<p><span style="color: #000000;"><strong>(ឧត្តរមានជ័យ)៖</strong> នគរបាលប៉ុស្តិ៍រដ្ឋបាលត្រពាំងប្រាសាទ បានប្រាប់ភ្នាក់ងារ Fresh News ឲ្យដឹងថា នៅថ្ងៃទី១២ ខែធ្នូ ឆ្នាំ២០១៦នេះ មានបុរសម្នាក់បានទៅឆក់ត្រី មិនទាន់បានត្រី យកមកលក់ផង ស្រាប់តែខុសបច្ចេកទេស ពេលកំពុងតែឆក់នោះ ក៏បណ្ដាលឲ្យឆក់ស្លាប់ខ្លួនឯងតែម្តង។</span></p>
<p><span style="color: #000000;">ហេតុការណ៍នេះកើតឡើងនៅចំណុចអូរជប់ ស្ថិតនៅភូមិស្រែក្រសាំង ឃុំត្រពាំងប្រាសាទ ស្រុកត្រពាំងប្រាសាទ ខេត្តឧត្តរមានជ័យ។</span></p>
<p><span style="color: #000000;">សមត្ថកិច្ចបន្តថាជនរងគ្រោះ ឈ្មោះ មាស ឃៀក អាយុ៤០ឆ្នាំ រស់នៅភូមិឃុំ កើតហេតុខាងលើ។</span></p>
<p><span style="color: #000000;">ក្រោយធ្វើការពិនិត្យនៅលើខ្លួនរបស់សាកសព មានស្នាកស្នាមលើសពមានចំនួន២កន្លែង គឺនៅលើប្រអប់ដៃខាងស្ដាំជាំខ្លោច និងមួយកន្លែងមួយទៀត ផ្ទៃមុខត្រចៀកប៉ែកខាងស្ដាំស្នាមខ្លោច និងរបកស្បែកដែលបណ្ដាលមកពីឆក់ដោយឧបករណ៍ឆក់ត្រី។</span></p>
<p><span style="color: #000000;">បច្ចុប្បន្ននេះសមត្ថកិច្ចបានប្រគល់សាកសព ទៅកាន់ក្រុមគ្រួសារសពយកទៅធ្វើបុណ្យតាមប្រពៃណី៕</span></p>
<p><span style="color: #000000;"><img src="http://image.freshnewsasia.com/2016/019/05/fn-2016-12-12-16-39-53-0.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/019/05/fn-2016-12-12-16-39-53-1.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/019/05/fn-2016-12-12-16-39-53-2.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/019/05/fn-2016-12-12-16-39-53-3.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/019/05/fn-2016-12-12-16-39-53-4.jpg" alt="" width="730" /></span></p>
<p style="text-align: right;"><br /><span style="color: #000000;">ផ្តល់សិទ្ធិដោយ ៖ ហ្រ្វេសញ៉ូវអាសុី </span></p>