<div class="article-content">
<p><strong>ភ្នំពេញ</strong> ៖ មេដឹកនាំគណបក្សសង្គ្រោះ ជាតិ លោកសម រង្ស៊ី និងលោកកឹម សុខា បានត្រៀមខ្លួនរួច ជាស្រេច ចូលទៅបំភ្លឺនៅ ចំពោះមុខតុលាការរាជធានីភ្នំពេញ តាមដីកាកោះហៅរបស់ព្រះរាជ អាជ្ញារង ហៀង សុភក្ដ្រ នៅព្រឹកថ្ងៃទី១៤ ខែមករា ឆ្នាំ២០១៤ខាងមុខនេះ ។</p>
<p>កាលពីប៉ុន្មានថ្ងៃមុន មេធាវីការពារក្ដី ឱ្យមេដឹកនាំទាំងពីរ គឺលោកជួង ជូងី បាន ប្រកាសថា សុំ ពន្យារពេលការពារកូនក្ដីទៅ បំភ្លឺ នៅចំពោះមុខតុលាការ ដោយ ជាប់រវល់ ការពារកូនក្ដីផ្សេងទៀត នៅឯខេត្ដតាកែវ។ ប៉ុន្ដែនៅព្រឹកថ្ងៃទី១៣ ខែមករា ឆ្នាំ២០១៤ នេះ មន្ដ្រីគណបក្សសង្គ្រោះជាតិមួយ រូប បាន ថ្លែងថា ទាំងលោកសម រង្ស៊ី និងលោកកឹម សុខា និងចូលទៅបំភ្លឺនៅតុលាការ ដោយពុំ មានអវត្ដមានឡើយ ។</p>
<p>ប្រភពព័ត៌មានបានបន្ដថា មេដឹកនាំទាំង ពីរ បានប្ដូរមេធាវីពីលោកជួង ជូងី មកលោក កើត ធី ឱ្យ ការពារក្ដីជំនួសវិញ ។</p>
<p>សូមបញ្ជាក់ថា តំណាងអយ្យការសាលា ដំបូងរាជធានីភ្នំពេញ កាលពីថ្ងៃទី៣ ខែមករា ឆ្នាំ២០១៤ បានចេញដីកាកោះហៅ លោកកឹម សុខា អនុប្រធានគណបក្ស សង្គ្រោះជាតិ និងលោក ប្រធាន សមរង្ស៊ី ចូលទៅបំភ្លឺ នៅវេលាម៉ោង ៩និងម៉ោង១០ព្រឹកនាថ្ងៃទី១៤ ខែមករា ឆ្នាំ២០១៤ ជុំវិញ សំណុំរឿងការញុះញង់ឱ្យ ប្រព្រឹត្ដបទឧក្រិដ្ឋ ឬប្រព្រឹត្ដអំពើបង្កឱ្យមាន ភាពវឹកវរធ្ងន់ធ្ងរ ដល់ សន្ដិសុខសង្គម ៕</p>
<p style="text-align: center;"><img src="http://image.dap-news.com:81/dap-news/dap-images/2014/january/id-011/Hong-0230.jpg" alt="" width="500" /></p>
<p style="text-align: right;">ផ្តល់សិទ្ធិដោយ៖ <a href="http://www.dap-news.com/2011-06-14-02-39-55/79083-2014-01-13-05-57-36.html"><span style="color: #0000ff;">ដើមអំពិល</span></a></p>
</div>