<p><span style="color: #000000;"><strong>(ម៉ានីល)៖</strong> កីឡាករប្រដាល់លំដាប់លេខ២ ពិភពលោក Manny Pacquiao គ្រោងឡើងវ៉ៃដណ្តើមខ្សែក្រវាត់នៃស្ថាប័ន IBF ពីជើងខ្លាំងរបស់ចក្រភពអង់គ្លេស Kell Brook នៅក្នុងខែតុលា ចុងឆ្នាំ២០១៧ ខាងមុខ នេះបើយោងតាមសារព័ត៌មាន Dailymail ដែលបានចេញផ្សាយនៅថ្ងៃព្រហស្បតិ៍ ទី១២ ខែមករានេះ។</span></p>
<p><span style="color: #000000;">សូមបញ្ជាក់ថា ការផ្គូផ្គងដើម្បីឲ្យកីឡាករប្រដាល់សកលជើងខ្លាំងទាំងពីរខាងលើជួបគ្នានោះ កំពុងស្ថិតក្នុងការចរចា នៅឡើយ ដែលនឹងអាចធ្វើឡើងជាផ្លូវការចុងឆ្នាំនេះ នៅលើសង្វៀនស្ថិតក្នុងប្រទេសអង់គ្លេសផ្ទាល់តែម្តង ហើយវា ក៏ជាផ្នែកមួយនៃការឡើងវាយឆ្លងឆ្នាំរបស់កីឡាករជនជាតិហ្វីលីពីន វ័យ៣៨ឆ្នាំ Pacquiao ផងដែរ។</span></p>
<p><span style="color: #000000;">លោក Eddie Hearn អ្នកផ្គូផ្គងរបស់កីឡាករវ័យ៣០ឆ្នាំ Kell Brook បានថ្លែងប្រាប់សារព័ត៌មាន Sportmail កាលពី ពុធម្សិលមិញថា រូបលោកកំពុងតែជួបពិភាក្សាគ្នាជាមួយម្ចាស់ភាគហ៊ុន Top Rank លោក Bob Arum អំពីការផ្គូផ្គងឲ្យ ម្ចាស់ខ្សែក្រវាត់ទម្ងន់មធ្យម IBF ពិភពលោក Brook ជួបគ្នាទល់នឹងម្ចាស់ខ្សែក្រវាត់ WBO, Pacquiao ក្នុងឆ្នាំនេះ ដែលអាចនិយាយបានថា ជាគូដ៏ជក់ចិត្តសម្រាប់ឆ្នាំ២០១៧ នេះទៀតផង។</span></p>
<p><span style="color: #000000;">តែយ៉ាងណាមិញ សមាជិកព្រឹទ្ធសភាហ្វីលីពីន Manny Pacquiao ក៏បានព្រមព្រៀងឡើងវ៉ៃទល់នឹងកីឡាករ Jeff Horn នៅថ្ងៃទី២២ ខែមេសា ឆ្នាំ២០១៧ ផងដែរ គឺមានរយៈពេល ៥ខែ បន្ទាប់ពីរូបគេដណ្តើមបានខ្សែក្រវាត់ WBO ពីជើងខ្លាំងអាមេរិក Jessie Vargas កាលពីថ្ងៃទី២ ខែវិច្ឆិកា ឆ្នាំ២០១៦ កន្លងទៅ។</span></p>
<p><span style="color: #000000;">កីឡាករ Manny Pacquiao ធ្លាប់ឡើងវ៉ៃបានចំនួន ៦៨ប្រកួតមកហើយ ដោយក្នុងនោះដែរធ្លាប់ឈ្នះ៥៩ដង ស្មើ២ដង និងចាញ់ ៦ដង ដោយធ្លាប់ផ្តួលដៃគូឲ្យសន្លប់នៅលើសង្វៀនបាន ៣៨ដង គ្រាដែលគូប្រជែង Kell Brook កម្ពស់ ១,៧៩ម៉ែត្រ ធ្លាប់ប្រកួតបាន ៣៧ដង ឈ្នះ៣៦ដង មិនដែលស្មើ និងធ្លាប់ចាញ់តែម្តងគត់ ធ្លាប់ផ្តួលដៃគូឲ្យសន្លប់បាន ២៥ដង៕</span></p>
<p><a class="thickbox" title="" href="/FileManager/Commons/2017/1/12/39a-12-01-2017--14-48-02.jpg"><img src="/FileManager/Articles/mce/2017/1/12/39a-12-01-2017--14-48-02.jpg" alt="" /></a></p>
<p><span style="color: #000000;"><img src="http://image.freshnewsasia.com/2016/ID-113/fn-2017-01-12-13-58-24-0.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/ID-113/fn-2017-01-12-13-58-24-1.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/ID-113/fn-2017-01-12-13-58-24-2.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/ID-113/fn-2017-01-12-13-58-24-3.jpg" alt="" width="730" /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ខ្មែរថកឃីង</span></p>