<div class="item-page">
<p><span style="color: #000000;"><strong>(ភ្នំពេញ)៖</strong> ឆ្លើយតបនឹងចម្ងល់របស់អ្នកលេង Facebook ម្នាក់ ឈ្មោះថា «ព្រះភិក្ខុចន្ទត្ថេរោ ហួតស៊ីវត្ថា» ដែលបាន Comment ក្នុង Facebook Page សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា សួរថា ប្រាក់ពិន័យដែលនគរបាលចរាចរណ៍ ត្រូវយកចូលរដ្ឋទាំងអស់ ឬយ៉ាងណា? អគ្គស្នងការនគរបាលជាតិ បានឆ្លើយតបភ្លាមៗ និងបញ្ជាក់យ៉ាងក្បោះក្បាយ ពាក់ព័ន្ធការបែងចែកប្រាក់ពិន័យនេះ។</span></p>
<p><span style="color: #000000;">អគ្គស្នងការនគរបាលជាតិ បាន Comment ឆ្លើយតបចំពោះសំណួរ ម្ចាស់គណនី «ព្រះភិក្ខុចន្ទត្ថេរោ ហួតស៊ីវុត្ថា» ដោយបានលើកយកនូវការបំភ្លឺបញ្ជាក់របស់ នាយឧត្តមសេនីយ៍ គៀត ច័ន្ទថារិទ្ធ អគ្គស្នងការរងនគរបាលជាតិ ដូចខាងក្រោមនេះ៖</span></p>
<p><span style="color: #000000;">១-អនុលោមតាមប្រកាសអន្តរក្រសួងមហាផ្ទៃ និងក្រសួងសេដ្ឋកិច្ច និងហិរញ្ញវត្ថុលេខ ១១៨៧០ប្រកចុះថ្ងៃទី២៩ ខែធ្នូ ឆ្នាំ២០១៥ បានបែងចែកប្រាក់ពិន័យចរាចរណ៍ដូចទៅ៖</span></p>
<p><span style="color: #000000;">- បង់ចូលថវិកាជាតិ៤%</span><br /><span style="color: #000000;">- ផ្តល់ជូនមន្រ្តី្តនគរបាលចរាចរណ៍ផ្លូវគោក ដែលបំពេញភារកិច្ច ៧០%</span><br /><span style="color: #000000;">- ផ្តល់ជូនការិយាល័យនគរបាលចរាចរណ៍ផ្លូវ គោក រាជធានីខេត្ត ៩%</span><br /><span style="color: #000000;">- ផ្តល់ជូនផ្នែកសណ្តាប់ធ្នាប់ចរាចរណ៍ នគរបាលក្រុងស្រុកខណ្ឌ ៥%</span><br /><span style="color: #000000;">- ផ្តល់ជូននាយកដ្ឋាននគរបាលចរាចរណ៍និងសណ្តាប់ធ្នាប់ ១០%</span><br /><span style="color: #000000;">- ផ្តល់ជូនអគ្គនាយកដ្ឋានភស្តុភារ និង ហិរញ្ញវត្ថុក្រសួងមហាផ្ទៃ ១%</span><br /><span style="color: #000000;">- ផ្តល់ជូនក្រសួងសេដ្ឋកិច្ចនិងហិរញ្ញវត្ថុ១%</span></p>
<p><span style="color: #000000;">២-ការបែងចែកប្រាក់រង្វាន់ជូនមន្រ្តី ត្រូវបានបើកផ្តល់តាមប្រព័ន្ធធនាគារ តាមគោលការសមធម៌ និងផ្អែកលើគុណ សម្បត្តិការងារ។ ការបើកផ្តល់ប្រាក់ រង្វាន់អង្គភាពបានបើកតាមប្រព័ន្ធធនាគារ និងប្រើប្រាស់ពង្រឹងយន្តការ ការងារនិងឧបត្ថម្ភមន្រ្តី្ត ។ ការបើកផ្តល់ បានអនុវត្តតាមនីតិវិធីហិរញ្ញវត្ថុ និងមានឯកសារជាក់លាក់។</span></p>
<p><span style="color: #000000;">៣-ក្នុងរយៈពេលកន្លងមក សម្តេចក្រឡាហោម ស ខេង ឧបនាយករដ្ឋមន្ត្រី និង ជារដ្ឋមន្ត្រីក្រសួងមហាផ្ទៃ បានចេញបញ្ជាដល់អគ្គនាយកដ្ឋានសវនកម្ម ឲ្យធ្វើការត្រួតពិនិត្យជាប្រចាំ ដើម្បីពង្រឹការអនុវត្តឲ្យមានតម្លាភាពនិងប្រសិទ្ធភាព និងលុបបំបាត់ភាពអសកម្ម៕</span></p>
<p><span style="color: #000000;"><img src="https://scontent-hkg3-1.xx.fbcdn.net/v/t1.0-9/13754641_1631357780511920_5119968365446109086_n.jpg?oh=2f51704ac6e16f18ca43b80bda127d86&oe=57ED849F" alt="" width="730" /></span></p>
<p><span style="color: #000000;"><img src="https://scontent-hkg3-1.xx.fbcdn.net/v/t1.0-9/13718622_1631357783845253_3019907979058278594_n.jpg?oh=171e9e2cbadd7fedee21437ce4ee101a&oe=582239B8" alt="" width="730" /></span></p>
<p><span style="color: #000000;"><img src="https://scontent-hkg3-1.xx.fbcdn.net/v/t1.0-9/13699941_1631357777178587_5116524403000191716_n.jpg?oh=6ded990ec28ad450576181fa2256a3c0&oe=58323FA0" alt="" width="730" /></span></p>
<p style="text-align: right;"><br /><span style="color: #000000;">ផ្តល់សិទ្ធិដោយ ៖ ហ្រ្វេសញ៉ូវអាសុី</span></p>
<div></div>
</div>