<p><span style="color: #000000;"><strong>(បារាំង)៖</strong> ប៉ូលិសនៅបារាំង បានចេញការព្រមានមួយ ដល់អ្នកដែលជាឪពុកម្តាយថា ពួកគេអាចប្រឈមនឹងការផាកពិន័យ ឬជាប់គុក ប្រសិនបើកូនៗរបស់ខ្លួនដាក់ពាក្យប្តឹង ពីបទបង្ហោះរូបភាព របស់គេលើហ្វេសប៊ុក ដោយគ្មានការអនុញ្ញាត។</span></p>
<p><span style="color: #000000;">ស្ថិតក្រោមច្បាប់ ដ៏តឹងរឹងនេះ ឪពុកម្តាយអាចត្រូវបានតុលាការ បញ្ជាឲ្យបង់ប្រាក់ពិន័យច្រើនជាង ៣៥.០០០អឺរ៉ូ ($40,000) និងអាចត្រូវបានកាត់ទោស ឲ្យជាប់គុក១ឆ្នាំទៀតផង។ កូនៗអាចដាក់ពាក្យប្តឹង ឪពុកម្តាយបាន នៅពេលដែលពួកគេពេញវ័យ ដោយសំអាងហេតុផលថា ការបង្ហោះរូបខ្លួននៅលើហ្វេសប៊ុក ពេលខ្លះអាចធ្វើឲ្យគេ រងផលប៉ះពាល់បាន ដូចជាពាក់ព័ន្ធនឹងសុវត្ថិភាព ឬរងការអាម៉ាស់ក្តី។</span></p>
<p><span style="color: #000000;">ថ្មីៗនេះ នៅប្រទេសអាល្លឺម៉ង់ ក៏មានការព្រមានឪពុកម្តាយ មិនឲ្យយករូបថតកូន ទៅបង្ហោះលើអ៉ីនធឺណេតដែរ ព្រោះវាអាចជាកម្មវត្ថុ ដែលត្រូវនរណាលួចយកទៅកាត់ត ប្រើជារូបភាពអាសអាភាស ជាហេតុធ្វើឲ្យប៉ះពាល់អនាគតកូនបាន៕</span></p>
<p><span style="color: #000000;"><br /><a class="thickbox" title="" href="/FileManager/Commons/2016/5/11/15c-11-05-2016--11-39-23.jpg"><img src="/FileManager/Articles/mce/2016/5/11/15c-11-05-2016--11-39-23.jpg" alt="" /></a><br /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ខ្មែរថកឃីង</span></p>