<p>អ្នកណាមួយដែលថា មិនចង់ធ្វើជា “មេ” ប៉ុន្ដែការធ្វើជាអ្នកដឹកនាំគេ គឺត្រូវមានជំនាញ និងវិជ្ជជីវៈ<br />គ្រប់គ្រាន់។ ខាងក្រោមនេះ គឺប្រការទាំង ៧ ស្ដីអំពីសមត្ថភាពផ្ទាល់ខ្លួន ដើម្បីអាចក្លាយជាប្រធាន<br /> ឬអ្នកដឹកនាំល្អ។</p>
<p style="text-align: center;"> <a class="thickbox" title="" href="/FileManager/Commons/2014/1/6/boss-06-01-2014--22-24-50.jpg"><img src="/FileManager/Articles/mce/2014/1/6/boss-06-01-2014--22-24-50.jpg" alt="" /></a></p>
<p><br /><strong>មិនខ្លាចនឹងទទួលខុសត្រូវ</strong></p>
<p>មនុស្សមួយចំនួន នៅពេលមានកំហុសអ្វីមួយ គឺតែងតែរកវិធីគេចវាង ប្រកែក ឬទម្លាក់កំហុសទៅ<br />ឱ្យអ្នកផ្សេង។ សម្រាប់អ្នកដែលចង់ធ្វើជា “មេ” គឺគួរតែប្រព្រឹត្តផ្ទុយពីនេះ ៖ ត្រូវទទួលខុសត្រូវទាំង<br />ស្រុង ប្រសិនខ្លួនពិតជាអ្នកធ្វើឱ្យមានកំហុស។ ក្រោយមក ចូរយកកំហុសនោះធ្វើជាបទពិសោធ<br /> ឬមេរៀន ដោយមិនត្រូវឱ្យកើតមានសាជាថ្មី។ ភាពជាមនុស្សមានវិជ្ជាជីវៈ មិនមែនមានន័យថា មិន<br />ដែលមានកំហុសនោះទេ ប៉ុន្ដែវា ជាការហ៊ានទទួលកំហុស។<br /><br /><strong>ពិចារណាឱ្យបានល្អិតល្អន់</strong></p>
<p>មនុស្សដែលប្រកបដោយវិជ្ជាជីវៈពិតប្រាកដ តែងមាននិន្នាការ ពិនិត្យយ៉ាងល្អិតល្អន់ ចំពោះសកម្ម<br />ភាពទាំងឡាយរបស់ពួកគេ ព្រមទាំងឥទ្ធិពលនៃសកម្មភាពនោះ ទៅលើអ្នកនៅជុំវិញ។ សកម្មភាព<br />តូចតាចមួយ ដូចជា ការផ្ញើអ៊ីមេល ទៅឱ្យបណ្ដាបុគ្គលិករួមក្រុម ដើម្បីរាយការណ៍អំពីដំណើរការ<br />នៃការងារកំពុងធ្វើ ជាដើម គឺវាមានឥទ្ធិពលដល់គម្រោងទាំងមូលរបស់ក្រុមការងារ។<br /><br /><strong>ចូរដាក់ខ្លួនបន្ដិច</strong></p>
<p>អ្នកគួរតែដាក់ខ្លួនបន្ដិច ពេលដែលអាចធ្វើទៅបាន បើទោះអ្នកគឺជាប្រធាន។ ដើម្បីឱ្យគម្រោង<br />របស់អ្នក ទទួលបានលទ្ធផលល្អបំផុត អ្នកចាំបាច់ត្រូវតែទទួលជំនួយ និងការមូលមតិគ្នាក្នុងក្រុម។<br /> ពុំមានបុគ្គលិកណាម្នាក់ ចង់បូជាកម្លាំងកាយ ចិត្ត ទាំងស្រុងរបស់ខ្លួន ជាមួយនាយកដែលដឹងតែ<br />ពីខ្លួនឯងនោះទេ។ ប្រសិនអួតអាងហួសហេតុ ក្រុមរបស់អ្នកពិបាកនឹងសម្រេចបានគោលដៅការ<br />ងារ ហើយអាជីពរបស់អ្នក ក៏ពិបាកនឹងមានស្ថេរភាពយូរអង្វែង។<br /><br /><strong>គ្រប់គ្រងបណ្ដាញព័ត៌មាន</strong></p>
<p>អ្នកត្រូវតែចៀសវាងនូវការបញ្ចេញសម្ដីអំពីប្រការដែលអាចធ្វើឱ្យអ្នកដទៃ (ពិសេសគឺអតិថិជន ឬ<br />ដៃគូជំនួញ) យល់ថា ជាការមើលងាយ មើលថោក ឬការមិនគោរពគ្នាទៅវិញ ទៅមក។ ការពិតគឺ<br /> អ្នកដឹកនាំភាគច្រើន មិនបានមើលឃើញអំពីអំណាចរបស់បណ្ដាញព័ត៌មាន។ ឧទាហរណ៍ បន្ទាប់<br />ពីទទួលបានសំណួរ មតិ ឬបញ្ហាពីអតិថិជន ប្រសិនអ្នកដោះស្រាយបានដោយត្រឹមត្រូវ នោះក្រុម<br />ហ៊ុននឹងរក្សាបាននូវកិតិ្ដយសរបស់ខ្លួន ផ្ទុយទៅវិញ ប្រសិនអ្នក ធ្វើឱ្យអតិថិជនខឹងសម្បា នោះក្រុម<br />ហ៊ុន ក៏នឹងបាត់បង់អតិថិជន ជាបន្ដបន្ទាប់ ដោយសារថា បញ្ហានឹងត្រូវបានពួកគេបង្ហោះតគ្នា តាម<br />បណ្ដាញសង្គម បណ្ដាញព័ត៌មាន។ល។<br /><br /><strong>មានរបៀប សមហេតុផល</strong></p>
<p>អាវធំ និងក្រវាត់ក ប្រភេទថ្លៃ មិនមែនសុទ្ធតែបញ្ជាក់អំពីវិជ្ជាជីវៈនោះទេ ដូច្នេះអ្នកអាចជ្រើសរើស<br />សម្លៀកបំពាក់ តាមដែលអ្នកចូលចិត្ត ប៉ុន្ដែ អ្នកក៏មិនត្រូវស្លៀកពាក់រយីករយោកនោះដែរ។ ចូរប្រើ<br />ប្រាស់ សម្លៀកបំពាក់ដែលសមស្រមនឹងប្រភេទការងារ និងបរិស្ថានការងារ ប្រការនេះបង្ហាញអំពី<br />ការគោរពរបស់អ្នក ចំពោះការងារ និងមនុស្សនៅជុំវិញ។<br /> <br /><strong>ប្រព្រឹត្តល្អ</strong></p>
<p>នៅពេលអ្នកព្យាយាម និងគោរពអ្នកដទៃ សូម្បីតែនៅពេលអ្នកមិនពេញចិត្ត អ្នកនឹងមានក្រុមការ<br />ងារមួយ ដែលមានកម្លាំងខ្លាំង។ សូមចងចាំថា ជីវិតគឺជាផ្ទាំងកញ្ចក់ ព្រោះថា នៅពេលអ្នកប្រព្រឹត្ដ<br />បែបណាចំពោះអ្នកដទៃ ពួកគេក៏នឹងប្រព្រឹត្តបែបនោះ ចំពោះអ្នក។<br /><br /><strong>គោលជំហរ និងការគ្រប់គ្រងអារម្មណ៍</strong></p>
<p>ចូររក្សាគោលជំហររបស់អ្នក មិនត្រឹមចំពោះតែនៅក្នុងការសម្រេចចិត្តរបស់ក្រុមហ៊ុននោះទេ តែរួមទាំងការប្រព្រឹត្តចំពោះបុគ្គលិកផងដែរ។ នៅពេលគម្រោងជួបការលំបាក អ្នកត្រូវប្រជុំជាមួយបុគ្គលិក<br /> ដើម្បីរកដំណោះស្រាយរួមគ្នា គឺមិនត្រូវស្ដីបន្ទោស ឬស្រែកដាក់អ្នកនេះ អ្នកនោះ ព្រោះវានឹងកាន់តែធ្វើឱ្យបុគ្គលិកត្រូវសុញគំនិតថែមទៀត។ ចូរគ្រប់គ្រងអារម្មណ៍ឱ្យបានល្អ។</p>
<p> </p>
<p><strong>អត្ថបទសំខាន់ៗគួរចាប់អារម្មណ៍ ៖ </strong></p>
<p><span style="color: #3366ff;"><a href="/Contents/Edit/បុគ្គលិកប្រើឯកសណ្ឋានដូច%20អ្នកបម្រើតាមផ្ទះ%20និងសិស្ស%20ដើម្បីទទួលភ្ញៀវ%20ទទួលបានចំណាប់អារម្មណ៍ច្រើន"><span style="color: #3366ff;">បុគ្គលិកប្រើឯកសណ្ឋានដូច អ្នកបម្រើតាមផ្ទះ និងសិស្ស ដើម្បីទទួលភ្ញៀវ ទទួលបានចំណាប់អារម្មណ៍ច្រើន</span></a></span></p>
<p><span style="color: #3366ff;"><a href="/Contents/Edit/%20http:/camnews.com.kh/News/Detail/71530/salary-of-twitter-trainee-close-to--7000"><span style="color: #3366ff;">Twitter ផ្ដល់ប្រាក់ខែជិត ៧ពាន់ដុល្លារ សម្រាប់បុគ្គលិក មិនទាន់ពេញសិទ្ធិ ម្នាក់ៗ</span></a></span></p>
<p><span style="color: #3366ff;"><a href="/Contents/Edit/%20http:/camnews.com.kh/News/Detail/74153/suggestions-starting-a-business-with--100"><span style="color: #3366ff;">១០០ដុល្លារ អាចបង្កើតមុខរបរ បានដោយគ្រប់គ្រាន់</span></a></span></p>
<p style="text-align: right;">ប្រែសម្រួលដោយ ៖ តារា<br />ប្រភព ៖ cafebiz<br /><br /></p>