<p><span style="color: #000000;"><strong>(ក្រុងឡុងដ៍)៖</strong> ក្របខណ្ឌបាល់ទាត់លីគអាជីពដ៏មានប្រជាប្រិយភាព Barclays-English Premier League ចាប់ផ្តើម សម្ពោធមុនគេរាត្រីថ្ងៃសៅរ៍ ទី១៣ ខែសីហា ឆ្នាំ២០១៦ នាម៉ោង ៦៖៣០នាទីល្ងាច (ម៉ោងនៅកម្ពុជា) ដោយមាន ២០ក្រុមចូលរួមប្រកួតប្រជែងយកពាន មុនពេលលីគបារាំង អេស្ប៉ាញ អ៊ីតាលី និងអាល្លឺម៉ង់ ចាប់ផ្តើមចុងខែនេះដែរ។</span></p>
<p><span style="color: #000000;">សារព័ត៌មានដ៏ល្បី BBC របស់អង់គ្លេសបានផ្សាយឲ្យដឹងថ្ងៃនេះថា ការចាប់ផ្តើមរដូវកាលថ្មីឆ្នាំ២០១៦-២០១៧ នេះ គឺមាន ២០ក្រុមចូលចូលរដូវកាលមុនៗដែរ គ្រាន់តែមានសមាជិកថ្មី ៣ក្រុមទើបតែឡើងមកពីក្របខណ្ឌ Championship មានដូចជា ក្លឹប Burnley, Hull City និង Middlesbrough ជំនួសកៅអីក្រុម Newcaslte United, Norwich City និង Aston Villa ដែលត្រូវបានកាត់ចេញពី Premier League រដូវកាលមុននេះ ក្រោយបញ្ចប់ទៅ ដោយចំណាត់ថ្នាក់បាតតារាងនោះ។</span></p>
<p><span style="color: #000000;">ទាំង ២០ក្រុមត្រូវប្រកួតវិលជុំដូរទឹកដីគ្នា ២ជើងចាប់ពីថ្ងៃទី១៣ សីហា រហូតដល់ចុងខែឧសភា ឆ្នាំ២០១៧ ទើបចប់ ដោយមានមានកញ្ជ្រោងខៀវ Leicester City ជាក្រុមការពារតំណែងជើងឯក និងកាំភ្លើងធំ Arsenal ជាក្រុមជើងឯក រង, Tottenham Hotspur លេខ៣, Manchester City លេខ៤, Manchester United លេខ៥, Liverpool លេខ៨ និង Chelsea ឈរនៅលេខ១០។</span></p>
<p><span style="color: #000000;">ក្នុងនោះដែរ គូគួរឲ្យចាប់អារម្មណ៍ជាងគេ គឺកាំភ្លើងធំ Arsenal ត្រូវទទួលភ្ញៀវហង្សក្រហម Liverpool ស្របពេលដែល Manchester United ទៅផ្ទះក្រុម AFC Bournemouth, Chelsea ស្វាគមន៍ West Ham United, Everton ស្វាគមន៍ភ្ញៀវ Tottenham Hotspur និង Manchester City ទទួលភ្ញៀវឆ្មាខ្មៅ Sunderland។</span></p>
<p><span style="color: #000000;">គូដែលចាប់ផ្តើមបើកឆាកមុនគេ ល្ងាចថ្ងៃសៅរ៍ ទី១៣ ខែសីហាចុងសប្តាហ៍នេះ គឺក្រុមការពារតំណែងជើងឯក Leicester City នឹងត្រូវជួបក្រុមម្ចាស់ផ្ទះ Hull City នាម៉ោង ៦៖៣០នាទីល្ងាច នៅពហុកីឡដ្ឋាន KCOM៕</span></p>
<p><span style="color: #000000;"><img src="https://scontent-kul1-1.xx.fbcdn.net/v/t1.0-9/13592548_1761671954072322_2585222611675480669_n.jpg?oh=a3c9b69914b24b486c90ed17f27c32d6&oe=5859DACC" alt="" width="730" /></span></p>
<p><span style="color: #000000;"><img src="https://scontent-kul1-1.xx.fbcdn.net/v/t1.0-9/13892236_1761671947405656_2001846822723452721_n.jpg?oh=72013f6162ee89cd09bdd0d9f8306bdc&oe=58173849" alt="" width="730" /></span></p>
<p><span style="color: #000000;"><img src="https://scontent-kul1-1.xx.fbcdn.net/v/t1.0-9/13873008_1761671974072320_3384822599627265418_n.jpg?oh=a36c21531f3f6380b60a8373d02c82d8&oe=5858B148" alt="" width="730" /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ខ្មែរថកឃីង</span></p>