<div class="article-content">
<p><strong>ភ្នំពេញ៖</strong> ពិតជារឿង នឹកស្មានមិនដល់ កូនសិស្សម្នាក់ អាយុទើបតែ១៣ឆ្នាំ រៀនថ្នាក់ទី៦ នៅ វិទ្យា<br />ស្ថានឯកជន ប៊ែលធី បានប្រឡងជាប់ថ្នាក់ទី៩ ផ្នែកគណិតវិទ្យា នៅក្នុងវិទ្យាស្ថានមួយនេះ ដោយ<br />ទទួលបានពិន្ទុល្អថែមទៀតផង។</p>
<p>កុមារា ដាន់ ហង្សសឹង្ហ មាឌតូចល្អិត ដែលជាសិស្សពូកែ រកដំណោះស្រាយគណិតវិទ្យាបាន ត្រូវ<br />បានឪពុកឈ្មោះ ដាន់ សុវណ្ណ បាននាំមកដល់ទីស្នាក់ការ មជ្ឈមណ្ឌលព័ត៌មានដើមអម្ពិល បាន<br />ប្រាប់ឲ្យដឹងថា បន្ទាប់ពីក្រសួង បានប្រកាសប្រឡងសញ្ញាបត្របឋមភូមិ នៅទូទាំងប្រទេស ទាំង<br />សាលារដ្ឋ និងឯកជន រួចមក ប្អូនប្រុសបានទៅទទួលពាក្យ សម្រាប់បំពេញបែបបទចូល ប្រឡង<br />នៅវិទ្យាស្ថានប៊ែលធី ហើយប្អូនក៏បានចូលប្រឡង ផ្នែកគណិតវិទ្យា ដោយទទួលបាន ពិន្ទុល្អថែម<br />ទៀត។ អ្វីដែលជាការកត់សម្គាល់នោះ គឺគ្រាន់តែប្អូនបានឃើញលំហាត់ ប្អូនមាន គំនិតរកដំណោះ<br />ស្រាយបានភ្លាម។</p>
<p>លោក ដាន់ សុវណ្ណ បានឲ្យដឹងថា កូនរបស់គាត់ ពិតជាសិស្សម្នាក់រៀនពូកែ ហើយជាពិសេស ពូកែ<br />ខាងដោះស្រាយ គណិតវិទ្យាប្រាកដមែន។ លោកបានលើកឡើងថា តើក្រសួងអប់រំគួរតែ កែប្រែកម្ម<br />វិធីសិក្សា ដោយអនុញ្ញាឲ្យកូនរបស់គាត់ បានចូលរៀនដូចសិស្សដទៃបានទេ ពីព្រោះ រូបគេពិតជា<br />មានគំនិតឆ្លាតវៃ។</p>
<p>លោកបានបញ្ជាក់ថា “មានអ្នកខ្លះបានផ្តល់យោបល់ឲ្យខ្ញុំថា គួរតែដំឡើងអាយុកូនរបស់ខ្ញុំទៅ ដើម្បី<br />ឲ្យបានចូលរៀនដូចគេ ប៉ុន្តែខ្ញុំបានប្រាប់ថា មិនអាចកែអាយុកូនខ្ញុំបាន ដើម្បីបានទៅ រៀនទេ”។</p>
<p>សូមបញ្ជាក់ថា វិទ្យាស្ថានបានកំណត់ ពេលវេលា ៦០នាទី ឲ្យសិស្សទាំងអស់ ប្រឡងនូវគណិត វិទ្យា<br /> ចំនួន២លំហាត់ធំៗ ប៉ុន្តែអ្វីដែលអស្ចារ្យនោះ គឺប្អូនធ្វើតែ១០នាទីប៉ុណ្ណោះ ហើយបានពិន្ទុស្ទើរតែ១០០<br />ភាគរយ ចំពោះការសួរផ្ទាល់មាត់វិញ ក៏មានភាពរហ័សរហួន និងត្រឹមត្រូវទាំង អស់៕</p>
<p style="text-align: center;"><img src="http://image.dap-news.com:81/dap-news/dap-images/2013/October/id-014/that-0181.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/October/id-014/that-0182.jpg" alt="" width="500" /></p>
<p style="text-align: right;">ដោយ៖ ដើមអំពិល<br />ផ្តល់សិទ្ធិដោយ៖ ដើមអំពិល</p>
</div>