<p>ភ្នំពេញ៖ នៅឆមាសទី១ ឆ្នាំ២០១៣ នេះ រាជរដ្ឋាភិបាលកម្ពុជា ប្រមូលពន្ធចូលថវិការដ្ឋបាន ប្រមាណ<br />ជាង ៤៧០ លានដុល្លារ អាមេរិច កើនឡើង ២១ភាគរយ បើធៀបនឹងរយះពេលដូចគ្នា កាលពីឆ្នាំ<br />២០១២ ។</p>
<p>មន្ត្រីអគ្គនាយកដ្ឋានពន្ធដារ មិនអាចសុំការាអត្ថាធិប្បាយ ជុំវិញការប្រមូលពន្ធនេះបានទេ។ លោក<br /> ឱម ចន ប្រធាននាយកដ្ឋានច្បាប់ អគ្គនាយកដ្ឋានពន្ធដារ ដែលកន្លងមកបណ្តាញព័ត៌មាន ធ្លាប់តែ<br />សម្ភាសន៍លោក បានបដិសេធមិនផ្តល់បទសម្ភាសន៍ ដោយអះអាងថា ជាប់រវល់ និងថា ការឆ្លើយ<br />នេះ ព្រោះហួសពីដែនសមត្ថកិច្ចរបស់ខ្លួន។ ចំណែកលោក គង់ វិបុល អគ្គនាយកនៃ អគ្គនាយក<br />ដ្ឋានពន្ធដារ ធ្លាប់បានបដិសេធថា លោកមិនអាចផ្តល់បទសម្ភាសន៍ តាមទូរស័ព្ទបានទេ។</p>
<div>
<p>យ៉ាងណា យោងតាមការចុះផ្សាយ របស់ទីភ្នាក់ងារព័ត៌មានស៊ិនហួ បានឲ្យដឹងថា អគ្គនាយកដ្ឋាន<br />ពន្ធដារ នៃក្រសួងសេដ្ឋកិច្ច និងហិរញ្ញវត្ថុ កាលពីថ្ងៃទី៩ ខែកក្កដា ឆ្នាំ២០១៣ បានបើកកិច្ចបូកសរុប<br />លទ្ធផលការងារ ក្នុងរយៈពេល៦ខែ ដើមឆ្នាំ២០១៣ ក្រោមអធិបតីភាព លោកឧបនាយករដ្ឋមន្ត្រី <br />គាត ឈន់ រដ្ឋមន្ត្រីក្រសួងសេដ្ឋកិច្ច និងហិរញ្ញវត្ថុ ។ លោក គាត ឈន់ បានសម្តែងនូវក្តីសាទរ<br /> ចំពោះលទ្ធផលនៃការប្រមូលពន្ធ របស់អគ្គនាយកដ្ឋានពន្ធដារ និង ស្នើដល់ថ្នាក់ដឹកនាំ និងមន្រ្តី<br />ពន្ធដារគ្រប់លំដាប់ថ្នាក់ ឲ្យខិតខំប្រមែប្រមូលចំណូល ពន្ធដារ ជាបន្តទៀត។</p>
<p>រយៈពេល៦ខែដើមឆ្នាំ២០១៣ ពោលគឺចាប់ពីខែមករា ដល់ ខែមិថុនា អគ្គនាយដ្ឋានពន្ធដារ ដែល<br />ដឹកនាំ ដោយលោក គង់ វិបុល អាចប្រមូលពន្ធ ថវិកាជាតិចំនួន ១.៨៨០.៩០៩ លានរៀល គិតជា<br />ដុល្លារប្រមាណ ៤៧០.៣ លានដុល្លារ កើនឡើង២១,២% បើប្រៀបធៀបនឹង រយៈពេលដូចគ្នាក្នុង<br />ឆ្នាំ ២០១២។ ប្រភេទពន្ធសំខាន់ៗ ដែលជំរុញឲ្យការប្រមូលពន្ធ មានការកើនឡើងមានដូចជា ពន្ធ<br />លើប្រាក់បៀវត្ស, ពន្ធលើប្រាក់ចំណេញ, អាករលើតម្លៃបន្ថែម និង អាករពិសេស។</p>
<p>គួរបញ្ជាក់ថា កាលពីឆ្នាំ២០១២ កម្ពុជា អាចប្រមូលពន្ធបានប្រមាណជា ៧៤០លានដុល្លារអាមេរិច<br /> កើនឡើង២៥ភាគរយ បើធៀបនឹងឆ្នាំ២០១១៕</p>
</div>
<p> </p>
<p style="text-align: center;"><img src="http://image.lookingtoday.com:81/lookingtoday/looking-images/news/2013/July/id-099/v_0290.jpg" alt="" width="500" /></p>
<p><span style="font-size: 15px; line-height: 1.8;"><br /></span></p>
<p style="text-align: right;">ដោយ៖ ដើមអំពិល<br />ផ្តល់សិទ្ធិដោយ៖ ដើមអំពិល</p>