយករដ្ឋមន្រ្តី នៃកម្ពុជា។ ដំណើរទស្សនកិច្ចនាយករដ្ឋមន្រ្តីឡាវ ដែលធ្វើទើបឡើងកាន់ តំណែងរូបនេះ ធ្វើឡើង ដើម្បីរឹតចំណងមិត្តភាព សាមគ្គីភាព និងកិច្ចសហប្រតិបត្តិការរវាងប្រជាជាតិ និងប្រជាជន នៃប្រទេសទាំងពីរ។</span></p>
<p><span style="color: #000000;">ក្នុងដំណើរទស្សនកិច្ចនៅថ្ងៃម្សិលមិញនេះ លោក ថោងលូន ស៊ីស៊ូលីដ បានជួបសំណេះសំណាលការងារជាមួយសម្តេចតេជោ ហ៊ុន សែន សម្តេច ហេង សំរិន ប្រធានរដ្ឋសភា និងសម្តេចវិបុលសេនាភក្តី សាយ ឈុំ ប្រធានព្រឹទ្ធសភាផងដែរ៕</span></p>
<p><span style="color: #000000;"><img src="http://image.freshnewsasia.com/2016/019/05/fn-2016-06-28-11-32-51-0.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/019/05/fn-2016-06-28-11-32-54-0.jpg" alt="" width="730" /></span></p>
<p style="text-align: right;"><br /><span style="color: #000000;">ផ្តល់សិទ្ធដោយ ៖ ហ្រ្វេសញ៉ូវអាសុី</span></p>