<p><span style="color: #000000;">បន្ទាប់ពីមួយរយះពេលរំលឹកប្រាប់ឲ្យដឹងមក ទីបំផុតស្មាតហ្វូន BlackBerry ក៏បានប្រកាសជាផ្លូវការថាបិទទ្វារផ្នែកផលិត Hardware ដោយប្រគល់ទៅឲ្យដៃគូសហការរបស់ខ្លួន ធ្វើវិញ។</span></p>
<p><span style="color: #000000;">តាមប្រភពព័ត៌មានពី Independent បានចុះផ្សាយឲ្យដឹងថា BlackBerry នឹងបញ្ឈប់រចនាម៉ូត និងផលិតស្មាតហ្វូនទៀតហើយ ដែលមានន័យថា BlackBerry បញ្ឈប់ការផលិតបណ្តាស្មាតហ្វូន ដែលធ្លាប់ល្បីល្បាញ ទៅលើស្មាតហ្វូនដែលមាន ប៊ូតុងចុចប្រភេទ QWERTY ដោយខ្លួនឯងផ្ទាល់ទៀតហើយ។</span></p>
<p><span style="color: #000000;"><a class="thickbox" title="" href="/FileManager/Commons/2016/9/29/1576582-29-09-2016--14-54-57.jpg"><img src="/FileManager/Articles/mce/2016/9/29/1576582-29-09-2016--14-54-57.jpg" alt="" /></a><br /></span></p>
<p><span style="color: #000000;">ក្រុមហ៊ុននេះ ធ្លាប់ជាក្រុមហ៊ុនផលិតស្មាតហ្វូនធំបំផុត និងសំខាន់បំផុតនៅលើពិភពលោក។ ប៉ុន្តែបច្ចុប្បន្ន BlackBerry នឹងបញ្ឈប់ការងារផលិតស្មាតហ្វូន ដោយខិតខំតែទៅលើការអភិវឌ្ឍន៍ Software ដល់បណ្តាដៃគូរសហការវិញ។</span></p>
<p><span style="color: #000000;">ការពិតទៅ “ការស្លាប់” របស់ BlackBerry ត្រូវបានគេស្មានដឹងមុន ដូចទៅនឹងករណី ស្តេចក្រាញ់ ផ្នែកទូរស័ព្ទមួយទៀតដែរ នោះគឺ Nokia។ ក្រុមហ៊ុនទាំងពីរនេះ បានធ្លាប់ឡើងដល់ចំនុចកំពូលមួយ នៃទីផ្សារទូរស័ព្ទ ប៉ុន្តែក្រោយមកត្រូវបានវ៉ាដាច់វិញ បន្តបន្ទាប់គ្នាពីខាង Samsung និង Apple។</span></p>
<p><span style="color: #000000;">មុននឹងចេញនូវសេចក្តីសម្រេចនេះ BlackBerry ធ្លាប់បានខំប្រឹងប្រែងយ៉ាងខ្លាំង ដោយជ្រើសរើសនូវ ជម្រើសរើសផ្សេងៗ ដូចជាប្តូរមកប្រើប្រព័ន្ធប្រតិបត្តិការ Android របស់ Google បំពាក់ដល់បណ្តាស្មាតហ្វូនរបស់ក្រុមហ៊ុន។ ជាក់ស្តែង លទ្ធផលនៃការផ្លាស់ប្តូរ មិនគ្រប់គ្រាន់ដើម្បីឲ្យ BlackBerry អាចរក្សាបាននូវ ផ្នែក Hardware នេះនោះទេ៕</span></p>
<p><a href="http://www.camnews.com.kh/News/Detail/21247/apple-has-begun-testing-iphone-8"><span style="color: #0000ff;"><em>- Apple បានចាប់ផ្តើមអភិវឌ្ឍ iPhone 8 នៅអ៊ីស្រាអ៊ែល និងអាចបញ្ចេញលក់ នៅឆ្នាំក្រោយតែម្តង?</em></span></a></p>
<p> </p>
<p style="text-align: right;"><em>ប្រែសម្រួល៖ មង្គល</em><br /><em> ប្រភព៖ Independent, vreview</em></p>