<p><span style="color: #000000;"><strong>(ភ្នំពេញ)៖</strong> ពិតជាព្រៃផ្សៃណាស់! កីឡាករប្រដាល់សេរីដ៏ល្បីឈ្មោះម្នាក់ កន ចន្ថា ត្រូវបានកម្លាំងនគរបាលប៉ុស្ដិ៍ទួលសង្កែ ខណ្ឌឫស្សីកែវ ចាប់វាយខ្នោះ បន្ទាប់ពីបែកធ្លាយរឿងបង្ខាំងសង្សារទុកក្នុងបន្ទប់ ដើម្បីគម្រាមកំហែងវាយធ្វើបាប និងបម្រើកាមតណ្ហាខ្លួន។</span></p>
<p><span style="color: #000000;"><br /><a class="thickbox" title="" href="/FileManager/Commons/2016/11/24/01b-24-11-2016--15-17-19.jpg"><img src="/FileManager/Articles/mce/2016/11/24/01b-24-11-2016--15-17-19.jpg" alt="" /></a><br /></span></p>
<p><span style="color: #000000;">លោកអនុសេនីយ៍ឯក ហ៊ុយ ហៀន នាយនគរបាលប៉ុស្ដិ៍ទួលសង្កែ បានបញ្ជាក់ថា ក្នុងការឃាត់ខ្លួនជនសង្ស័យជាកីឡាករប្រដាល់សេរីរូបនេះ បានធ្វើឡើងដោយសារតែ ជាប់ពាក់ព័ន្ធករណីហិង្សាដោយចេតនា បង្ខាំងសង្សារទុករួមភេទតាមកាមតណ្ហារបស់ខ្លួន។ ការចាប់ខ្លួនជនសង្ស័យរូបនេះ បានធ្វើឡើងនៅយប់ថ្ងៃទី២៣ ខែវិច្ឆិកា ឆ្នាំ២០១៦ នៅត្រង់ចំណុចផ្ទះជួលមួយកន្លែង លើកំណាត់ផ្លូវ៦៨ កែងផ្លូវជាតិលេខ៥ ស្ថិតក្នុងក្រុមទី១០ ភូមិផ្សារតូច សង្កាត់ទួលសង្កែ ខណ្ឌឬស្សីកែវ។ </span></p>
<p><span style="color: #000000;"><strong>ស្រ្តីរងគ្រោះ បានរៀបរាប់ប្រាប់សមត្ថកិច្ចថា</strong> មុនកើតហេតុពួកគេទាំង២នាក់ មានការទំនាក់ទំនងស្នេហាស្គាល់គ្នា តាមរយៈការឆាតលេង Facebook និងបានណាត់ជួបគ្នាជាបន្តបន្ទាប់។ នៅថ្ងៃកើតហេតុជនសង្ស័យ បានហៅនាងឲ្យមកជួបនៅបន្ទប់ជួលខាងលើ ស្រាប់តែកើតរឿងឈ្លោះតែម្ដងដោយសារតែរឿងប្រចណ្ឌ ទើបជនសង្ស័យបង្ខាំងទុកក្នុងបន្ទប់ដោយប្រើហិង្សាទាញដាច់ដោច សំលៀកបំពាក់អាក្រាតទាំងកាយ ហើយក៏យកប្រដាប់លុញឃ្លៀកមករុកចូលប្រដាប់ភេទ ថែមទាំងយកទូរស័ព្ទមកថត និងគម្រាមអា-ករ ចោលប្រសិនបើបែកធ្លាយរឿងនេះចេញក្រៅ។ មួយសន្ទុះក្រោយមក ជនសង្ស័យក៏ចូលក្នុងបន្ទប់ទឹក ពេលនោះជនរងគ្រោះក៏ឆ្លៀតឱកាសបើកទ្វាររត់ចេញមកខាងក្រៅផ្ទះដើម្បីស្រែកផ្អើលឆោឡោរ ទាំងប្រជាពលរដ្ឋ និងកម្លាំងនគរបាលមូលដ្ឋាន បានមកជួយអន្តរាគមន៍ភ្លាមៗ ឈានដល់ការឃាត់ខ្លួនជនសង្ស័យតែម្ដង។ ក្រោយការឃាត់ខ្លួនកម្លាំងនគរបាល បានដកហូតវត្ថុតាងមួយចំនួនរួមមាន៖ ទូរស័ព្ទដៃ១គ្រឿង កាំបិតបុ័ងតោ១ កន្ត្រៃ១ ប្រដាប់លុញក្លៀក១ អំបោស១ និងសក់ពណ៌លឿង១ដុំផងដែរ។</span></p>
<p><span style="color: #000000;">នាយប៉ុស្ដិ៍នគរបាលសង្កាត់ទទួលសង្កែ បានបន្តទៀត ជនសង្ស័យដែលត្រូវឃាត់ខ្លួនជាកីឡាករប្រដាល់សេរី ឈ្មោះកន ចន្ថា អាយុ២៥ឆ្នាំ ស្នាក់នៅបន្ទប់ជួលផ្លូវលំ ស្ថិតក្នុងភូមិទួលសង្កែ សង្កាត់ទួលង្កែ ខណ្ឌឬស្សីកែវ។ រីឯស្ត្រីរងគ្រោះជាសង្សារមានឈ្មោះ យ៉េន ធារ៉ា អាយុ១៧ឆ្នាំ មុខរបរលក់សំលៀកបំពាក់ ស្នាក់នៅផ្ទះជួលផ្លូវលំ ស្ថិតក្នុងក្រុមទី១៨ ភូមិទួលសង្កែ សង្កាត់ទួលសង្កែ ខណ្ឌឬស្សីកែវ។</span></p>
<p><span style="color: #000000;">ក្រោយឃាត់ខ្លួនជនសង្ស័យ និងវត្ថុតាងត្រូវបញ្ជូនមកសាកសួរនៅអធិការដ្ឋាននគរបាលខណ្ឌឫស្សីកែវ ដើម្បីកសាងសំណុំរឿងទៅកាន់សាលាដំបូងរាជធានីភ្នំពេញ ចាត់ការតាមនីតិវិធី៕</span></p>
<p><span style="color: #000000;"><img src="http://image.freshnewsasia.com/2016/fn-2016-11-24-14-35-24-0.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/fn-2016-11-24-14-35-35-0.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/fn-2016-11-24-14-35-35-1.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/fn-2016-11-24-14-35-36-2.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/fn-2016-11-24-14-35-36-3.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/fn-2016-11-24-14-39-02-0.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/fn-2016-11-24-14-39-02-1.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/fn-2016-11-24-14-39-02-2.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/fn-2016-11-24-14-39-03-3.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/fn-2016-11-24-14-39-03-4.jpg" alt="" width="730" /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ហ្វ្រេសញូវអាស៊ី</span></p>