<div class="article-content">
<p><strong>ភ្នំពេញ :</strong> សមត្ថកិច្ច នគរបាល ខណ្ឌចំការមន បានឃាត់ខ្លួន ជនសង្ស័យម្នាក់ និងបក្ខពួកម្នាក់<br />ទៀត រត់គេចខ្លួន ក្នុងបទចោទលួចយកម៉ូតូ មួយគ្រឿងរបស់អ្នកជួល ស្នាក់នៅ ផ្ទះជួលលេខ <br />៩០ A ស្ថិតតាមបណ្តោយផ្លូវលេខ ១០៥ ក្រុម១៩ ភូមិ៦ សង្កាត់បឹងត្របែក ខណ្ឌចំការមន ។</p>
<p>នាយនគរបាល ប៉ុស្តិ៍បឹងត្របែក បានឲ្យដឹងថា ជនសង្ស័យ ដែលសមត្ថកិច្ច ឃាត់ខ្លួននេះ ឈ្មោះ<br /> ចាន់ រតនា ភេទប្រុស អាយុ ២៦ឆ្នាំ ស្នាក់នៅផ្ទះលេខ ៩០ A ផ្លូវ១០៥ ក្រុមទី១៩ ភូមិ៦ សង្កាត់<br />បឹងត្របែក ខណ្ឌចំការមន។ ចំណែកបក្ខពួកម្នាក់ទៀតរបស់ជនសង្ស័យ ដែលរត់គេចខ្លួន ឈ្មោះ<br /> រ័ត្ន ភេទប្រុស អាយុ២០ឆ្នាំ ស្នាក់នៅមិនពិត ប្រាកដ ។</p>
<p>នាយនគរបាលប៉ុស្តិ៍ បន្តថា ជនរងគ្រោះជាម្ចាស់ម៉ូតូ ឈ្មោះ ព្រីង ស្រៀន ភេទប្រុស អាយុ ២៤<br />ឆ្នាំ ស្នាក់នៅផ្ទះជួលកើតហេតុ ជាអ្នកធ្វើការនៅរង្គសាល ទីក្រុងមាស ។</p>
<p>យោងតាមពាក្យបណ្តឹងរបស់ ជនរងគ្រោះ កាលពីវេលាម៉ោង ១ រំលងអាធ្រាត្រ ថ្ងៃទី០៦ ខែ<br />មិថុនា ឆ្នាំ២០១៣ ជនសង្ស័យបានធ្វើសកម្ម ភាព លួចយកម៉ូតូម៉ាក វីវ៉ាពណ៌ខ្មៅ ស៊េរី ២០០៧<br /> ពាក់ស្លាកលេខ ភ្នំពេញ 1D-5283 ។ ពាក្យបណ្តឹងបន្តថា នៅថ្ងៃកើតហេតុ រូបខ្លួនបាន ចេញពី<br />ធ្វើការ ហើយបានយក ម៉ូតូទៅទុក នៅខាងមុខផ្ទះ ហើយចាក់សោរទុក នៅក្នុងផ្ទះជាន់ក្រោម<br /> ហើយក៏ឡើងទៅដេក នៅលើផ្ទះដូចធម្មតា លុះព្រឹកឡើងម៉ោងប្រមាណ ៦ និង៣០នាទី ព្រឹក <br />ពេលចុះពីលើផ្ទះ ស្រាប់តែ មិនឃើញម៉ូតូ នៅកន្លែងទុកដាក់ដូចរាល់ដង មិនដឹងបាត់ពីពេល<br />ណា។ ភ្លាមៗនោះ ខ្លួនក៏បានទៅដាក់ពាក្យបណ្តឹង នៅប៉ុស្តិ៍នគរបាលរដ្ឋបាលបឹងត្របែក។ <br />លុះ ដល់ថៃ្ងទី១៣ ខែមិថុនា វេលាម៉ោង ៦ និង៣០នាទីព្រឹក សមត្ថកិច្ចបានហៅជនសង្ស័យ <br />មកសាកសួរទើបដឹងថា កូនម្ចាស់ផ្ទះ ឈ្មោះ ចាន់ រតនា ជាអ្នកនាំបក្ខពួកមកលួច។</p>
<p>ជនរងគ្រោះ បានរៀបរាប់ថា ដំបូងឡើយ ជនសង្ស័យចង់ប្រកែក តែដោយមានសាក្សី ឃើញ<br />បញ្ជាក់ច្បាស់ ទើបជនសង្ស័យព្រមសារភាពថា ខ្លួនបាននាំបក្ខពួក មកលួចមែន ដោយឲ្យ<br />ឈ្មោះ រ័ត្ន ជាអ្នកចាំផ្លូវ រូបគេជាអ្នកធ្វើសកម្មភាពគាស់កាត់សោ ។ ជនសង្ស័យបន្តថា បន្ទាប់<br />ពីកាត់សោយកម៉ូតូ បានហើយ ក៏យកម៉ូតូរក កន្លែងលក់ តែរកមិនបាន ក៏យកទៅលាក់ទុកសិន<br /> រហូតដល់ថ្ងៃសមត្ថកិច្ចឃាត់ខ្លួនតែម្តង ។</p>
<p>បច្ចុប្បន្នជនសង្ស័យ ត្រូវឃុំ ខ្លួននៅអធិការនគរបាលខណ្ឌ ចំការមន ដើម្បីកសាង សំណុំរឿង<br />បញ្ជូនទៅតុលាការ ចំណែកម៉ូតូបានប្រគល់ឲ្យ ទៅម្ចាស់ប្រើប្រាស់ បណ្តោះអាសន្នសិន ។ <br />ចំណែកបក្ខពួក ឈ្មោះ រ័ត្ន បានរត់គេចខ្លួនបាត់ស្រមោល ៕</p>
<p style="text-align: center;"><img src="http://image.dap-news.com:81/dap-news/dap-images/2013/June/id-015/T-0342.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/June/id-015/T-0343.jpg" alt="" width="500" /></p>
<p style="text-align: right;">ផ្តល់សិទ្ធិដោយ៖ ដើមអំពិល</p>
</div>