<p>មហាក្សត្រ Abdullah bin Abdulaziz របស់ប្រទេស អារ៉ាប៊ី សាអ៊ូឌីត បានសោយទិវង្គត កាលពី<br />ព្រឹកមិញនេះ នៅក្នុងមន្ទីរពេទ្យ ក្នុងព្រះជន្មាយុ ៩០វស្សា។</p>
<p>ទំព័រ BBC ដកស្រង់សេចក្ដីប្រកាសរបស់ស្ថានីយទូរទស្សន៍ជាតិ អារ៉ាប៊ី សាអ៊ូឌីត ឱ្យដឹងថា មហា<br />ក្សត្រ Abdullah bin Abdulaziz បានសោយទិវង្គត កាលពីវេលាម៉ោង ១រំលងអធ្រាត្រ (ត្រូវនឹងម៉ោង<br /> ៥ព្រឹក ម៉ោងនៅកម្ពុជា) ថ្ងៃទី ២៣មករា ឆ្នាំ ២០១៥។</p>
<p style="text-align: center;"><a class="thickbox" title="" href="/FileManager/Commons/2015/1/23/saudi-8739-1421970198-23-01-2015--10-19-56.jpg"><img src="/FileManager/Articles/mce/2015/1/23/saudi-8739-1421970198-23-01-2015--10-19-56.jpg" alt="" /></a></p>
<p style="text-align: center;">មហាក្សត្រ Abdullah bin Abdulaziz<br /><br /></p>
<p>មហាក្សត្រ Abdullah bin Abdulaziz បានឡើងគ្រងរាជ កាលពីឆ្នាំ ២០០៥ ហើយប៉ុន្មានឆ្នាំចុង<br />ក្រោយនេះ ព្រះអង្គតែតែព្រះឈួនជាញឹកញាប់។ ប៉ុន្មានសប្ដាហ៍ចុងក្រោយនេះ ព្រះអង្គបាន<br />សម្រាកព្យាបាលនៅមន្ទីរពេទ្យ ដោយសាររោគសួត។</p>
<p>អនុជរបស់ព្រះអង្គ ព្រះនាម Salman នឹងជាអ្នកឡើងគ្រងរាជជាបន្ត។ ព្រះអង្គម្ចាស់ Salman ព្រះ<br />ជន្ម ៧៩វស្សា ក៏បានបំពេញរាជកិច្ចជំនួស ព្រះមហាក្សត្រ Abdullah bin Abdulaziz ក្នុងរយៈពេល<br />ចុងក្រោយនេះផងដែរ។</p>
<p>Muqrin ដែលជាអនុជមួយអង្គផ្សេងទៀត ក៏ត្រូវបានតែងតាំងជាសម្ដេច ដើម្បីឡើងគ្រងរាជបន្ទាប់<br /> នៅពេលមហាក្សត្រ Salman ដាក់រាជ ឬសោយទិវង្គត។ តំណែងរបស់ព្រះអង្គម្ចាស់ Muqrin ត្រូវ<br />បានស្នើឡើងដោយមហាក្សត្រថ្មី Salman ។</p>
<p style="text-align: center;"><a class="thickbox" title="" href="/FileManager/Commons/2015/1/23/saudi4-5698-1421975775-3397-1421977048-23-01-2015--10-20-29.jpg"><img src="/FileManager/Articles/mce/2015/1/23/saudi4-5698-1421975775-3397-1421977048-23-01-2015--10-20-29.jpg" alt="" /></a></p>
<p style="text-align: center;">មហាក្សត្រថ្មី ព្រះអង្គម្ចាស់ Salman<br /><br /></p>
<p>ព្រះអង្គម្ចាស់ទាំងបីខាងលើនេះ សុទ្ធតែជារាជបត្រារបស់ស្ថាបនិក អារ៉ាប៊ី សាអ៊ូឌីតទំនើប គឺអតីត<br />មហាក្សត្រ Abdulaziz ដែលបានចូលទិវង្គត កាលពីឆ្នាំ ១៩៥៣។</p>
<p>ព្រះអង្គម្ចាស់ Abdullah bin Abdulaziz គឺជារាជបុត្រាទី ១៣ ក្នុងចំណោមរាជបុត្រទាំង ៣៧អង្គ <br />របស់អតីតមហាក្សត្រ Abdulaziz។ ព្រះអង្គម្ចាស់ Abdullah bin Abdulaziz ត្រូវបានគេជឿថា<br /> ប្រសូត្រក្នុងខែ សីហា ឆ្នាំ ១៩២៤ បើទោះមានការប្រទាញប្រទង់គ្នាអំពីប្រការនេះ។ ព្រះអង្គ គឺជា<br />មេដឹកនាំអារ៉ាប៊ី សាអ៊ូឌីត អស់រយៈពេល ១០ឆ្នាំ មុនពេលឡើងគ្រងរាជ ដោយសារតែមហាក្សត្រ<br />ជំនាន់នោះ មានព្រះឈួន ដោយសារស្ទះសរសៃឈាមខួរក្បាល។</p>
<p style="text-align: center;"><a class="thickbox" title="" href="/FileManager/Commons/2015/1/23/muqrinbinabdulazizalsaud-23-01-2015--10-29-49.gif"><img src="/FileManager/Articles/mce/2015/1/23/muqrinbinabdulazizalsaud-23-01-2015--10-29-49.gif" alt="" /></a></p>
<p style="text-align: center;">សម្ដេច Muqrin bin Abdulaziz ត្រូវបានជ្រើសតាំងជាអ្នកត្រៀម<br />គ្រងរាជ នៅពេលព្រះអង្គម្ចាស់ Salman ដាក់រាជ ឬសោយ<br />ទិវង្គត<br /><br /></p>
<p>ព្រះអង្គម្ចាស់ Abdullah bin Abdulaziz ត្រូវបានគេចាត់ទុកថា ជាអ្នកដែលបានកែទម្រង់នៃការដឹក<br />នាំរបស់ប្រទេសសម្បូរប្រេងមួយនេះ។ ទ្រង់បានអនុញ្ញាតឱ្យសារព័ត៌មានទាំងឡាយ រិះគន់ និង<br />ផ្ដល់យោបល់ដល់រាជរដ្ឋាភិបាល ព្រមទាំងបានលើកឡើងថា ប្រទេសនេះ ត្រូវការអនុញ្ញាតឱ្យស្ដ្រី<br />ចេញទៅធ្វើការ ឱ្យបានច្រើនផងដែរ៕</p>
<p style="text-align: right;">ប្រែសម្រួលដោយ ៖ តារា<br />ប្រភព BBC</p>