<p><span style="color: #000000;"><strong>(ពោធិ៍សាត់)៖</strong> រថយន្តដឹកកុងតឺន័រមួយគ្រឿង បានបើកបុករះរថយន្តស៊េរីទំនើបៗ និងម៉ូតូជាច្រើនគ្រឿង នាវេលាព្រឹកថ្ងៃទី០៦ ខែមេសា ឆ្នាំ២០១៦នេះ នៅលើកំណាត់ផ្លូវជាតិលេខ៥ ត្រង់ចំណុចភូមិថ្គោលធំ ឃុំអន្សាចំបក់ ស្រុកក្រគរ ខេត្តពោធិ៍សាត់ ។</span></p>
<p><span style="color: #000000;">ភាគីរថយន្តទំនើបៗដែលជួបគ្រោះថ្នាក់ចរាចរណ៍ខាងលើនេះ ត្រូវបានសមត្ថកិច្ចប្រាប់ថា ជាសាច់ញាតិ និងមិត្តភក្តិលោក ហ៊ុន សុភក្តិ ដែលត្រូវជាប្អូនថ្លៃលោក ម៉ៅ ធនិន អភិបាលខេត្តពោធិ៍សាត់ ដែលទើបទទួលបានការតែងតាំងជាមេបញ្ជាការរង កងរាជអាវុធហត្ថ ខេត្តពោធិ៍សាត់ ដែលនឹងប្រកាសចូលកាន់តំណែងនាព្រឹកមិញនេះផងដែរ ដោយពួកគេនាំគ្នាធ្វើដំណើរទៅចូលរួមប្រកាសការចូល កាន់តំណែងក៏ជួបករណីចរាចរ នៅតាមផ្លូវតែម្ដងទៅ ។</span></p>
<p><span style="color: #000000;">លោក ឯម រុន អធិការនគរបាលស្រុកក្រគរ បានប្រាប់ភ្នាក់ងារ Fresh News ឲ្យដឹងថា៖ ករណីគ្រោះថ្នាក់ចរាចរណ៍នេះកើតឡើង ដោយសាររថយន្តដឹកកុងតឺន័រប្រវែង ៤០ហ្វីត ទំនងជាអ្នកបើកបរងងុយដេក ហើយដេកលក់មួយភាំង បើកភ្នែកឡើងក៏ជ្រុលបុករះ រថយន្ត និង ម៉ូតូជាច្រើនគ្រឿង បណ្តាលឲ្យក្រឡាប់កាត់ទទឹងផ្លូវ នៅចំណុចភូមិឃុំកើតហេតុខាងលើតែម្ដងទៅ ។</span></p>
<p><span style="color: #000000;">ប្រភពពីកន្លែងកើតហេតុបានអោយដឹងថា នៅមុនពេលកើតហេតុ គេឃើញរថយន្តដឹកកុងតឺន័រខាងលើ បើកបរក្នុងទិសដៅពី ខេត្តពោធិ៍សាត់ឆ្ពោះមកភ្នំពេញ ហើយក្បួនរថយន្តទំនើបៗបើកបន្តគ្នា ក្នុងទិសដៅពីភ្នំពេញទៅខេត្តពោធិ៍សាត់។ លុះទៅដល់ចំណុច កើតហេតុស្រាប់តែរថយន្តកុងតឺន័រ រេចង្កូតមកបុកតែម្ដង។</span></p>
<p><span style="color: #000000;">លោកអធិការបានបន្តថា ករណីគ្រោះថ្នាក់ចរាចរណ៍ខាងលើនេះ បានបណ្តាលឲ្យរថយន្ត Lexus 570 ស្លាកលេខភ្នំពេញ 2L-8879 ខូចខាតមួយចំហៀង និងរថយន្ត Ford ហ្វដ ស៊េរីថ្មី ស្លាកលេខភ្នំពេញ 2AE-6127 ខូចខាតផងដែរ និងម៉ូតូអ្នកស្រុកដែលកំពុងធ្វើដំណើរ តាមដងផ្លូវខូចខាតមួយចំនួនថែមទៀត ។</span></p>
<p><span style="color: #000000;">បច្ចុប្បន្នកម្លាំងរបស់អធិការស្រុក និងកម្លាំងមូលដ្ឋាន ក្រោមការបញ្ជាផ្ទាល់ ពីលោក ម៉ៅ ធនិន អភិបាលខេត្ត កំពុង ជួយអន្តរាគមន៍ស្ទូចរថយន្តកុងតឺន័រ ចេញជៀសវាងការកកស្ទះចរាចរណ៍ និង បង្កឲ្យមានករណីគ្រោះថ្នាក់ជាយថាហេតុបន្តទៀត ។ ដោយឡែកជនរងគ្រោះ ទាំងអ្នករបួសធ្ងន់ និង របួសស្រាល ត្រូវបានជួយសង្គ្រោះ ទាន់ពេលវេលា ៕</span></p>
<p><span style="color: #000000;"><img src="http://image.freshnewsasia.com/2016/019/03/fn-2016-04-06-11-15-27-3.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/019/03/fn-2016-04-06-11-15-27-2.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/019/03/fn-2016-04-06-11-15-27-4.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/019/03/fn-2016-04-06-11-15-27-5.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/019/03/fn-2016-04-06-11-15-27-7.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/019/03/fn-2016-04-06-11-15-27-8.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/019/03/fn-2016-04-06-11-15-27-9.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/099/fn-2016-04-06-11-59-05-1.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/099/fn-2016-04-06-11-59-05-2.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/099/fn-2016-04-06-11-59-05-3.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/099/fn-2016-04-06-11-59-05-4.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/099/fn-2016-04-06-11-59-05-5.jpg" alt="" width="730" /></span></p>
<p> </p>
<div id="news_detail" class="postcontainer">
<p style="text-align: right;"><span style="color: #000000;">ផ្តល់សិទ្ធដោយ ៖ ហ្វ្រេសញូវអាស៊ី</span></p>
<div><span><br /></span></div>
</div>