<p><span style="color: #000000;"><strong>(កណ្តាល)៖</strong> បុរសម្នាក់រងរបួសធ្ងន់ ដោយសារតែជនសង្ស័យកាប់នឹងកាំបិតផ្កាក់ ចំនួន៥កាំបិត។ ជនរងគ្រោះរងរបួស ចំកញ្ចឹង-ក ចំស្មាទាំងសងខាង និងចំភ្លៅទាំងសងខាង។ ហេតុការណ៍នេះកើតឡើង នៅវេលាម៉ោង ១៣៖១០នាទី ថ្ងៃទី១៥ ខែកុម្ភៈ ឆ្នាំ២០១៦នេះ ស្ថិតក្នុងភូមិកណ្តាល ឃុំសណ្តារ ស្រុកលើកដែក ខេត្តកណ្តាល ។</span></p>
<p><span style="color: #000000;">តាមរបាយការណ៍របស់សមត្ថកិច្ចបានឲ្យដឹងថា ជនរងគ្រោះឈ្មោះ ធី ប៊ុនថន ភេទប្រុស អាយុ២៣ឆ្នាំ មុខរបរជាកសិករ មានទីលំនៅបន្ចុប្បន្នភូមិ-ឃុំ កើតហេតុខាងលើ ។ ចំនែកជនសង្ស័យ ត្រូវបានសមត្ថកិច្ចអះអាងថា ឈ្មោះ ប៉ុង ពុំ ភេទប្រុស អាយុ២៦ឆ្នាំ មានទីលំនៅ ក្នុងភូមិឃុំកើតហេតុខាងលើដូចគ្នា។</span></p>
<p><span style="color: #000000;">សមត្ថកិច្ចបានអះអាងឲ្យថា ហេតុការណ៍កាប់ប្រហារបណ្ដាលឲ្យជនរងគ្រោះរងរបួសធ្ងន់នេះ កើតឡើងដោយសាររឿងគំនុំ។ នៅមុនពេលជនរងគ្រោះ បានរៀបការជាមួយប្រពន្ធនោះ គឺក្រុមគ្រួសាររបស់ជនសង្ស័យ បានចូលស្តីដណ្តឹងមុនមកឲ្យជនសង្ស័យ តែត្រូវបានផ្តាច់ពាក្យវិញ ក្រោយមកប្រពន្ធរបស់ជនរងគ្រោះ បានមករៀបការជាប្តីប្រពន្ធជាមួយជនរងគ្រោះវិញ ។</span></p>
<p><span style="color: #000000;">គួរបញ្ជាក់ថា ក្រោយពេលធ្វើសកម្មភាពហើយភ្លាម ជនសង្ស័យក៏បានរត់គេចខ្លួនបាត់តែម្តង។ ចំណែកជនរងគ្រោះ ដោយសារររងរបួសធ្ងន់ ត្រូវបានបងប្អូនបញ្ជូនទៅព្យាបាលនៅមន្ទីរពេទ្យប្រទេសវៀតណាម ។</span></p>
<p><span style="color: #000000;">យ៉ាងណាក៏ដោយ សមត្ថកិច្ចកំពុងស្រាវជ្រាវតាមចាប់ជនសង្ស័យ និងកសាងសំណុំរឿងតាមនីតិវិធីច្បាប់៕</span></p>
<p style="text-align: center;"><span style="color: #000000;"><a class="thickbox" title="" href="/FileManager/Commons/2016/2/16/10-16-02-2016--08-51-59.jpg"><img src="/FileManager/Articles/mce/2016/2/16/10-16-02-2016--08-51-59.jpg" alt="" /></a><br /></span></p>
<p style="text-align: center;"><span style="color: #000000;"><img src="https://scontent-hkg3-1.xx.fbcdn.net/hphotos-xpf1/v/t1.0-9/12688257_1558636941117338_6510728974557681768_n.jpg?oh=d8bacf45c795e0f0afeefbcf00381560&oe=572F0C5E" alt="" width="730" /></span></p>
<p style="text-align: center;"><span style="color: #000000;"><img src="https://scontent-hkg3-1.xx.fbcdn.net/hphotos-xlp1/v/t1.0-9/12705654_1558636937784005_4342473406519568508_n.jpg?oh=ca3effa778a410c9de48387d39bc3bc2&oe=576C3801" alt="" width="730" /></span></p>
<p style="text-align: center;"><span style="color: #000000;"><img src="https://scontent-hkg3-1.xx.fbcdn.net/hphotos-xlf1/v/t1.0-9/10337731_1558636984450667_7178853850413536827_n.jpg?oh=1578333fb0dda0857bddab8a8bf81e45&oe=5727F187" alt="" width="730" /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ហ្វ្រេសញូវអាស៊ី</span></p>
<p style="text-align: center;"> </p>