<div class="article-content">
<p><strong>ភ្នំពេញៈ</strong> យុវជនម្នាក់ ជាកូនសិស្សលោក ត្រូវបានជនសង្ស័យ ចំនួន៥នាក់ ប្រដាប់ដោយដំបង<br /> ដុំថ្ម ពូថៅ ចូលទៅវាយដល់ក្នុងកុដិ ហើយត្រូវបានព្រះសង្ឃ និងប្រជាពលរដ្ឋ ជួយអន្តរាគមន៍និង<br />ហៅនគរបាលមូលដ្ឋាន ចុះទៅដល់ភ្លាមៗ ដេញចាប់បានចំនួន៣នាក់ និង២នាក់ទៀតរត់គេចខ្លួន<br />រួចបាត់ កាលពីវេលា ម៉ោង៩និង៤៥នាទីយប់ថ្ងៃទី២១ខែមិថុនា ឆ្នាំ២០១៣ ស្ថិតក្នុងបរិវេណវត្តអង្គ<br />តាម៉ិញ ភូមិគោកចំបក់ សង្កាត់ចោម ចៅ ខណ្ឌពោធិ៍សែនជ័យ ។</p>
<p>សាក្សីកន្លែងកើតហេតុ បាននិយាយថា ជនរងគ្រោះត្រូវបានគេស្គាល់ឈ្មោះ រម្យ សុភា ភេទប្រុស<br /> អាយុ២៧ឆ្នាំមានមុខរបរ ជាកម្មករសំណង់ និងកូនសិស្សលោក ស្នាក់នៅក្នុងវត្តអង្គតាម៉ិញ មាន<br />ស្រុកកំណើត នៅភូមិតាងួន សង្កាត់កាកាប ខណ្ឌពោធិ៍សែនជ័យ រងរបួសស្ទើរតែសុះសាច់ ដោយ<br />សារតែជនសង្ស័យ កាប់និងវាយ ចំណែកឯជនសង្ស័យចំនួន៥នាក់ ពុំត្រូវបានគេស្គាល់ឈ្មោះនោះ<br />ទេ ហើយ នគរបាលឃាត់ខ្លួន បាន៣នាក់ភ្លាមៗនិងបក្ខពួក២នាក់ទៀតរត់គេចខ្លួន។</p>
<p>ប្រជាពលរដ្ឋ ដែលរស់នៅក្បែរកន្លែង កើតហេតុបាននិយាយថា ជនរងគ្រោះមានម៉ូតូមួយគ្រឿង <br />ម៉ាកហុងដាសេ ១២៥ សេរីឆ្នាំ២០០៩ នៅក្នុងកុដិលោក ជាមួយគ្នា ហើយជនសង្ស័យ និងជនរង<br />គ្រោះ ពុំដែលស្គាល់គ្នានោះទេ ដូច្នេះជនសង្ស័យអាចចង់ប្លន់ យកម៉ូតូរបស់ជនរងគ្រោះហើយ<br />មើលទៅ ប៉ុន្តែដោយសារតែមានការអន្តរាគមន៍ ពីប្រជាពលរដ្ឋ និងព្រះសង្ឃ ទើបគេយកពុំបាន<br />នោះ។</p>
<p>ក្រោយពេលកើតហេតុ ត្រូវបានរថយន្តសង្គ្រោះ របស់អង្គភាព៧១១ ដឹកយកទៅកាន់មន្ទីរពេទ្យ រុស្ស៊ី <br />ដើម្បីជួយ សង្គ្រោះ អាយុជីវិត ៕</p>
<p style="text-align: center;"><img src="http://image.dap-news.com:81/dap-news/dap-images/2013/june/id-011/Hong-0492.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/june/id-011/Hong-0493.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/june/id-011/Hong-0494.jpg" alt="" width="500" /></p>
<p style="text-align: right;">ផ្តល់សិទ្ធិដោយ៖ ដើមអំពិល</p>
</div>