<p><span style="color: #000000;"><strong>(ហាណូយ)៖</strong> វៀតណាមបាននឹងកំពុងទទួលរង នូវគ្រោះរាំងស្ងួតដ៏អាក្រក់បំផុត មិនធ្លាប់មានពីមុនមក ក្នុងរយៈពេលជិតមួយសតវត្សន៍កន្លងទៅ ជាមួយនឹងការវាយប្រហារលើក្រុមកសិករ ជាពិសេសវាយប្រហារខ្លាំងបំផុត នៅភាគខាងត្បូងតំបន់ដីសណ្តរទន្លេមេគង្គ នេះបើតាមប្រភពពី ក្រុមមន្ត្រីជំនាញ ចេញផ្សាយដោយសារព័ត៌មានស៊ិនហួ នៅថ្ងៃទី១ ខែមីនា ឆ្នាំ២០១៦នេះ។</span></p>
<p><span style="color: #000000;"><strong>«កម្រិតទឹកទន្លេមេគង្គ បានធ្លាក់ចុះមកកម្រិតទាបបំផុត មិនធ្លាប់មានពីមុនមក ចាប់តាំងពីឆ្នាំ១៩២៦ បណ្តាលឲ្យមានគ្រោះរាំងស្ងួតដ៏អាក្រក់បំផុត និងដីគ្មានជីជាតិ នៅតំបន់នោះ» នេះបើតាមសម្តីលោក Nguyen Van Tinh អនុប្រធានមន្ទីរជលគតិវិជ្ជា ស្ថិតនៅក្រោមក្រសួងកសិកម្ម បានឲ្យដឹងយ៉ាងដូច្នេះ។</strong></span></p>
<p><span style="color: #000000;"><a class="thickbox" title="" href="/FileManager/Commons/2016/3/2/156a-02-03-2016--11-02-43.jpg"><span style="color: #000000;"><img src="/FileManager/Articles/mce/2016/3/2/156a-02-03-2016--11-02-43.jpg" alt="" /></span></a></span></p>
<p><span style="color: #000000;">តំបន់ទំនាប និងផលដំណាំយ៉ាងច្រើន នៅតាមតំបន់ទន្លេមេគង្គ គឺជាទីជម្រករបស់ប្រជាជនជាង២០លាននាក់ និងជាតំបន់ដាំដុះស្រូវ របស់ប្រទេសផងដែរ។ ក្រុមអ្នកវិទ្យាសាស្ត្រ បានស្តីបន្តោសនូវបាតុភូតអាកាសធាតុ 2015-2016 El Nino ដែលបាននឹងកំពុងបន្តកើតឡើង ដោយវាជាបាតុភូតមួយ ក្នុងចំណោមបាតុភូតខ្លាំងក្លាបំផុត ដែលបណ្តាលឲ្យមានគ្រោះរាំងស្ងួតនេះកើតឡើង។ ភាពខ្វះខាតនៃទឹក ក៏បានប៉ះពាល់ដល់វិស័យកសិកម្ម នៅតាមប្រទេសជិតខាងដូចជា ឡាវ, ថៃ មីយ៉ាន់ម៉ា និងកម្ពុជាផងដែរ។</span></p>
<p><span style="color: #000000;">លោក Le Anh Tuan មន្ត្រីជំនាញការបម្រែបម្រួលអាកាសធាតុ នៅសកលវិទ្យាល័យ Can Tho នៅចំណុចកណ្តាលតំបន់មេគង្គ បានឲ្យដឹងថា ប្រមាណ៤០ ទៅ៥០ភាគរយ នៃផ្ទៃដី២,២លានហិកតា នៅតំបន់ដីសណ្តរ ត្រូវបានរងការវាយប្រហារដោយភាពដីគ្មានជីជាតិ។</span></p>
<p><span style="color: #000000;">បក្សកំពុងកាន់អំណាចវៀតណាម បានប្រកាសប្រើប្រាស់ថវិកាជំនួយ ៣,៨លានដុល្លារសហរដ្ឋអាម៉េរិក សម្រាប់តំបន់ដែលរងផលប៉ះពាល់។ គួរជម្រាបថា វៀតណាមគឺជាប្រទេសនាំចេញ អង្ករនិងកាហ្វេធំជាងគេទី២ នៅលើពិភពលោក៕</span></p>
<p><span style="color: #000000;"><a class="thickbox" title="" href="/FileManager/Commons/2016/3/2/17-02-03-2016--10-43-22.jpg"><span style="color: #000000;"><img src="/FileManager/Articles/mce/2016/3/2/17-02-03-2016--10-43-22.jpg" alt="" /></span></a></span></p>
<p> </p>
<p style="text-align: right;"><span style="color: #000000;">ប្រភព ៖ CNA និង ស៊ិនហួរ<br /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ហ្វ្រេសញូវអាស៊ី</span></p>