<p>ក្រុមហ៊ុន Google ចេញមុខមកការពារ និងបានសន្យាថា នឹងជួយចេញសង ទៅលើការខាតបង់<br />មួយចំណែកឬទាំងស្រុង ដល់ Samsung នៅក្នុងករណីប្ដឹងគ្នាទៅតុលាការ រវាងក្រុមហ៊ុន Apple <br /> និង Samsung ដែលមានតម្លៃ ២ពាន់លានដុល្លារអាមេរិក។<br /><br />ដូចដែលយើងបានដឹងខ្លះមកហើយ រឿងក្ដីដែល Apple ប្ដឹង Samsung និងទាមទារសំណងខូច<br />ខាត ដែលកើតឡើងដោយសារការបំពានកម្មសិទ្ធិបញ្ញា ដោយទឹកប្រាក់ (ដែល Apple បាន<br />ប្រមាណ) គឺច្រើនជាង ២ពាន់លានដុល្លារអាមេរិក កំពុងតែមានភាពក្ដៅគគុក។ នៅក្នុងការធ្វើជា<br />សាក្សីរបស់ Google មេធាវី James Maccoun ឱ្យដឹងថា ក្រុមហ៊ុន Google យល់ព្រមជួយបង់ថ្លៃ<br />សំណងមួយភាគឬក៏ទាំងស្រុង ទៅលើការខូចខាតណាមួយរបស់ Samsung ក្នុងការប្ដឹងផ្ដល់នេះ។</p>
<p style="text-align: center;"><a class="thickbox" title="" href="/FileManager/Commons/2014/4/24/court-24-04-2014--06-19-15.jpg"><img src="/FileManager/Articles/mce/2014/4/24/court-24-04-2014--06-19-15.jpg" alt="" /></a></p>
<p style="text-align: center;">Apple និង Samsung កំពុងឡើងតុលាការ នៅ San Jose, California</p>
<p><br />ភាគីខាង Samsung អះអាងថា ផលិតផលរបស់ក្រុមហ៊ុនខ្លួន មិនបានបំពានលើកម្មសិទ្ធិបញ្ញា<br />ណាមួយ របស់ Apple ហើយជោគជ័យរបស់ក្រុមហ៊ុន នៅអាមេរិក គឺកើតឡើងដោយសារយុទ្ធ<br />សាស្ដ្រទីផ្សារដ៏ខ្លាំងក្លា។ ជាងនេះ ក្រុមហ៊ុនកូរ៉េខាងត្បូងមួយនេះ យល់ថា តម្លៃ ២ពាន់លាន<br />ដុល្លារ គឺជាចំនួនទឹកប្រាក់ច្រើនជាង ធៀបនឹងការខាតបង់ (ប្រសិនមាន) របស់ Apple ។<br /><br />បើទោះ Apple បានប្ដឹងប្រឆាំងនឹង Samsung តែមួយ ប៉ុន្ដែ តួនាទីរបស់ Google គឺមានសារ<br />សំខាន់។ កម្មសិទ្ធិបញ្ញាជាច្រើន ដែល Apple លើកឡើងមកប្ដឹង Samsung គឺមានទាក់ទិននឹង<br />មុខងារសបវ៉ែរ នៅលើប្រព័ន្ធប្រតិបត្តិ Android របស់ Google ហើយនេះអាចជាមូលហេតុដែល<br /> Google យល់ព្រមការពារ និងជួយចេញថ្លៃសំណងជំនួស Samsung ប្រសិនក្រុមហ៊ុនកូរ៉េខាង<br />ត្បូង ចាញ់ក្ដី។<br /><br />បច្ចុប្បន្ន ច្បាប់ស្ដីពីកម្មសិទ្ធិបញ្ញា គឺអនុញ្ញាតឱ្យប្ដឹងទៅលើតែផលិតផលចុងក្រោយ ដែលរំលោភ<br />កម្មសិទ្ធិបញ្ញា។ ដូច្នេះ Samsung កំពុងតែត្រូវបាន Apple យកចិត្តទុកដាក់ ដោយសារតែ ក្រុមហ៊ុន<br />នេះ គិតថា Samsung បានធ្វើឱ្យមានការខាតបង់ធ្ងន់ធ្ងរ។ ចំណែក Google វិញ មិនបានទទួល<br />ប្រយោជន៍ផ្ទាល់អំពី Android ប៉ុន្ដែ នៅពេលផ្ដល់កម្មសិទ្ធិបញ្ញា Android ដោយឥតគិតថ្លៃ ក្រុម<br />ហ៊ុនរកប្រាក់បាន តាមរយៈការផ្សាយពាណិជ្ជកម្ម និងឃ្លាំងកម្មវិធី។<br /><br />ការដែល Google ត្រៀមខ្លួនជាស្រេច ក្នុងការជួយការពារ Samsung ក៏អាចកើតឡើងមកពី “កិច្ច<br />ព្រមព្រៀងចែកចាយកម្មវិធី” របស់ក្រុមហ៊ុនទាំងពីរ ក្នុងនោះ Samsung បានយល់ព្រមចែកចាយ<br />សេវាកម្មជាច្រើន របស់ Google ហើយក្នុងចំណោមនោះ ក៏មានមួយចំនួន កំពុងត្រូវបាន Apple <br />ប្ដឹង ដោយចោទថា បានរំលោភលើកម្មសិទ្ធិបញ្ញារបស់ខ្លួន។<br /><br />គួររំលឹកថា នៅក្នុងករណីប្ដឹងផ្ដល់ដែលមានតម្លៃជិត ១ពាន់លានដុល្លារ លើកមុន Google ក៏បាន<br /> email ទៅកាន់ Samsung ដោយថា ខ្លួនត្រៀមជាស្រេច ដើម្បីជួយបង់ថ្លៃសំណងមួយភាគដល់ក្រុម<br />ហ៊ុន ប៉ុន្ដែពេលនោះ Samsung មិនចង់ទទួលជំនួយពីភាគីណាទាំងអស់ នេះបើតាម ភ័ស្ដុតាងដែល<br /> Apple រកបាន។<br /><br />Google និង Samsung បានបដិសេធអធិប្បាយអំពីទំនាក់ទំនងរវាងក្រុមហ៊ុនទាំងពីរ ប៉ុន្ដែ អ្វីដែល<br />គេមើលឃើញច្បាស់ នោះគឺ Google និង Samsung កំពុងតែមានសកម្មភាពការពារគ្នា ទៅវិញ<br />ទៅមក ទៅតាមផ្លូវច្បាប់។</p>
<p style="text-align: right;"><br />ប្រែសម្រួលដោយ ៖ តារា<br />ប្រភព ៖ Cnet<br /><br /></p>