<p><strong>ភ្នំពេញ៖</strong> បុរសម្នាក់ បានស្លាប់បាត់បង់ជីវិតនៅនឹង កន្លែងភ្លាមៗ ខណៈដែលបុរសរូប ដើរឆ្លងថ្នល់<br /> ហើយត្រូវ រថយន្តកុងតឺន័រ របស់ក្រុមហ៊ុន ផែស្ងួត សុកន បុកមួយទំហឹង នៅលើ កំណាត់ផ្លូវជាតិ<br />លេខ១ មុខវត្តវាលស្បូវ ក្នុងភូមិស្វាយតាអុក សង្កាត់វាលស្បូវ ខណ្ឌមានជ័យ កាលពីវេលាម៉ោង</p>
<p>១៩និង៤០នាទីយប់ ថ្ងៃទី១៩ ខែសីហា ឆ្នាំ២០១៣ បណ្តាលឲ្យបុរសរូបនោះ ស្លាប់ភ្លាមមួយរំពេច ហើយរថយន្តបានព្យាយាមបើករត់គេចខ្លួនបានប្រមាណជាងកន្លះគីឡូម៉ែត្រក៏ត្រូវសមត្ថកិច្ចឃាត់<br />ខ្លួនបានទាំងរថយន្តនិង អ្នកបើកបរតែម្តង។</p>
<p>សូមបញ្ជាក់ថា បុរសដែលស្លាប់បាត់បង់ជីវិត ខាងលើនេះ ឈ្មោះ ជា រី អាយុ៣៣ឆ្នាំ ស្នាក់នៅភូមិ<br />ស្វាយតាអុក ក្នុងសង្កាត់វាលស្បូវខណ្ឌមានជ័យ។ ដោយឡែកអ្នកបើកបររថយន្តបង្កនៅមិនទាន់<br />ស្គាល់អត្តសញ្ញាណនៅឡើយទេ។ </p>
<p>យោងតាមសាក្សី ដែលបាន ឃើញហេតុការណ៍ខាងលើនេះ បានឲ្យដឹងថា ដំបូងឡើយរថយន្ត<br />កុងតឺន័រ របស់ក្រុមហ៊ុនផែស្ងួត សុកន បើកបរដោយបុរសម្នាក់ ធ្វើដំណើរតាមបណ្តោយ ផ្លូវជាតិ<br />លេខ១ ក្នុងទិស ដៅពីកើតទៅលិច ដោយបានបោះពួយយ៉ាងលឿន បណ្តាលឲ្យជ្រុលទៅបុក<br />បុរស ឈ្មោះ ជា រី ស្លាប់ភ្លាមមួយរំពេចនៅនឹងកន្លែងកើតហេតុ។ ភ្លាមៗនោះរថយន្តបង្កបានព្យា<br />យាមបើករត់គេចខ្លួន តែបានប្រមាណតែ៥០០ម៉ែត្រតែប៉ុណ្ណោះ ក៏ត្រូវសមត្ថកិច្ចចាប់ខ្លួនបានទាំង<br />រថយន្តនិងអ្នកបើកបរតែម្តង។ </p>
<p>បន្ទាប់ពីកើតហេតុ សាកសពរបស់ជនរងគ្រោះ ត្រូវបានសមត្ថកិច្ចទំនាក់ទំនងទៅក្រុមគ្រួសារឲ្យ<br />មកទទួលយកទៅ ធ្វើបុណ្យតាមប្រពៃណី។ ចំណែករថយន្ត បង្កសមត្ថកិច្ចជំនាញ បានចុះមក<br />វាស់វែង អូសយកទៅរក្សាទុក នៅការិយាល័យចរាចរណ៍ជើងគោក រាជធានីភ្នំពេញ រង់ចាំដោះ<br />ស្រាយតាមនីតិវិធីច្បាប់៕ </p>
<p style="text-align: center;"><img src="http://image.dap-news.com:81/dap-news/dap-images/2013/August/id-011/Hong-0446.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/August/id-011/Hong-0447.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/August/id-011/Hong-0448.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/August/id-011/Hong-0449.jpg" alt="" width="500" /></p>
<p style="text-align: right;">ផ្តល់សិទ្ធិដោយ៖ ដើមអម្ពិល</p>