<p><span style="font-size: 12px; color: #000000;">លោកប្រធានាធិបតី ដូណាល់ត្រាំ បាននិយាយកាលពីថ្ងៃអង្គារថា វាមិនមែនជារឿងប្រញាប់ប្រញាល់អ្វីនោះទេ ក្នុងការបញ្ចប់កម្មវិធីអាវុធនុយក្លេអ៊ែររបស់កូរ៉េខាងជើង ក្រោមកិច្ចព្រមព្រៀងមួយរវាងលោក ជាមួយនឹងលោក គីម ជុងអ៊ុន ដែលនេះជាសម្ដីក្រឡាស់ផ្លាស់ពីពេលមុន ដែលលោកធ្លាប់បាននិយាយថា ដំណើរការនៃកិច្ចព្រមព្រៀងដើម្បីបញ្ចប់កម្មវិធីអាវុធនេះ នឹងផ្ដើមមានឡើងក្នុងពេលឆាប់ៗ។ </span></p>
<p><span style="color: #000000;">លោកត្រាំ បានប្រាប់ អ្នកកាសែតថា៖” កិច្ចពិភាក្សានានា កំពុងតែដំណើរការ ហើយកិច្ចពិភាក្សាសំខាន់ៗទាំងនោះ ប្រព្រឹត្ដទៅរលូនល្អណាស់។ យើងមិនមានកាលវេលាកំណត់នោះទេ ហើយយើងក៏មិនមានការដាក់កំហត់ឱ្យត្រូវតែពន្លឿនដែរ”។</span></p>
<p><span style="color: #000000;"><a class="thickbox" title="" href="/FileManager/Commons/2018/7/18/37-18-07-2018--10-14-16.PNG"><img src="/FileManager/Articles/mce/2018/7/18/37-18-07-2018--10-14-16.PNG" alt="" /></a><br /></span></p>
<p><span style="color: #000000;">លោកត្រាំ បានបន្ថែមថា លោកបានពិភាក្សាអំពីបញ្ហាកូរ៉េខាងជើង ជាមួយនឹងប្រធានាធិបតីរូស្ស៊ីលោក Vladimir Putin កាលពីថ្ងៃចន្ទ នៅឯកិច្ចប្រជុំរបស់ពួកគាត់ នាទីក្រុង Helsinki។</span></p>
<p><span style="color: #000000;">លោកត្រាំ និយាយថា៖ “ប្រធានាធិបតីលោក Putin នឹងត្រូវបានអញ្ជើញឱ្យទទួលដឹងលឺចំពោះរឿងនេះ ក្នុងចេតនាមួយដើម្បីឱ្យដឹងថា លោកគាំទ្រយើងជានិច្ច”។</span></p>
<p><span style="color: #000000;">ប្រធានាធិបតីមកពីគណបក្សសាធារណរដ្ឋរូបនេះ បានជួបជានឹងលោក គីម កាលពីថ្ងៃទី ១២ ខែមិថុនា ដើម្បីចូលរួមកិច្ចប្រជុំកំពូលមួយ ដែលមិនធ្លាប់មានពីមុនមក នៅប្រទេសសិង្ហបុរី ជាអំឡុងពេល ដែលមេដឹកនាំកូរ៉េខាងជើង បានថ្លែងសន្យាម្ដងហើយម្ដងទៀតថា លោកនឹងបញ្ចប់កម្មវិធីអាវុធនុយក្លេអ៊ែរពីប្រទេសរបស់លោក។</span></p>
<p><span style="color: #000000;">ក៏ប៉ុន្ដែការយល់ព្រមនោះ ពុំបានបង្ហើបឱ្យដឹងពីពេលវេលាជាក់លាក់ សម្រាប់ដំណើរការបញ្ចប់កម្មវិធីអាវុធ ឬថ្លែងឱ្យដឹងពីវិធី ដែលខ្លួននឹងត្រូវអនុវត្ដឡើយ។ អ្នកជំនាញខាងការទូត ត្រូវបានគេរំពឹងថា នឹងជួយសម្របសម្រួលដើម្បីឱ្យដឹងពីសេចក្ដីលម្អិត។</span></p>
<p><span style="color: #000000;">រយៈពេលជាងមួយខែចុងក្រោយនេះ ពុំមានដំណើរការណាមួយជាក់លាក់ ត្រូវបានរាយការណ៍ឱ្យដឹងនោះទេ ហើយកូរ៉េខាងជើងទៀតសោត បានរិះគន់អាមេរិកថា កំពុងតែបង្កើតតម្រូវការឯកតោភាគី។</span></p>
<p><span style="color: #000000;">មុនកិច្ចប្រជុំកំពូល នៅសិង្ហបុរី រដ្ឋការរបស់លោកត្រាំ បាននិយាយថា ការបញ្ចប់កម្មវិធីអាវុធនុយក្លេអ៊ែរ នឹងចាប់ផ្ដើម ដោយមិនពន្យារពេល ហើយក្រោយពេលកិច្ចប្រជុំចប់ រដ្ឋការនេះ បាននិយាយថា ដំណើរការនេះ នឹងត្រូវចាប់ផ្ដើមក្នុងពេលឆាប់បំផុត។</span></p>
<p><span style="color: #000000;">រយៈពេលមួយថ្ងៃក្រោយកិច្ចប្រជុំ រដ្ឋមន្រ្ដីក្រសួងការបរទេសអាមេរិកលោក Mike Pompeo បាននិយាយថា កិច្ចព្រមព្រៀងបញ្ចប់កម្មវិធីអាវុធនុយក្លេអ៊ែររបស់កូរ៉េខាងជើង នឹងសម្រេចជាស្ថាពរនៅចុងអាណត្ដិរបស់លោកត្រាំ ក្នុងឆ្នាំ ២០២០ ៕</span></p>
<p><span style="color: #000000;"><a class="header_tab_container" href="http://mekongnet.com.kh/pages/SpecialOfferCamnews.aspx" target="_blank"><img src="/FileManager/Articles/mce/2018/7/18/mekongnet-18-07-2018--10-14-25.PNG" alt="" /></a></span></p>
<p style="text-align: right;"><span style="color: #000000;"><a class="thickbox" title="" href="/FileManager/Commons/2018/7/18/mekongnet-18-07-2018--10-14-25.PNG"></a></span><span style="color: #000000; font-size: 12px; text-align: right;">ប្រែសម្រួល៖ សារ៉ាត</span></p>
<p style="text-align: right;"><span style="color: #000000;">ប្រភព៖ msn</span></p>