<p>នៅក្នុងថ្ងៃទី១៨ ខែវិច្ឆិកា ឆ្នាំ២០១២ នេះ មេដឹកនាំទាំងឡាយរបស់អាស៊ាន បានសម្រេចនូវ<br />លទ្ធផលមួយចំនួន ដូចជា ៖ ការឯកភាពអនុម័តលើឯកសារសំខាន់ៗ ពីរ គឺសេចក្តីថ្លែងការណ៍<br />អាស៊ាន ស្តីពីសិទ្ធិមនុស្ស និងការបង្កើតមជ្ឈមណ្ឌលកំចាត់មីនអាស៊ាន។</p>
<p>ក្រៅពីនេះ ប្រមុខរដ្ឋ ប្រមុខរដ្ឋាភិបាលអាស៊ាន ក៏បានឯកភាព ក្នុងការលើបញ្ហាសមុទ្រចិនខាង<br />ត្បូង បញ្ហាភូមា បញ្ហាឧបទ្វីបកូរ៉េ និងបញ្ហាសង្គ្រាមនៅតំបន់កាហ្សាផងដែរ។</p>
<p><a class="thickbox" title="" href="/FileManager/Commons/2012/11/18/asean-leader-summit-0001-18-11-2012--19-10-40.JPG"><img src="/FileManager/Articles/mce/2012/11/18/asean-leader-summit-0001-18-11-2012--19-10-40.JPG" alt="" /></a><br /><br />នៅព្រលប់ថ្ងៃទី១៨ ខែវិច្ឆិកា ២០១២ នេះ លោក កៅ គឹមហួន រដ្ឋលេខាធិការក្រសួងការបរទេស<br />បានថ្លែងថា ប្រមុខរដ្ឋ ប្រមុខរដ្ឋាភិបាលអាស៊ាន បានចុះហត្ថលេខាលើសេចក្តីប្រកាសភ្នំពេញ <br />អនុម័តសេចក្តីថ្លែងការណ៍អាស៊ាន ស្តីពី សិទ្ធិមនុស្ស។ ទន្ទឹមនឹងនេះ មេដឹកនាំនានារបស់អាស៊ាន<br />ក៏បានសម្រេចលើការតែងតាំងបេក្ខភាពថ្មី អគ្គលេខាធិការអាស៊ាន សម្រាប់អាណត្តិ ២០១៣ <br />ដល់ឆ្នាំ២០១៧ បន្ទាប ពីលោក សុរិន ពិតសុវណ្ណ អគ្គលេខាធិការអាស៊ានបច្ចុប្បន្ន ចប់អាណត្តិ <br />នៅថ្ងៃទី៣១ ខែធ្នូ ឆ្នាំ២០១២។<br /><br />លោក កៅ គឹមហួន បានបន្តថា នៅរសៀលនេះ ប្រមុខរដ្ឋាភិបាលអាស៊ាន បានពិភាក្សា នៅ<br />ក្នុងកិច្ចប្រជុំចង្អៀត ទៅលើ ៤ ចំណុចសំខាន់ៗ ក្នុងនោះ មានបញ្ហាសមុទ្រចិនខាងត្បូង ដែល<br />ប្រមុខរដ្ឋាភិបាលអាស៊ាន បានឯកភាពគ្នាទាំងស្រុងថា នឹងមិនធ្វើអន្តរជាតូបនីយកម្មនោះទេ៕</p>
<p> </p>
<p style="text-align: right;">ដោយ ៖ សីហា<br /><br /></p>