<p><span style="color: #000000;">ព័ត៌មានកីឡា៖ លោក ប៉ាក់គីអៅ នឹងធ្វើដំណើរទៅកាន់ប្រទេស ជប៉ុននៅខែក្រោយ ដើម្បីចូលរួមចំណែកក្នុងការជួយដេញថ្លៃគ្នារវាងប្រទេសហ្វីលីពីន នឹងប្រទេសចិន ដណ្ដើមយកទីផ្សារធ្វើជាម្ចាស់ផ្ទះ នៃព្រឹត្ដិការណ៍ បាល់បោះ World Cup ពិភពលោក នៅឆ្នាំ ២០១៩ ខាងមុខ។ </span></p>
<p><span style="color: #000000;">ប្រធានសហព័ន្ធកីឡាបាល់បោះ ប្រចាំនៅប្រទេសហ្វីលីពីន ឈ្មោះ Manuel V. Pangilinan បានថ្លែងកាលពីថ្ងៃសុក្រថា ប៉ាក់គីអៅ នឹងក្លាយជាមន្រ្ដីមួយរូបក្នុងចំណោម មន្ដ្រីក្នុងសហព័ន្ធទាំងអស់ ហើយក៏ជា ប្រធានផ្នែកជំនួញផងដែរ ដែលនឹងត្រូវចូលខ្លួនធ្វើការដេញថ្លៃ បញ្ចុះបញ្ចូល សហព័ន្ធកីឡាបាល់បោះអន្ដរជាតិ ពិភព លោក (FIBA) ដើម្បីឲ្យមកប្រារព្ធធ្វើព្រឹត្ដិការណ FIBA World Cup 2019 នៅប្រទេស ហ្វីលីពីន វិញ។ លោក ប៉ាក់គីអៅ មិនត្រឹមតែ ជាកីឡាករប្រដាល់ដែលល្បី និង ជាមន្ដី្រក្នុងជួររដ្ឋាភិបាលតែប៉ុណ្ណោះទេ គាត់ក៏ជា អ្នកគាំទ្រវិស័យកីឡាករបាល់បោះ ថែមទៀតផង ដែលឆន្ទៈ និងមនសិការរបស់គាត់ ពិតជាស្រលាញ់ នឹង ពេញចិត្ដកីឡានេះ ណាស់ ។ បាល់បោះ ( basketball) គឺជាកីឡាដែលមានសារៈសំខាន់ និងជានិមិត្ដសញ្ញាឲ្យប្រទេស ហ្វីលីពីផងដែរ ។ </span></p>
<p><span style="color: #000000;">ទន្ទឹមគ្នានោះផងដែរ លោក Sonny Barrios ដែលជានាយកប្រតិបត្ដិ សហព័ន្ធកីឡាបាល់បោះ ប្រចាំនៅហ្វីលីពីន ក៏បានថ្លែងដែរថា ប្រទេសហ្វីលីពីន បច្ចុប្បន្នមាន ទីតាំងកីឡាដ្ឋានបាល់បោះ ធំៗ ៤ ដែលបានស្ថាបនា អភិវឌ្ឈជាប្រចាំឆ្នាំ ហើយសមាសភាពនៃការចូលទស្សនា អាចផ្ទុកបាន ដល់ទៅ ៥២០០០ នាក់ ក្នុងកន្លែង នៅក្នុងទីក្រុងម៉ានីល។ ហ្វីលីពីនកន្លងមកក៏ធ្លាប់ជាម្ចាស់ផ្ទះ ប្ររព្ធប្រតិការណ៍មួយនេះផងដែរ កាលពី ១៩៧៨ ។ </span></p>
<p><span style="color: #000000;"><a class="thickbox" title="" href="/FileManager/Commons/2015/7/27/7-27-2015-3-39-32-pm-27-07-2015--15-45-35.png"><span style="color: #000000;"><img src="/FileManager/Articles/mce/2015/7/27/7-27-2015-3-39-32-pm-27-07-2015--15-45-35.png" alt="" /></span></a><br /></span></p>
<p style="text-align: right;"><span style="color: #000000;">ដោយ៖ អឿ អ៊ុយ</span></p>
<p style="text-align: right;"><span style="color: #000000;">ប្រភព៖ ctvnews</span></p>