<p><strong>ភ្នំពេញៈ</strong> បន្ទាប់ពីអតីតតារាកំប្លែង ដែលធ្លាប់មានប្រជាប្រិយភាព កំប្លែងល្បីគួរសមមួយរូប នាង<br /> ជួន ចាន់រតនា ហៅ ក្អយ បានបង្ហាញវត្តមាន នៅលើបណ្តាញ សារព័ត៌មានការពីពេលថ្មីៗនេះ<br /> រួចមកក៏ស្រាប់តែព័ត៌មាន ស្តីពីការប្តឹងផ្តល់ទាមទារ សំណងជំងឺចិត្តពីសំណាក់ ដើមបណ្តឹងដែល<br />ជា ម្ចាស់រថយន្ត ក៏បានផ្ទុះឡើងសារជាថ្មីម្តងទៀត។</p>
<p>ប្រភពព័ត៌មានបានបង្ហើបប្រាប់ឲ្យ Looking TODAY ដឹងថាម្ចាស់បណ្តឹងដែលជា អ្នកចាញ់បោក<br />ស្រីស្រស់ ដែលជាអតីតតារាកំប្លែង ក្នុងក្រុមនាយក្រឹម នាងក្អយ គឺលោក ស៊ុន វ៉ាកាលពីពេល<br />កន្លងទៅថ្មីៗនេះ មេធាវីតំណាងជនរងគ្រោះ លោក ស៊ុន វ៉ា បានទាមទារជំងឺចិត្តចំពោះ ការខាត<br />បង់ពេលវេលាពីជន ជាប់ចោទចំនួន ១ម៉ឺនដុល្លារ ព្រមទាំងទាមទារឲ្យតុលាការកាត់ទោស ជន<br />ល្មើសទៅតាមច្បាប់ដោយ ការទាមទារសំណងជំងឺចិត្តនេះ បានធ្វើការជំនុំជម្រះកំបាំង មុខជន<br />ជាប់ចោទឈ្មោះ នាងក្អយ និងដើមបណ្តឹង។ ពោលគឺមានតែមេធាវី ការពារក្តីរបស់ជនជាប់ចោទ <br />និងមេធាវីដើមបណ្តឹង និងមានតំណាងអយ្យការ អមសាលាដំបូងរាជធានីភ្នំពេញ តែប៉ុណ្ណោះ។</p>
<p>ប្រភពខាងលើបាន បង្ហើបប្រាប់ឲ្យដឹងថា កាលពីដើមខែកក្កដានេះ តុលាការ សាលាដំបូងរាជធានី<br />ភ្នំពេញ បានលើកយកសំណុំរឿងរបស់នាង ជួន ចាន់រតនា ពីបទ “រំលោភលើសេចក្តីទុកចិត្ត ក្លែង<br />ឯកសារសាធារណៈ និងប្រើប្រាស់ឯកសារសាធារណៈក្លែង ”មកធ្វើការជំនុំជម្រះ។ ដោយមេធាវី<br />ការងារក្តី ឲ្យជនរងគ្រោះបានលើកយកហេតុផល និងចំណុចខាតបង់របស់កូនក្តី នៅចំពោះមុខ<br />តុលាការ ទាមទារសំណង់ជំងឺចិត្ត ,ការខាតបង់ពេលវេលា និងស្នើរសុំឲ្យតុលាការកាត់ទោស ទៅ<br />លើជនជាប់ចោទទៅតាមច្បាប់ ឲ្យស័ក្ដិសមទៅតាមទោសកំហុស ដែលនាង ក្អយ បានធ្វើនាពេល<br />កន្លងមក។</p>
<p>អតីតតារាកំប្លែងសម្បូរវោហារ កំប្លុកកំប្លែង អ្នកនាង ជួន ចាន់រតនា ហៅ ក្អយ នាពេលកន្លងមក<br />នាងធ្លាប់តែ សម្ញែងភាពហ៊ឺហារជាមួយ រថយន្តស៊េរីទំនើបជិះបង្អួតគេឯង ដោយគ្មានអ្នកណាម្នាក់<br />ដឹងថា រថយន្តដែលនាងជិះនោះគឺជារថយន្ត ដែលនាងជួលគេនោះទេ។ តែព័ត៌នេះត្រូវបានបែក<br />ខ្ទរខ្ទារ ដោយសារតែម្ចាស់រថយន្តដើម លោក ស៊ុន វ៉ា បានទម្លាយព័ត៌មាននេះ និងបានដាក់ពាក្យ<br />បណ្តឹង ទៅតុលាការទើបធ្វើឲ្យមហាជន ដឹងថានាងបានជួលរថយន្តម៉ាកឡិចស៊ីស RX300 ជួល<br />តម្លៃ ៦០០ដុល្លារអាមេរិក ក្នុងមួយខែ និងមួយគ្រឿងទៀតម៉ាកកាមរីឆ្លាម ស៊េរីឆ្នាំ១៩៩៩ ជួលក្នុង<br />តម្លៃជាង ៣០០ដុល្លារអាមេរិក ក្នុងមួយខែ ។ ប៉ុន្តែនាងពុំមានប្រាក់ យកទៅបង់ថ្លៃជួលរថយន្តរាល់<br />ខែនោះ ហើយមិនតែប៉ុណ្ណោះទេ នាងថែមទាំងយករថយន្តម៉ាកឡិចស៊ីស RX300 ទៅបញ្ចាំ និង<br />លក់ឱ្យអ្នកដទៃ ដោយបានធ្វើកាតគ្រី ដាក់ឈ្មោះនាងស្ងាត់ៗ ទៀតផង។</p>
<p>ទោះបីជាយ៉ាងណា Looking TODAY នឹងខិតខំតាមដានចំពោះព័ត៌មាននេះ ឲ្យលម្អិតបន្តទៀត<br />ដើម្បីមក ធ្វើការចុះផ្សាយបន្តបន្ទាប់ ដល់មហាជនបានជ្រាប កាន់តែច្បាស់បន្ថែមទៀត៕</p>
<p style="text-align: center;"><img src="http://image.lookingtoday.com:81/lookingtoday/looking-images/news/2013/July/id-030/Kosal-0068.jpg" alt="" width="500" /></p>
<p style="text-align: center;"><img src="http://image.lookingtoday.com:81/lookingtoday/looking-images/news/2013/July/id-030/Kosal-0069.jpg" alt="" width="500" /></p>
<p style="text-align: right;">ដោយ៖ LookingToday<br />ផ្តល់សិទ្ធិដោយ៖ ដើមអំពិល</p>