<p><span style="font-size: 12px; color: #000000;">(ម៉ានីល)៖ ប្រធានាធិបតីហ្វីលីពីន លោក រ៉ូឌ្រីហ្គោ ឌូធើតេ (Rodrigo Duterte) បានថ្លែងថា លោកទទួលបានការគំាទ្រពីសំណាក់ប្រទេស ចិន និង រុស្ស៊ី នៅពេលដែលលោកបានត្អូញត្អែ ប្រាប់ពួកគេ ពីបញ្ហារវាងសហរដ្ឋអាមេរិក ខណៈរូប លោកផ្ទាល់ធ្លាប់បានបង្ហាញពីចេតនាបង្កើត សម្ព័ន្ធភាពថ្មីមួយជាមួយនឹងទីក្រុងប៉េកំាង និង ទីក្រុងមូស្គូ។ នេះ បើតាមការចុះផ្សាយដោយ សារព័ត៌មាន Channel News Asia នៅព្រឹកថ្ងៃចន្ទ ទី០៣ ខែតុលា ឆ្នាំ២០១៦។</span></p>
<p><span style="font-size: 12px; color: #000000;"><a class="thickbox" title="" href="/FileManager/Commons/2016/10/3/12a-03-10-2016--11-31-04.jpg"><img src="/FileManager/Articles/mce/2016/10/3/12a-03-10-2016--11-31-04.jpg" alt="" /></a><br /></span></p>
<p><span style="color: #000000;">ថ្លែងនៅក្នុងសុន្ទរកថាមួយ លោក Duterte បាននិយាយថា នៅក្នុងជំនួបនៃកិច្ចប្រជុំកំពូលអាស៊ាន នៅប្រទេសឡាវ កាលពីខែមុន នាយករដ្ឋមន្រ្តីរុស្ស៊ី លោក ឌីមីទ្រី ម៉េដវេដេវ បានឯកភាពនឹងលោក នៅពេលដែលលោកជេរប្រមាជសហរដ្ឋអាមេរិក។ «ខ្ញុំបានជួបលោក ម៉េដវេដេវ។ ខ្ញុំនឹងប្រាប់អ្នក នៅពេលនេះ ។ ខ្ញុំបានប្រាប់គាត់ថា នេះគឺជាស្ថានភាពមួយ ដែលពួកគេ (សហរដ្ឋអាមេរិក) បានផ្ដល់ពេលវេលាដ៏លំបាក សម្រាប់ខ្ញុំ ពួកគេមិនបានគោរពខ្ញុំឡើយ ហើយពួកគេក៏មិនចេះ ខ្មាស់អៀនដែរ ដែលទំាងនេះហើយជាធាតុពិត របស់សហរដ្ឋអាមេរិក»។</span></p>
<p><span style="color: #000000;">គួរបញ្ជាក់ថា ក្រុមមន្ត្រីហ្វីលីពីនមួយចំនួន បានប្រាប់សារព័ត៌មាន Reuters ថា ក្រុមពាណិជ្ជករ ហ្វីលីពីននឹង អមដំណើរលោក Duterte ក្នុងដំណើរទស្សនកិច្ចទៅកាន់ទីក្រុងប៉េកំាង ពីថ្ងៃទី១៩ ដល់ថ្ងៃទី២១ ខែតុលា នេះ ដែលវានឹងអាចជាការបើកទំព័រប្រវត្តិសាស្ត្រថ្មី យ៉ាងច្បាស់លាស់ ថាហ្វីលីពីន កំពុងព្យាយាមងាកទៅរកចិន ដែលធ្លាប់មានជម្លោះខ្លាំងលើបញ្ហាសមុទ្រចិនខាងត្បូង៕</span></p>
<p><span style="color: #000000;"><a class="thickbox" title="" href="/FileManager/Commons/2016/10/3/11a-03-10-2016--11-31-16.jpg"><img src="/FileManager/Articles/mce/2016/10/3/11a-03-10-2016--11-31-16.jpg" alt="" /></a><br /><br /></span></p>
<p> </p>
<p style="text-align: right;"><span style="color: #000000;">ប្រភព ៖ CNA</span></p>