<p><span style="color: #000000;"><strong>(ភ្នំពេញ)៖</strong> តារាសម្តែងល្បីល្បាញមួយរូបរបស់កម្ពុជា អ្នកស្រី ចន ច័ន្ទលក្ខិណា នៅថ្ងៃនេះបានចេញមុខមកប្រកាសគាំទ្រយ៉ាងពេញទំហឹងចំពោះ ចំណាត់ការរបស់តុលាការ ដើម្បីស្វែងរកយុត្តិធម៌ជូនកញ្ញា ខុម ច័ន្ទតារាទី ហៅស្រីមុំ ព្រោះកម្ពុជាជាប្រទេសមានច្បាប់ទម្លាប់ ប្រជាពលរដ្ឋគ្រប់រូបត្រូវតែគោរពច្បាប់ដែលមានជាធរមាន។ នេះបើយោងតាម Facebook របស់អ្នកស្រី ចន ច័ន្ទលក្ខិណា បង្ហាញនៅល្ងាចថ្ងៃទី២៧ ខែឧសភា ឆ្នាំ២០១៦នេះ។</span></p>
<p><span style="color: #000000;">អ្នកស្រី ចន ច័ន្ទលក្ខិណា បានបញ្ជាក់ក្នុងនាមជាបង, ស្រ្តីម្នាក់ និងសិល្បៈការិនីផ្សេងទៀតថា សូមគាំទ្រនិងលើកទឹកចិត្តដល់ប្អូនស្រី ឲ្យមានភាពរឹងមាំ បន្តការងារដើម្បីស្វែងរកយុត្តិធម៌ ដែលប្អូនត្រូវបានបំពានដោយជនទុច្ចរិត និងខ្វះការទទួលខុសត្រូវ។</span></p>
<p><span style="color: #000000;">តារាសម្តែង ចន ច័ន្ទលក្ខិណា បានបង្ហាញនិងគាំទ្រនៅលើ Facebook របស់អ្នកស្រីយ៉ាងដូច្នេះថា៖ <strong>«ក្នុងនាមជាស្ត្រីដូចគ្នា សូមគាំទ្រនូវចំណាត់ ការតុលាការ ដើម្បីស្វែងរកយុត្តិធម៌ជូនកញ្ញា ខុម ចន្ទតារាទី ហៅ ស្រីមុំ អាស្រ័យដោយកម្ពុជា ជាប្រទេសមានច្បាប់ទំលាប់ និងប្រជាពលរដ្ឋគ្រប់រូប ត្រូវតែគោរពច្បាប់ ដែលមានជាធរមាន។ ក្នុងនាមបង ជាស្ត្រីម្នាក់ និងសិល្បៈការនីផ្សេងទៀត នៅតែគាំទ្រ និងលើកទឹកចិត្តដល់ប្អូនស្រីឲ្យមានភាព រឹងមាំ បន្តការងារដើម្បីស្វែងរកយុត្តិធម៌ ដែលប្អូនត្រូវបានបំពានដោយជនទុច្ចរិត និងខ្វះការទទួលខុសត្រូវ។ យើងទាំងអស់គ្នា ជាស្ត្រីនៅតែបន្តគាំទ្រ និងយកចិត្តទុក្ខដាក់ចំពោះប្អូនស្រី»</strong>។</span></p>
<p><span style="color: #000000;">សូមជំរាបថា នៅរសៀលថ្ងៃមិញនេះ កញ្ញា ធី សុវណ្ណថា ដែលត្រូវបានគេដឹងថា ជាសកម្មជនគណបក្សសង្គ្រោះជាតិដ៏ល្បាញល្បីមួយរូប បានចេញមុខមកប្រកាសជាសាធារណថា រូបនាងនឹងដឹកនាំ ក្រុមបាតុកម្មធ្វើការគាំទ្រចំពោះចំណាត់ការរបស់តុលាការ ទៅលើលោក កឹម សុខា ដែលជាប់ចោទពីបទ <strong>«បដិសេធក្នងការចូលខ្លួន មកបំភ្លឺរបស់អយ្យការអមសាលាដំបូងរាជធានីភ្នំពេញ»</strong> ប្រសិនបើមានការធ្វើបាតុកម្មប្រឆាំងនឹង ការចាប់ខ្លួនរបស់លោក កឹម សុខា៕</span></p>
<p><span style="color: #000000;"><img src="http://image.freshnewsasia.com/2016/011/K-0013.jpg" alt="" width="730" /></span></p>
<p><span style="color: #000000;"><img src="https://scontent-kul1-1.xx.fbcdn.net/v/t1.0-9/13260257_965052413611107_1778712180278245706_n.jpg?oh=ec95924d21fd682db8a485b042956dc2&oe=57C53BD4" alt="" width="730" /></span></p>
<p><span style="color: #000000;"><img src="https://scontent-kul1-1.xx.fbcdn.net/v/t1.0-9/13237866_965052430277772_944010413972190558_n.jpg?oh=246d555c0cc990611c90cb846dc4ea2f&oe=57E07E35" alt="" width="730" /></span></p>
<p><span style="color: #000000;"><img src="https://scontent-kul1-1.xx.fbcdn.net/v/t1.0-9/13256273_965052446944437_8335260809964038578_n.jpg?oh=05772a672dc363a23afae845ae144dbb&oe=57CA8804" alt="" width="730" /></span></p>
<p style="text-align: right;"><br /><span style="color: #000000;">ផ្តល់សិទ្ធិដោយ ៖ ហ្រ្វេសញ៉ូវអាសុី</span></p>