<p><span style="color: #000000;"><strong>(ភ្នំពេញ)៖</strong> នៅទីបំផុតមានតារាចម្រៀងស្រី របស់ផលិតកម្មហង្សមាសម្នាក់ទៀតហើយ គឺអ្នកនាង យក់ ថិតរដ្ឋា បានប្រកាសលាឈប់ ពីផលិតកម្មហង្សមាស បន្ទាប់ពីតារាស្រី កញ្ញា ឈិត សុវណ្ណបញ្ញា ទើបតែសម្រេចចិត្តលាឈប់ ពីផលិតកម្មដ៏ល្បីមួយនេះ បានប្រហែលមួយសប្តាហ៍ប៉ុណ្ណោះ។</span></p>
<p><span style="color: #000000;">ផ្អែកតាមការបង្ហោះជាសាធារណៈ នៅលើបណ្តាញសង្គមហ្វេសប៊ុក របស់លោក ឃុំ ប៉ុណ្ណាដែត ដែលជាស្វាមីអ្នកនាង យក់ ថិតរដ្ឋា បានសរសេរថា<strong> «អារម្មណ៍មួយដ៏សែនពិបាក។ អរគុណចំពោះក្រុមការងារ ដូចជា លោកគ្រូភ្លេង អ្នកនិពន្ធ ទំនុកច្រៀង អ្នកដឹកនាំសម្តែងក្រុមបច្ចេកទេស និង ថ្នាក់ដឹកនាំទាំងអស់ របស់ផលិតកម្មហង្សមាស ដែលបានយកចិត្តជួយជ្រោមជ្រែង ដល់ភរិយាខ្ញុំបាទ(អ្នកនាង យក់ ថិតរដ្ឋា) ក្នុងរយៈពេលជិត៥ឆ្នាំ ភរិយាខ្ញុំ ពិតជាបានទទួលនូវបទពិសោធន៍ល្អៗ និងអនុស្សាវរីយ៍ល្អៗជាច្រើន ដែលមិនអាចបំភ្លេចបាន !»</strong>។</span></p>
<p><span style="color: #000000;">លោក ឃុំ ប៉ុណ្ណាដែត បានលើកឡើងទៀតថា <strong>«ការស្នើសុំលាឈប់នេះ គឺដោយសារមានធុរៈផ្ទាល់ខ្លួន ដើម្បីបំពេញហើយការចាកចេញមួយនេះ យើងខ្ញុំសង្ឃឹមថា រវាងយើងខ្ញុំ និងក្រុមការងារទាំងអស់ ជាពិសេសគឺថ្នាក់ដឹកនាំសំខាន់ៗ គឺពួកយើងនៅតែរាប់អាន និងជួយយកអាសារគ្នា ក្នុងនាមជាខ្មែរដូចគ្នា ក៏សង្ឃឹមថា ថ្ងៃណាមួយយើងនឹងអាចរួមការងារ ជាមួយគ្នាបន្តទៀត ទោះជាក្នុងរូបភាពណាក៏ដោយ!»</strong>។</span></p>
<p><span style="color: #000000;">តារាចម្រៀងលោក ឃុំ ប៉ុណ្ណាដែត បានបន្ថែមទៀតថា <strong>«មួយវិញទៀត ក្នុងនាមខ្ញុំជាស្វាមី អ្នកនាង យក់ ថិតរដ្ឋា សូមមេត្តាអភ័យទោស រាល់ពាក្យពេចន៍ទាំងឡាយ បើមានការលើសលោះ ដោយប្រការណាមួយ ។ ជាចុងក្រោយសូមជូនពរ ដល់បងប្អូនទាំងអស់ និង ក្រុមហ៊ុន ហង្សមាស មានសុខភាពល្អ អរគុណ។ ឃុំ ប៉ុណ្ណាដែត !»</strong>។</span></p>
<p><span style="color: #000000;">សូមបញ្ជាក់ថា ការចាកចេញរបស់ តារាចម្រៀង យក់ ឋិតរដ្ឋា តើមានមូលហេតុសំខាន់ គឺធុរៈការងារផ្ទាល់ខ្លួន ដូចអ្វីដែលស្វាមីរបស់នាង បានអះអាងឬមួយមានមូលហេតុផ្សេង ខណៈដែលថ្មីៗនេះ តារាចម្រៀង មានវប្រវត្តិតស៊ូយ៉ាងស្វិតស្វាញ ជាមួយនឹងផលិតកម្ម ហង្សមាន រយៈពេលជាង១០ឆ្នាំ គឺ កញ្ញា ឈិត សុវណ្ណបញ្ញា បានចាកចេញទាំងអារម្មណ៍មួរហ្មង ជាមួយនឹងផលិតកម្ម ដោយបានបន្សល់ទុកនូវពាក្យរិះគន់ជាច្រើន។</span></p>
<p><span style="color: #000000;">មួយវិញទៀត លោក ម៉ៅ ហាជី ដែលកំពុងតែមានរឿងក្ដីក្ដាំ ជាមួយនឹងផលិតកម្ម ហង្សមាស ក៏ដូចជាទូរទស្សន៍ហង្សមាស ក៏បានចេញបទចម្រៀងថ្មី នៅក្នុងផលិតកម្ម ថោន យ៉ាងបើកចំហរ មិនខ្លាចស្រមោលអតីតកាលរបស់ខ្លួនឡើយ។ ដូច្នេះគេពុំដឹងថា តើទ្រនំហង្សមាស ដែលធ្លាប់តែត្រជាក់ត្រជុំ សម្រាប់តារាចម្រៀងទាំងអស់នោះ មានរឿងអ្វីកើតឡើងនោះទេ បានជាមានអ្នកដើរចេញ ជាបន្តបន្ទាប់បែបនេះ៕</span></p>
<p><span style="color: #000000;"><img src="http://image.freshnewsasia.com/2017/113/fn-2017-02-07-14-15-57-0.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2017/113/fn-2017-02-07-14-15-58-1.jpg" alt="" width="730" /></span></p>
<p><span style="color: #000000;"><img class="spotlight" src="https://fb-s-d-a.akamaihd.net/h-ak-xpf1/v/t1.0-9/15826185_1146842005435836_4187605079037014479_n.jpg?oh=f79fd9bd0bc4756ffe15f8c4a769ca86&oe=5946D5E7&__gda__=1497296079_54498a59e64f44126295775d1de4f445" alt="Image may contain: 1 person, closeup and indoor" /></span></p>
<p><span style="color: #000000;"><img class="spotlight" src="https://fb-s-d-a.akamaihd.net/h-ak-xpt1/v/t1.0-9/15822976_1142851479168222_3552767874658345999_n.jpg?oh=010a903767954d50b568deccdb1a3c8d&oe=590BB5D1&__gda__=1493229894_743d2b367affc98241ee426d35ca2e33" alt="Image may contain: 2 people, closeup" /></span></p>
<p><span style="color: #000000;"><img src="http://image.freshnewsasia.com/2017/113/fn-2017-02-07-14-15-58-2.jpg" alt="" width="730" /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ខ្មែរថកឃីង</span></p>