<p><span style="color: #000000;"><strong>កំពត៖</strong> ក្រុមចោរប្លន់ប្រដាប់អាវុធចំនួន ៤នាក់ បានកាត់របងទ្វារក្រោយផ្ទះ ហើយចូលក្នុងផ្ទះបាញ់ប្រហារបុរសជា ម្ចាស់ ២គ្រាប់ បណ្តាលឲ្យស្លាប់បាត់បង់ជីវិត និងរើកកាយស្វែងរកមាសប្រាក់ តែរកមិនឃើញ ក៏រត់គេចខ្លួនទៅ បាត់ទាំងប្លន់មិនបានអ្វីទាំងអស់ ព្រោះខ្លាចសមត្ថកិច្ចមកទាន់។ ហេតុការណ៍ប្លន់ និងបាញ់សម្លាប់ម្ចាស់ផ្ទះនេះ បានកើតឡើង នៅវេលាម៉ោង ៨ និង២០នាទីយប់ថ្ងៃទី១៦ ខែសីហា ឆ្នាំ២០១៥ ស្ថិតនៅភូមិ ភ្នំតូច ឃុំកណ្តោល ស្រុកទឹកឈូ ។</span></p>
<p><span style="color: #000000;">លោកឧត្តមសេនីយ៍ត្រី ម៉ៅ ចន្ទ័មធុរិទ្ធ ស្នងការរងនគរបាលខេត្តកំពត បានឲ្យដឹងនៅព្រឹកព្រលឹមថ្ងៃទី១៧ ខែសី ហា នេះថា ជនសង្ស័យមានគ្នាប្រហែល៤នាក់ បានប្រើអាវុធបាញ់ទៅលើជនរងគ្រោះជាម្ចាស់ផ្ទះ ឈ្មោះ ណេង ណាត ភេទប្រុស អាយុ ៥៤ ឆ្នាំ ចំនួនពីរគ្រាប់ ដោយសារជនរងគ្រោះខ្ទប់ទ្វារមិនឲ្យពួកចោរចូលក្នុងផ្ទះ ក៏ប៉ុន្តែ ក្រុមជនសង្ស័យ មិនបានយករបស់របរជនរងគ្រោះទេ ដោយខ្លាចសមត្ថកិច្ចមកដល់។</span></p>
<p><span style="color: #000000;">ក្រោយក្រុមចោររត់គេចខ្លួនបាត់អស់ក្រុមគ្រួសារ និងអ្នកជិតខាងបានបញ្ជូនម្ចាស់ផ្ទះរងការបាញ់ប្រហារមកសង្គ្រាះ បន្ទាន់នៅមន្ទីរពេទ្យក្នុងរាជធានីភ្នំពេញ តែជាអកុសលដោយសាររងរបួសធ្ងន់ធ្ងរ ក៏បានស្លាប់បាត់បង់ជីវិតទៅ។</span></p>
<p><span style="color: #000000;">លោកឧត្តមសេនីយ៍ ម៉ៅ ច័ន្ទមធុរិទ្ធ បានបញ្ជាក់ថា កម្លាំងរបស់លោក បាននិងកំពុងធ្វើការស្រាវជ្រាវតាមចាប់ ក្រុមចោរប្លន់ទាំងនោះ៕</span></p>
<p><span style="color: #000000;"><a class="thickbox" title="" href="/FileManager/Commons/2015/8/17/8-17-2015-9-37-10-am-17-08-2015--09-46-04.png"><img src="/FileManager/Articles/mce/2015/8/17/8-17-2015-9-37-10-am-17-08-2015--09-46-04.png" alt="" /></a></span></p>
<p><a class="thickbox" title="" href="/FileManager/Commons/2015/8/17/8-17-2015-9-37-26-am-17-08-2015--09-46-14.png"><img src="/FileManager/Articles/mce/2015/8/17/8-17-2015-9-37-26-am-17-08-2015--09-46-14.png" alt="" /></a></p>
<p><a class="thickbox" title="" href="/FileManager/Commons/2015/8/17/8-17-2015-9-38-08-am-17-08-2015--09-46-24.png"><img src="/FileManager/Articles/mce/2015/8/17/8-17-2015-9-38-08-am-17-08-2015--09-46-24.png" alt="" /></a><span style="color: #000000;"><br /></span></p>
<p style="text-align: right;"><span>ផ្ដល់សិទ្ធដោយ៖ ដើមអម្ពិល</span></p>