<div class="article-content">
<p><strong>ភ្នំពេញ:</strong> បុរសកម្មករម្នាក់ ត្រូវគេប្រទះឃើញចងកសម្លាប់ខ្លួន នៅក្នុងបន្ទប់ជួលរបស់ខ្លួន កាល<br />ពីវេលាម៉ោង ៣និង៤០ នាទីទៀបភ្លឺថ្ងៃទី១៥ ខែតុលា ឆ្នាំ២០១៣ ស្ថិតនៅភូមិត្រពាំងថ្លឹង សង្កាត់<br />ចោមចៅ ខណ្ឌពោធិ៍សែនជ័យ ដោយសារតែដឹងខ្លួនខុស ក្រោយចាប់រំលោភប្អូនស្រីជីដូនមួយ<br /> គូដណ្តឹងរបស់ខ្លួន ពេលកំពុងស្នាក់នៅជាមួយនារីរងគ្រោះ ។</p>
<p>សេចក្តីរាយការណ៍ ពីកន្លែងកើតហេតុ បានឲ្យដឹងថា ជនរងគ្រោះរូបនេះ មានឈ្មោះ រស់ វណ្ណា <br />អាយុប្រមាណ ៣០ឆ្នាំ មានស្រុកកំណើត នៅស្រុក កំពង់លាវ ខេត្តព្រៃវែង ហើយបច្ចុប្បន្ន មាន<br />មុខរបរជាកម្មករ និងស្នាក់នៅបន្ទប់កើតហេតុ ជាមួយគូដណ្តឹងរបស់ខ្លួន និងស្រី៣នាក់ផ្សេងទៀត។</p>
<p>សេចក្តីរាយការណ៍ បានបន្តទៀតថា មុនពេលកើតហេតុ ជនរងគ្រោះបានស្នាក់នៅក្នុងបន្ទប់ជួល<br /> ជាមួយប្អូនស្រីជីដូនមួយរបស់ខ្លួន ខណៈនារីគូដណ្តឹង និងស្រី២នាក់ផ្សេងទៀត បានទៅធ្វើការនៅ<br />ពេលយប់។ ពេលកំពុងនៅក្នុងបន្ទប់ជាមួយគ្នា ស្រាប់តែជនរងគ្រោះ ធ្វើសកម្មភាពចាប់រំលោភ នារី<br />អនាគត ប្អូនស្រីថ្លៃជីដូនមួយ នៅវេលាម៉ោងប្រមាណ ១យប់រំលងអាធ្រាត្រ ។ ក្រោយចាប់រំលោភ<br />បានសម្រេចរួច ខាងនារីបានសុំមកងូតទឹក ស្រាប់តែចេញមកក្រៅបន្ទប់ ហើយចាក់សោរពីក្រៅជាប់<br /> រួចរត់ទៅប្រាប់ម្ចាស់ផ្ទះជួល ឲ្យទៅប្តឹងសមត្ថកិច្ច ។</p>
<p>លុះពេលព្រឹកឡើង នៅពេលសមត្ថកិច្ច បើកទ្វារបន្ទប់ ក៏ឃើញជនរងគ្រោះ ចងកសម្លាប់ខ្លួនបាត់<br />ទៅ។</p>
<p>យ៉ាងណាក៏ដោយ ក្រោយកើតហេតុ សមត្ថកិច្ចបានចុះទៅស្រាវជ្រាវលើករណីនេះ ៕</p>
<p style="text-align: center;"><img title=" " src="http://image.dap-news.com:81/dap-news/dap-images/2013/October/id-011/Hong-0310.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/October/id-011/Hong-0309.jpg" alt="" width="500" /></p>
<p style="text-align: right;">ដោយ៖ ដើមអំពិល<br />ផ្តល់សិទ្ធិដោយ៖ ដើមអំពិល</p>
<p style="text-align: center;"> </p>
</div>