<p><span style="color: #000000;">ព័ត៌មានកីឡា៖ ខ្សែប្រយុទ្ធក្រៅក្របខណ្ឌ Manchester United កីឡាករ Radamel Falcao និងត្រូវផុតរយៈពេលឈជើងនៅក្រុមទៀតហើយ ក្រោយពីរដូវកាលថ្មីត្រូវចូលមកដល់។ ប៉ុន្ដែស្ថិតក្រោមការពេញចិត្ដស្រលាញ់នៃថ្នាក់ដឹកនាំ កីឡាករមិនចង់មានការចាកចេញវិញឡើយ។</span></p>
<p><span style="color: #000000;">កីឡាករ Radamel Falcao វ័យ ២៨ ឆ្នាំសម្ដែងឡើងក្នុងមុខតំណែង ជាខ្សែប្រយុទ្ធ មិនមានការសប្បាយចិត្ដនិងដំណើរចាកចេញពី Man United ឡើយ ដោយគោលបំណងចង់បន្ដ អាយុកាលថ្មីនៅទីនោះបន្ដទៀត។ ប្រវត្ដិ Radamel Falcao គឺកីឡាករត្រូវបាន Man United ផ្ទេរចេញពី Monaco ក្នុងលក្ខខ័ណខ្ចីជើងត្រឹមតែ ២ រដូវកាលតែប៉ុណ្ណោះដែលចាប់តាំងពី ឆ្នាំ ២០១៣ ហើយចូលរដូវកាលថ្មីឆ្នាំ ២០១៥ កីឡាករត្រូវផុតកិច្ចសន្យា។</span></p>
<p><span style="color: #000000;">ប្រភពព័ត៌មានបានបន្ដទៀតថា Radamel Falcao ពិតជាមិនចង់ចេញពី Man United ឡើយ បើទោះបីជាគាត់សព្វថៃ្ង មិនសប្បាយចិត្ដនិងការអង្គុយនៅមួយកន្លែងមើលកីឡាករដ៏ទៃត្រូវចូលលេងច្រើន ហើយគាត់ត្រឹមតែជាកីឡាករបម្រុង ។ ប៉ុន្ដែ Falcao ក៏បានចូលលេងជាលើកចុងក្រោយជាមួយក្រុម នៅថ្ងៃទី ៥ ខែ តុលា ដោយកីឡាករអាចរកពិន្ទុ ១ គ្រាប់ធ្វើឲ្យក្រុម ទទួលបានជោគជ័យលើ Everton ។ </span></p>
<p><span style="color: #000000;">ថ្លែងពីអារម្មណ៍ពិតរបស់កីឡាករប្រាប់អ្នកព័ត៌មានថា ជាការពិតណាស់ តាមអារម្មណ៍របស់គាត់ គឺមិនសូវជាសប្បាយចិត្ដនិងការ មើលឃើញនូវឲ្យកាសនៃការលេងតិចឡើយ ប៉ុន្ដែបើទោះជាយ៉ាងនោះក្ដី ក៏គាត់នៅតែសប្បាយចិត្ដនឹងឆាកជីវិតនៅទីននេះណាស់ ដោយមិនចង់ចាកចេញពីនោះទេ។ រាល់កីឡាករទាំងអស់តែងតែចង់មានឱកាសបង្ហាញពីស្នាដៃ ដោយមិនចង់ត្រឹមអង្គុយនៅមួយកន្លែងហើយមើលគេប្រកួត។ តែទោះបីជាយ៉ាងណាក៏ដោយ ពេលខ្លះរូបគាត់ក៏ត្រូវបានផ្ដល់ឱកាសបានចូលលេង ខ្លះដែរ មិនខ្វល់ថាពេលតិច ឬច្រើននោះទេ សំខាន់ត្រូវតែធ្វើឲ្យបានល្អបំផុត។ </span></p>
<p><span style="color: #000000;">Man United ទំនងមិនដាច់ចិត្ដដោះលែង Falcao ទេ បើទោះបីជាក្រុមមានខ្សែការពារច្រើនក៏ដោយ ហើយម្យ៉ាងវិញទៀត សម្រាប់ការរក្សាបាននូវវត្ដមាន Falcao ក្រុមនៅមានអតិថិភាពជាងក្រុមដ៏ទៃទៀតដោយក្រុមគ្រាន់តែចំណាយត្រឹមតែ ៤៣ លានផោន តែប៉ុណ្ណោះ ។ </span></p>
<p><span style="color: #000000;">តើ Manchester United ពិតជាចង់រក្សា Falcao សម្រាប់រដូវកាលថ្មីដែរ ឬ ក៏យ៉ាងណា? </span></p>
<p><span style="color: #000000;"><a class="thickbox" title="" href="/FileManager/Commons/2014/12/19/12-19-2014-10-44-12-am-19-12-2014--10-51-36.png"><img src="/FileManager/Articles/mce/2014/12/19/12-19-2014-10-44-12-am-19-12-2014--10-51-36.png" alt="" /></a></span></p>
<p><a class="thickbox" title="" href="/FileManager/Commons/2014/12/19/12-19-2014-10-43-51-am-19-12-2014--10-51-53.png"><img src="/FileManager/Articles/mce/2014/12/19/12-19-2014-10-43-51-am-19-12-2014--10-51-53.png" alt="" /></a></p>
<p><span style="color: #000000;"><br /></span></p>
<p style="text-align: right;"><span style="color: #000000;">ដោយ៖ អឿ អ៊ុយ</span></p>
<p style="text-align: right;"><span style="color: #000000;">ប្រភព៖ Mirror</span></p>