<div class="article-content">
<p>កំពង់ធំ៖ មានការភ្ញាក់ផ្អើល ដោយសារដែល មានរថយន្តដឹកគ្រញូង ១គ្រឿង ត្រូវបានឈ្មួញដុត <br />ហើយឆេះយ៉ាងសន្ធោសន្ធៅ ទាំងកណ្ដាលយប់ នៅក្បែស្នាក់ការសន្តិសុខ៦០១ លើកំណាត់ផ្លូវ<br />ជាតិលេខ៦ ត្រង់ចំណុច ភូមិជ័យជំនះ ឃុំកកោះ ស្រុកសន្ទុក ខេត្តកំពង់ធំ កាលពីវេលាម៉ោង៨<br />និង៥០នាទីយប់ថ្ងៃទី០៤ វិច្ឆិកា ឆ្នាំ២០១៣ បន្ទាប់ពីសមត្ថកិច្ច ដេញចាប់បាន ។</p>
<p>សាក្សី នៅកន្លែងកើតហេតុ បានបញ្ជាក់ឲ្យដឹងថា គេបានឃើញមន្ត្រីមួយរូបជិះ រថយន្តឆ្លាមពណ៌<br /> ត្រីឆ្លូញ បានប្រដេញរថយន្តដឹកឈើបទល្មើសខាងលើ ខោកគ្នាទៅវិញ ទៅមក ដូចរឿងកុនកូរ៉េ<br /> ចាប់ពីចំណុចទីរួមខេត្ត រហូតមកចំណុចកើតហេតុ និងបានកៀរថយន្តនេះទំលាក់ថ្នល់តែម្ដង ។ <br />ក្រោយមកគេបានឮមានការ ជជែកតថ្លៃគ្នាមួយសន្ទុះ ស្រាប់តែឃើញមានអណ្ដាតភ្លើងឆេះ ចេញ<br />ពីរថយន្តដឹ កបទល្មើស សន្ធោសន្ធៅ ដោយគ្មានសមត្ថកិច្ចណា ជួយអន្តរាគមន៏ពន្លត់ នោះឡើយ<br /> ហើយមួយសន្ទុះក្រោយមក ទើបគេបានឃើញ លោកសុទ្ធ ម៉ារី នាយផ្នែករដ្ឋបាលព្រៃឈើកំពង់ថ្ម<br /> ចុះទៅដល់ និងបាននាំកំលាំង ជួយពន្លត់ភ្លើង បន្ទាប់ពីធ្វើការពន្លត់រួចគេបានឃើញសល់ តែគ្រោង<br />ឆ្អឹងផ្នែកខាងមុខ នៃរថយន្ត និងដុំឈើគ្រញូងជាច្រើន ត្រូវខ្លោចឆេះដោយសារតែអណ្ដាតភ្លើងឆេះ ។</p>
<p>បន្ទាប់ពីកើតហេតុ លោកប៉ែន សារ់ាត ព្រះរាជអាជ្ញា អមសាលាដំបូងខេត្ត បានបញ្ជាទៅផ្នែករដ្ឋ<br />បាល ព្រៃឈើ ឲ្យចុះពិនិត្យមើលភ្លាមៗ បន្ទាប់បី លោកទទួលបានព័ត៌មាន ថា មានរថយន្តដឹក<br />ក្រញូងមួយគ្រឿង ឆេះ ។</p>
<p>បច្ចុប្បន្នរថយន្តបង្កហេតុ និងឈើគ្រញូង ត្រូវបានជំនាញរដ្ឋបាលព្រៃឈើ យកមករក្សាទុក នៅ<br />ខណ្ឌរដ្ឋបាល ព្រៃឈើកំពង់ធំ។ ទាក់ទិនចំនួនឈើនៅក្នុង រថយន្តកើតហេតុនេះ រហូតដល់ព្រឹក<br />ថ្ងៃទី ០៥ វិច្ឆិកា ត្រូវបានគេដឹងថា មានចំនួន៣២ដុំ ស្មើនិង ០,៦៣៣ម៉ែត្រគូប៕</p>
<p style="text-align: center;"><img src="http://image.dap-news.com:81/dap-news/dap-images/2013/November/id-011/Hong-0099.jpg" alt="" width="500" /></p>
<p style="text-align: right;">ផ្តល់សិទ្ធិដោយ៖ ដើមអម្ពិល</p>
</div>