<p><span style="color: #000000;"><strong>ភ្នំពេញ៖</strong> តារាចម្រៀងស្រីដ៏ល្បីល្បាញ ក្នុងបទចម្រៀងបែបទេសចរណ៍ កញ្ញា សុន ស្រីពេជ្រ ទើបតែត្រឡប់មកពី កើបលុយនៅប្រទេសអូស្ត្រាលី កាលពីពេលថ្មីៗនេះ ប៉ុន្តែអ្វីដែលគួរឲ្យសង្វេគនោះ គឺចំណូលដែលបានមកពីការច្រៀងនៅ ប្រទេសមហាសេដ្ឋកិច្ចនោះ នាងមិនបាន ចាយមួយរៀលឡើយ ពោលលុយដែលនាងរកបានទាំងប៉ុន្មាន ត្រូវសងបំណុលក្នុងធានាគារទាំងអស់។</span></p>
<p><span style="color: #000000;">ជាមួយនឹងការត្រឡប់មកវិញ ក៏ស្របពេលដែលបទចម្រៀង «ថាមពលស្នេហ៍» របស់នាង កំពុងតែទទួលភាពល្បីល្បាញ ពីសំណាក់មហាជន និយមទស្សនា រឿងភាគថៃ របស់ស្ថានីយទូរទស្សន៍ «ភីអិនអិន» ព្រោះស្រីពេជ្រ បានបង្ហាញស្ទីលច្រៀងបែបយុវ័យ ដែលនាងមិនដែលច្រៀងពីមុនមកសោះ ហើយពិតជាពីរោះប្លែកអារម្មណ៍ណាស់ ។</span></p>
<p><span style="color: #000000;">ជាការពិត តារាសិល្បៈជាច្រើន ឲ្យតែត្រឡប់មកពីសម្ដែងនៅក្រៅប្រទេសវិញ ពួកគេតែងតែគិតគំរោងរកស៊ី ផ្សេងៗព្រោះខំទៅស្រុកគេ ដើម្បីសន្សំលុយ ចម្លែកតែ សុន ស្រីពេជ្រ ស្ងប់ស្ងាត់មិនឃើញថា នាងនឹងរកស៊ីជំនួញអ្វី ឲ្យដូចគេឡើយ ។ ប្រភពពីអ្នកជិតស្និទ្ធ សុន ស្រីពេជ្រ បង្ហើបថា សុន ស្រីពេជ្រ ញញឹមតែមុខកាមេរ៉ាទូរស័ព្ទ និង កាមេរ៉ា ទូរទស្សន៍ប៉ុណ្ណោះ ក្រោយឆាក នាងតែងមានទឹកមុខស្រពាប់ស្រពោន ជាប់ជានិច្ច ហាកបៀមជាប់ទុក្ខ វិបត្តិក្រៀមក្រំ ជាច្រើនក្នុងចិត្ត ។</span></p>
<p><span style="color: #000000;">ប្រភពដដែល បាននិយាយថា លុយដែលនាងរកបាន ពីអូស្ត្រាលី នាង សុន ស្រីពេជ្រ គ្មានបានចាយមួយរៀលឡើយ ពោលគឺត្រូវដោះបំណុលគ្រួសារ ដែលជាបន្ទុកដ៏ធ្ងន់សម្រាប់នាង ។ បើទោះជានាង ជាអ្នករកលុយក៏នាងមិនបានកាន់លុយ និងចាយវាយពេញៗដៃដែរ ។ ចំណែកឯរឿង ដែល សុន ស្រីពេជ្រ បារម្ភ គឺ សមាជិកគ្រួសារ ចេះតែកើនឡើង ដូចនេះបន្ទុកកាន់តែធ្ងន់សម្រាប់នាង ព្រោះអ្នកចាយ មានច្រើនជាងអ្នករកលុយ ទើបចេះតែគិតច្រើន រហូត ពេលខ្លះ នាងភ្លេចភ្លាំងស្មារតី ។</span></p>
<p><span style="color: #000000;">ប្រភពពីអ្នកលក់ក្នុងផ្សារទំនើបមួយ បាននិយាយ គេតែងតែឃើញ កញ្ញា សុន ស្រីពេជ្រ ដើរទិញឥវ៉ាន់ម្នាក់ឯង ដោយទឹកមុខ មិនស្រូវស្រស់ស្រាយឡើយ ហើយនាងសន្សំសំចៃណាស់ មិនមែនទិញ តាមអំពើរចិត្ត ដូចតារាមួយចំនួននោះទេ ។ តារាចម្រៀង សុន ស្រីពេជ្រ ភាគច្រើនគ្មានអ្វីចុះផ្សាយ ក្រៅពីរឿងបំណុលធនាគារឡើយ ។ចំណែកឯរឿងគូស្នេហ៍ ហាក់ស្ងប់ស្ងាត់ មិនមានដំណឹងថា មានអ្នកយល់ចិត្ត ស្របពេលនាងកំពុងទូលទុក្ខប៉ុន ភ្នំម្នាក់ឯងនោះ៕</span></p>
<p><span style="color: #000000;"><a class="thickbox" title="" href="/FileManager/Commons/2015/8/28/35-28-08-2015--11-04-16.jpg"><img src="/FileManager/Articles/mce/2015/8/28/35-28-08-2015--11-04-16.jpg" alt="" /></a></span></p>
<p><a class="thickbox" title="" href="/FileManager/Commons/2015/8/28/36-28-08-2015--11-04-26.jpg"><img src="/FileManager/Articles/mce/2015/8/28/36-28-08-2015--11-04-26.jpg" alt="" /></a><span style="color: #000000;"><a class="thickbox" title="" href="/FileManager/Commons/2015/8/28/35-28-08-2015--11-04-16.jpg"></a></span></p>
<p><a class="thickbox" title="" href="/FileManager/Commons/2015/8/28/37-28-08-2015--11-04-34.jpg"><img src="/FileManager/Articles/mce/2015/8/28/37-28-08-2015--11-04-34.jpg" alt="" /></a><span style="color: #000000;"><br /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ដើមអម្ពិល</span></p>