<p><strong>ឆុងឈីង</strong><strong>:</strong>ប្រទេសចិនបាននិយាយថាខ្លួនស្វាគមន៍ក្រុមហ៊ុនអាមេរិកដើម្បីទាញយកផលប្រយោជន៍ពេញលេញពីការរីកចំរើនខាងបច្ចេកវិទ្យាខ្ពស់របស់ប្រទេសខ្លួន បន្ទាប់ពីប្រធានាធិបតីអាមេរិកដូណាល់ត្រាំបញ្ជាឱ្យក្រុមហ៊ុនអាមេរិកនានា អោយចាកចេញពីប្រទេសចិនក្នុងពេលមានសង្គ្រាមពាណិជ្ជកម្មដែលកំពុងកើនឡើងរវាងប្រទេសដែលមានសេដ្ឋកិច្ចធំជាងគេទាំងពីរនៅលើពិភពលោក។</p>
<p>លោក <strong>Liu He</strong> ឧបនាយករដ្ឋមន្រ្តីចិននិងជាអ្នកចរចាពាណិជ្ជកម្មជាន់ខ្ពស់ មួយរូបរបស់ទីក្រុងប៉េកាំងបាននិយាយកាលពីថ្ងៃច័ន្ទ(២៦ ខែ សីហា) នៅឯពិព័រណ៍ស្មាតចិននៅឆុងឈីងថា“ ការអភិវឌ្ឍបច្ចេកវិទ្យាមិនត្រូវបានកំណត់ដោយព្រំដែនទេ។</p>
<p> </p>
<p><a class="thickbox" title="" href="/FileManager/Commons/2019/8/29/china-29-08-2019--14-00-48.jpg"><img src="/FileManager/Articles/mce/2019/8/29/china-29-08-2019--14-00-48.jpg" alt="" /></a></p>
<p>នៅឯសន្និសិទឧស្សាហកម្មបច្ចេកវិទ្យាដែលមាន រយះពេល ៣ថ្ងៃ លោក <strong>Liu He</strong> ក៏បានបញ្ចាក់បន្ថែមទៀត ចំពោះនាយកប្រតិបត្តិពីក្រុមហ៊ុន Intel និងក្រុមហ៊ុនដទៃទៀតថា“ ដោយមើលឃើញពីលក្ខណៈនៃខ្សែសង្វាក់ផ្គត់ផ្គង់របស់ខ្លួន ឧស្សាហកម្មបច្ចេកវិទ្យាខ្ពស់ទាមទារឱ្យមានកិច្ចសហការជិតស្និទ្ធក្នុងចំណោមបណ្តាប្រទេសនានាអោយកាន់តែជិតស្និត ថែមទៀត”។</p>
<p>ការលើកឡើងបែបនេះត្រូវបានគេមើលឃើញ ជាការឆ្លើយតបទៅកាន់លោក Trump ដែលបានអំពាវនាវដល់ក្រុមហ៊ុនទាំងឡាយ របស់អាមេរិចអោយដាក់មូលដ្ធានមកកាន់អាមេរិចវិញ ហើយលោក Trump បាននិយាយថាទំនិញដែលមានស្រាប់ ២៥ ភាគរយលើតម្លៃ ២៥០ ពាន់លានដុល្លារនឹងត្រូវដំឡើងដល់ ៣០ ភាគរយគិតត្រឹមថ្ងៃទី ១ ខែតុលាហើយពន្ធគយ ១០ ភាគរយលើទំនិញដែលនៅសល់ ៣០០ ពាន់លានដុល្លារនឹងមាន ១៥ ភាគរយ នេះបើយោងទៅតាម បានបង្ហោះសារ Twitter កាលពីថ្ងៃសុក្រ សប្តាហ៍មុន។</p>