<p><span style="color: #000000;"><strong>ភ្នំពេញ៖</strong> ថ្មីៗនេះ មានប្រភពពីរង្វង់អ្នកសិល្បៈ បានទម្លាយឲ្យដឹងថា អ្នកមេម៉ាយសម្រស់ផូរផង់ អ្នកនាង កែវ នីសា តារាសម្តែង រាងស្តើងល្វតល្វន់ កំពុងតែមានខ្នងបង្អែក ដែលបានរួមចំណែកជ្រោមជ្រែង ការងារសិល្បៈ និងជីវភាពប្រចាំថ្ងៃរបស់នាង ដែលធ្វើឱ្យអ្នកនៅក្បែរខ្លួន មិនហ៊ានប៉ះពាល់។ ប្រភពបាននិយាយថា បុរសដែលមានយសស័ក្តិធំម្នាក់នោះ មានការរាប់អានជិតដិតនឹង កែវ នីសា តែអ្នកខ្លះសង្ស័យថា លោកជាម្ចាស់បេះដូងថ្មី របស់មេម៉ាយរូបស្រស់នេះ...។</span></p>
<p><span style="color: #000000;">គេចាំបានថា អ្នកមេម៉ាយ កែវ នីសា កាលពីប៉ុន្មានឆ្នាំមុននេះ នាងបានបាត់បង់ភាពកក់ក្តៅ និង កិត្តិយសដោយសារតែចំណងស្នេហា របស់នាងត្រូវប្រេះស្រាំ។ ប៉ុន្តែក្រោយពីស្អំ ព្យាបាលបេះដូងហើយនោះ ត្រូវបានទស្សិកជន មើលឃើញថា អ្នកមេម៉ាយរូបល្អនេះ មានស្នាមញញឹម ពេញក្នុងបេះដូងឡើងវិញ។ សេចក្តីរីករាយនេះ មិនត្រឹមតែ បានពីភាពជោគជ័យ ក្នុងអាជីពសិល្បៈជាថ្មីប៉ុណ្ណោះទេ ថែមទាំងធ្លាយព័ត៌មាន ចុងក្រោយថា នីសា រកបានអ្នកយល់ចិត្តម្នាក់។</span></p>
<p><span style="color: #000000;">ប្រភពពីអ្នករស់នៅផ្ទះក្បែរនាង បានទម្លាយមកថា បច្ចុប្បន្នមានបុរសម្នាក់វ័យ៤០ឆ្នាំប្លាយ មានតួនាទីក្នុងស្ថាប័នយោធា ដែលគេសង្ស័យថា បានស្គាល់ និងរាប់អាន កែវ នីសា ចាប់តាំងពីនាងចូលធ្វើពិធីការិនីនៅ ទូរទស្សន៍MYTVមកម្ល៉េះ។ មនុស្សជាច្រើនទាំងក្នុង និងក្រៅរង្វង់សិល្បៈកំពុង មានមន្ទិលសង្ស័យថា បុរសរូបនេះរួមចំណែកជ្រោមជ្រែង ការងារសិល្បៈ និងនៅពីក្រោយខ្នងនៃភាពហ៊ឺហារ របស់នាងទៀតផង។</span><br /><span style="color: #000000;">ការបែកធ្លាយដំណឹងនេះ គឺទើបតែប៉ុន្មានខែនេះប៉ុណ្ណោះ បន្ទាប់ពីគេឃើញបុរសជិះរថយន្ត លុចស៊ី៥៧០ពណ៌ក្រហមម្នាក់ តែងតាមឃ្លាំមើល កែវ នីសា ដោយក្តីស្រលាញ់ តែគេមិនទាន់ដឹងថា បុរសនេះជាមនុស្ស តែមួយដែលធ្លាប់តាមស្នេហ៍នាង ឬយ៉ាងណាទេ។</span></p>
<p><span style="color: #000000;">ទោះបីជាយ៉ាងណា គេសង្កេតឃើញថា ព័ត៌មានស្នេហា ដែលកើតឡើងបន្តកន្ទុយគ្នានេះ គឺកើតឡើងស្របពេលដែល កែវ នីសា មានការតុបតែងខ្លួនស្រស់សោភា ប្លែកកាលពីឆ្នាំមុនៗ។ ពេលនេះ នាងក៏ជាតារាស្រីម្នាក់ ដែលនិយមស្លៀកសិចស៊ីទាន់សម័យបញ្ចេញ ដើមទ្រូងខើចលើខើចក្រោម ផងដែរ ។ពិសេសជាងនេះទៀត អ្នកសិល្បៈជាច្រើន សង្កេត ឃើញថា មួយរយៈនេះ នាងមានភាពសប្បាយរីករាយ អារម្មណ៍ជ្រះថ្លា ប្រកបដោយសេចក្តីសុខ ខុសធម្មតា។</span></p>
<p><span style="color: #000000;">នៅរសៀថ្ងៃទី២៥ ខែកក្កដា ឆ្នាំ២០១៥នេះLookingTODAY នៅតែមិនអាចទំនាក់ទំនង ដើម្បីសុំការបកស្រាយជុំវិញការលើកឡើង ខាងលើនេះ ពីសំណាក់តារាសម្តែង និងពិធីការិនីអ្នកនាង កែវ នីសា បានទេ៕</span></p>
<p><span style="color: #000000;"><a class="thickbox" title="" href="/FileManager/Commons/2015/7/26/50-26-07-2015--09-43-43.jpg"><img src="/FileManager/Articles/mce/2015/7/26/50-26-07-2015--09-43-43.jpg" alt="" /></a></span></p>
<p><a class="thickbox" title="" href="/FileManager/Commons/2015/7/26/51-26-07-2015--09-48-31.jpg"><img src="/FileManager/Articles/mce/2015/7/26/51-26-07-2015--09-48-31.jpg" alt="" /></a><span style="color: #000000;"><a class="thickbox" title="" href="/FileManager/Commons/2015/7/26/50-26-07-2015--09-43-43.jpg"></a></span></p>
<p><a class="thickbox" title="" href="/FileManager/Commons/2015/7/26/52-26-07-2015--09-48-38.jpg"><img src="/FileManager/Articles/mce/2015/7/26/52-26-07-2015--09-48-38.jpg" alt="" /></a></p>
<p><a class="thickbox" title="" href="/FileManager/Commons/2015/7/26/53-26-07-2015--09-48-45.jpg"><img src="/FileManager/Articles/mce/2015/7/26/53-26-07-2015--09-48-45.jpg" alt="" /></a><span style="color: #000000;"><br /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ដើមអម្ពិល</span></p>