<p>កូរ៉េខាងជើង និងកូរ៉េខាងត្បូង តាំងពីយូរណាស់មកហើយ តែងតែជារឿងរ៉ាវដែលប្រកបដោយភាពផ្ទុយគ្នាស្រឡះ ហើយប្រការនេះ កាន់តែត្រូវបានគេយល់ច្បាស់ នៅពេលមើលទៅលើរូប<br />ភាពដែលថតពីស្ថានិយអវកាសអន្ដរជាតិ (ISS) កាលពីពេលថ្មីៗនេះ។</p>
<p style="text-align: center;"><a class="thickbox" title="" href="/FileManager/Commons/2014/2/27/korea-27-02-2014--13-37-27.jpg"><img src="/FileManager/Articles/mce/2014/2/27/korea-27-02-2014--13-37-27.jpg" alt="" /></a></p>
<p><br />ក្នុងពេលហោះកាត់តំបន់អាស៊ីខាងកើត ក្រុមអវកាសចរ នៃស្ថានិយអវកាសអន្ដរជាតិ (ISS) បានថតយកទិដ្ឋភាពនៃប្រទេសកូរ៉េខាងជើង និងកូរ៉េខាងត្បូង នៅពេលយប់។ រូបថតមួយសន្លឹកនេះ <br />បានបង្ហាញថា នៅក្នុងទឹកដីកូរ៉េខាងត្បូង គឺពេញដោយពន្លឺអំពូលភ្លើង ចំណែកកូរ៉េខាងជើង សុទ្ធសឹងតែមានពណ៌ខ្មៅ រកមើលអ្វីមិនយល់។<br /><br />អធិប្បាយអំពីរូបថតនេះ ទីភ្នាក់ងារអវកាសអាមេរិក NASA បានសរសេរថា ៖ “តំបន់ដីដែលមាន<br />ភាពងងឹត មើលទៅដូចទៅនឹងសមុទ្រដែលតភ្ជាប់សមុទ្រលឿង ជាមួយសមុទ្រជប៉ុន។ រដ្ឋធានី<br />ព្យុងយ៉ាង មានសភាពដូចជាកូនកោះមួយ បើទោះជាមានប្រជាជន ៣,២៦លាននាក់”។<br /><br />យោងតាមធនាគារពិភពលោក (World Bank) កូរ៉េខាងជើង ប្រើប្រាស់អាគ្គីសនីជាមធ្យម ត្រឹមតែ<br /> ប្រហែល ៧៣៩គីឡូវ៉ាត សម្រាប់មនុស្សម្នាក់ ក្នុងឆ្នាំ ២០១១ ខណៈដែលកូរ៉េខាងត្បូង ប្រើប្រាស់ ១០,១៦២គីឡូវ៉ាត សម្រាប់មនុស្សម្នាក់ដូចគ្នា។<br /><br />រូបថតថ្មីៗនេះបំផុត ត្រូវបានថតកាលពីខែមុន ហើយត្រូវបាន NASA បញ្ចេញជាសាធារណៈ <br />កាលពីថ្ងៃទី ២៤កុម្ភៈ បានបញ្ជាក់ថា កូរ៉េខាងជើង ហាក់មិនបានផ្លាស់ប្ដូរអ្វីទាំងអស់ ក្នុងអំឡុង<br />ពេល ១០ឆ្នាំមកនេះ។<br /><br />កាលពីឆ្នាំ ២០០២ រដ្ឋមន្ដ្រីការពារជាតិអាមេរិក កាលណោះគឺលោក Donald Rumsfeld បានបញ្ចេញរូបថតមួយសន្លឹក ដែលថតបានពីផ្កាយរណប ក៏បានបង្ហាញអំពីប្រការប្រហែលគ្នានេះ <br />នៅកូរ៉េខាងជើង នាពេលយប់ នោះគឺ ប្រទេសនេះ ស្ថិតក្នុងភាពងងឹតទាំងស្រុង រៀងរាល់យប់៕</p>
<p><object width="490" height="420" data="http://www.youtube.com/v/hTbUrkmLvA0&rel=1" type="application/x-shockwave-flash"><param name="wmode" value="transparent" /><param name="src" value="http://www.youtube.com/v/hTbUrkmLvA0&rel=1" /></object></p>
<p><br />ប្រែសម្រួលដោយ ៖ តារា<br />ប្រភព ៖ Nasa/Youtube<br /><br /><br /><br /></p>