<p><span style="color: #000000;">ស្មាតហ្វូន K series គឺ K7 និង K10 គឺជាស៊េរីស្មាតហ្វូនថ្មីបំផុតរបស់ LG ដែលមានការរចនាម៉ូតថ្មី ស្អាត ទាក់ទាញ ស្ថិតក្នុងម៉ូដែលថ្នាក់មធ្យម មានតម្លៃទាប ដែលជំនួសឲ្យបណ្តាស៊េរីត្រកូល L កាលពីមុន។</span></p>
<p><span style="color: #000000;">តាមប្រភពព័ត៌មានពីគេហទំព័របច្ចេកវិទ្យា PhoneArena បានឲ្យដឹងថា បើទោះបីជា LG ទើបធ្វើការ បង្ហាញណែនាំស្មាតហ្វូនថ្មីពីរម៉ូដែលគឺ K7 និង K10 នៅក្នុងព្រឹត្តិការណ៍ CES 2016 ក៏ដោយ ក្រុមហ៊ុន អេឡិចត្រូនិចកូរ៉េមួយនេះ មានចេតនាបង្ហើបបន្ថែមនូវគំរូស្មាតហ្វូនត្រកូល K មួយទៀតដែលមានឈ្មោះ ថា K4 នៅក្នុងវីដេអូផ្សាយពាណិជ្ជកម្មស្មាតហ្វូន K series ដែលបានធ្វើការបង្ហោះនៅលើគេហទំព័រ YouTube កាលពីពេលថ្មីៗនេះ។</span></p>
<p><a class="thickbox" title="" href="/FileManager/Commons/2016/1/15/1486241jpg-15-01-2016--09-50-32.png"><img src="/FileManager/Articles/mce/2016/1/15/1486241jpg-15-01-2016--09-50-32.png" alt="" /></a></p>
<p> </p>
<p><span style="color: #000000;">អ្វីដែលចង់និយាយនៅពេលនេះគឺ K4 នៅមិនទាន់ត្រូវបាន LG ធ្វើការប្រកាសបង្ហាញនៅឡើយ។ បច្ចុប្បន្ន នៅមិនទាន់មានព័ត៌មានផ្លូវការណាមួយស្តីពី LG K4 បានចុះផ្សាយនោះទេ ប៉ុន្តែតាមរយះខ្សែ វីដេអូរបស់ LG បានបង្ហាញឲ្យឃើញថា K4 នឹងមានទំហំអេក្រង់តូចជាងគេបំផុត (K10 មានអេក្រង់ 5.3 inch ចំណែក K7 គឺ 5 inch) ហើយតម្លៃលក់ក៏អាចថោកជាងគេបំផុត ក្នុងចំណោមស្មាតហ្វូនត្រកូល K ទាំងបីម៉ូដែលនេះ។ តាមប្រភព តម្លៃលក់របស់ LG K10 ដែលជាគំរូស្មាតហ្វូនមានលក្ខណៈសម្បត្តិខ្ពស់ ជាងគេបំផុត នៃត្រកូល K series ត្រូវបាន ដាក់លក់នៅប្រទេសកូរ៉េ ក្នុងតម្លៃ ១៦៦ដុល្លារ។ </span></p>
<p><span style="color: #000000;">វីដេអូពាណិជ្ជកម្មរបស់ K7 និង K10 បានបង្ហាញឲ្យឃើញថា គោលដៅដែល LG ចង់ផ្តោតទៅលើ សម្រាប់ស្មាតហ្វូន K series នេះ គឺអ្នកប្រើប្រាស់ជាយុវវ័យ ដែលចូលចិត្តថតរូប ជាពិសេសគឺថតរូប Selfie តែម្តង៕</span></p>
<p style="text-align: center;"><span style="color: #000000;"><object width="500" height="400" data="http://www.youtube.com/v/skedzvviBWM&rel=1" type="application/x-shockwave-flash"><param name="wmode" value="transparent" /><param name="src" value="http://www.youtube.com/v/skedzvviBWM&rel=1" /></object></span></p>
<p style="text-align: left;"><a href="/News/Detail/12107/samsung-received--75-billion-investment-from-apple-to-produce-iphone-7"><span style="color: #0000ff;"><em>- អានអត្ថបទ៖ Samsung ទទួលបាន ៧,៤៧ ពាន់លានដុល្លារពី Apple ដើម្បីវិនិយោគផលិត iPhone 7</em></span></a><a href="/News/Detail/30774/lg-officially-launch-new-smartphone-k10-and-k7"><span style="color: #0000ff;"><em><br />- អានអត្ថបទ៖ LG បង្ហាញណែនាំស្មាតហ្វូនដំបូងគេ នៃត្រកូល K គឺ K10 និង K7 ជាមួយនឹងរូបរាងថ្មី ស្អាតទាក់ទាញ</em></span></a><br /><span><br /></span></p>
<p> </p>
<p style="text-align: right;">ប្រែសម្រួល៖ មង្គល<br /> ប្រភព៖ <em>PhoneArena, VR<br /></em></p>
<p> </p>